Eemɔs 9:11 - EBƆRƐ BE KAWƆL

¹¹ Enyɛnpe Ebɔrɛ yɛ: “Kachako bee ba nɛ n naŋ lɔŋɛ Deevid be kuwurji nɛ k ki fanɛ kelambure na m pɔr n yili nɛnɛ. Meeŋ naŋ lɔŋɛ kumo be egbalana m pɔr fanɛ kananɛ k daa du dra na.

Eemɔs 9:11 ပူးပေါင်းရင်းမြစ်များ

Job be kawɔl 1:10

Jemanɛ kikɛ fee kuŋ mo nɛ mbe kanaŋ nɛ kusɔ kama nɛ e kɔ nna nseŋ naa shin nɛ kusɔ kama nɛ e bee wora bee nyalɛ a sa mo, hale nɛ mbe mbolpɔ nɛ ana salga to n sɔ kaplɛkama.

Nshɛ 143:5

Mee nyiŋi asheŋ nɛ fo wora nfɛ damta nɛ a choŋ na kikɛ nna nsaa fɛ amo be asheŋ.

Nshɛ 80:12

Manɛ nna nɛ fo buri kunji nɛ k bee kuŋ kumo na to, nɛ ekama nɛ e bɔla ndoŋ a choŋ bee nya kumo be asɔrso a chuge?

Nshɛ 89:40

Fo shin nɛ egbal nɛ a kulti kadegboŋ na kikɛ bure nɛ kumo be mboŋ lempoana na kikɛ ki alambure a dese.

Aizaaya 16:5

Kumo be kaman, Deevid be kaman to ebi to be eko beeŋ ba ki ewura nseŋ ta kashenteŋji nɛ kasha a keni basa so. E beeŋ nya manaŋ n wora kusɔ nɛ k daga nseŋ keni so n ji asheŋ nɛ amo be ekpa so.

Aizaaya 5:5

Kusɔ nɛ meeŋ wora ma ndibi sɔrso be kudɔ na e la fanɛ, meeŋ lara kunji nɛ k kulti kumo na nseŋ bure egbal nɛ k bee kuŋ kumo na nna, nɛ kupuŋ to be asɔbɔya e ba ji ndibi sɔrso na nseŋ chichi amo so m mata kasawule.

Aizaaya 58:12

Menyi be basa beeŋ lɔŋɛ m pɔr mboŋ nɛ e bure a dese n chɛr na n yili amo be egbaltɔlase dra na so. Saŋɛ na so ekama beeŋ pin fanɛ men la basa nɛ baa lɔŋɛ egbalana nɛ alambure a pɔr nna.”

Aizaaya 63:11

Ama Enyɛnpe Ebɔrɛ na be basa naŋ nyiŋi asheŋ nɛ e wora bumo nananyɛn Mosis be jemanɛ nseŋ bishi le: “Nnɛ nɛ Enyɛnpe Ebɔrɛ nɛ e daŋ mɔlga mbe basa be bejuŋkparpoana ashi teku peper na to dra dra na wɔ? Nnɛ nɛ Ebɔrɛ nɛ e ta mbe Kiyoyu n sa Mosis na wɔ?

Aizaaya 65:9

Meeŋ nɛfa Israɛl nɛ Juda be basa nseŋ shin nɛ ma kasawule nɛ k kɔ abee na e ki bumo be kaman to ebi peya. Saŋɛ na so ma basa laraso nɛ baa shuŋ ma na beeŋ chena kumo so.

Jɛremaya 18:9

Ama nɛ ŋ ka kaŋɛ fanɛ meeŋ wora efuli ŋko kuwurgboŋ ko eleŋ to n ti so,

Jɛremaya 30:9

Kumo be kaman nɛ men shuŋ ma, Enyɛnpe, menyi be Ebɔrɛ na nɛ men nananyɛn ewura Deevid be kanaŋ to be esa nɛ meeŋ buu kuwura n chena na.

Jɛremaya 46:26

Meeŋ ta bumo m bɔɔ ewura Nebukadneeza nɛ mbe benapo enɔ. Ama mee nase kɔnɔ nna fanɛ, kachako Ijipt beeŋ naŋ nya basa nɛ b chena nfe fanɛ kananɛ k daa du na. Ma, Enyɛnpe Ebɔrɛ e kaŋɛ na.”

Nfabel 5:21

O Enyɛnpe Ebɔrɛ, naŋ bɛta anyi m ba fo kutɔ! Nseŋ naŋ shin nɛ an nya anyi be kebaawɔtɔ lela dra na!

Ezikɛl 17:24

Ndoŋ nɛ ndibi nɛ a wɔ kasawule na so beeŋ pin fanɛ ma, Enyɛnpe Ebɔrɛ na e naa ku ndibi tenteŋ a lɛ nsaa shin nɛ ndibi shiimbi bee daŋ nteŋ. Mee naa shin nɛ ndibi bumbuŋ bee wɔl nsaa shin nɛ ndibi wɔlso bee purge. Ma, Enyɛnpe Ebɔrɛ e malga na; ma alɛ beeŋ wora kusɔ nɛ ŋ kaŋɛ na kikɛ.”

Ezikɛl 36:11

Ma alɛ beeŋ naŋ shin menyi be asɔbɔya kikɛ e salga n wora keshi nɛ men naaŋ chena kasawule na so fanɛ kananɛ men daŋ chena kumo so dra na. Menyeeŋ dii kedama ga a chɔ kananɛ men daa du na, saŋɛ na so nɛ menyeeŋ pin fanɛ ma e la Enyɛnpe Ebɔrɛ na.

Hoziya 3:5

Ama saŋko bee ba nɛ Israɛl be basa e naaŋ baa kaa bɛ Enyɛnpe nɛ e la bumo be Ebɔrɛ na, nɛ ewura Deevid mo nanabi na so. Loŋ be jemanɛ na, baaŋ ta kufu nɛ kechicha chicha m ba Enyɛnpe Ebɔrɛ na kutɔ nɛ e sa bumo asɔ lela kama nɛ e kre n yili bumo na.

Obadaya 1:17

Kumɔlga beeŋ baa wɔ Zayɔn be kebee bre so, nɛ basa ko e nya ekpa n shile ŋ ŋana. Ndoŋ beeŋ baa la kakpa cheembi nsaa la Jeekɔb be kanaŋ to be kasawule.

Maika 5:2

Ama Enyɛnpe Ebɔrɛ na yɛ: “Bɛtlɛhɛm Efrata, fo la Juda be efuli so be ndewurbiana na be kuko nna, ama fo to nɛ meeŋ lara esa nɛ e beeŋ ba ji Israɛl be efuli so be kuwura. Dra dra na kikɛ nɛ mbe kanaŋ jɔŋɛ.”

Maika 7:11

O Jerusalɛmebi, saŋɛ fo nɛ b lɔŋɛ kadegboŋ na be egbalana m pɔr. Jemanɛ na kaŋ fo menyi be kasawule be egbaŋ beeŋ kpalga to n ti so.

Maika 7:14

O Enyɛnpe Ebɔrɛ, baa la fanɛ mbolpɔkpapo n sa fo basa laraso. Kashenteŋ nna fanɛ b pesaŋ to nna a wɔ kiyi to, ama kudɔsawule lela kulti bumo nna n wɔtɔ. Amoso shin nɛ b ya chena Bashan nɛ Giliad be nsawule lela so a nya a ji fanɛ kananɛ b daa nya a ji dra na.

Maika 7:8

N doŋana, men sa maŋ shin nɛ menyi be ŋgbene e fuli nɛ men baa ji njɔŋ ma so. Hale nɛ n tɔr gba, ŋ kraa beeŋ koso. Nɛ n chena tentembiri to gba, Enyɛnpe Ebɔrɛ na e la ma kefulto.

Zakareya 12:7

Ma Enyɛnpetale Ebɔrɛ na e naŋ shin nɛ Juda be benapo e juŋkpar ŋ kɔ m pɔɔ so, saŋɛ na so kemaŋkura nɛ ewura Deevid be kaman to ebi nɛ basa nɛ b wɔ Jerusalɛm to beeŋ nya na maaŋ baa chɔ Juda be efuli so be basa nɛ b ka na peya.

Zakareya 14:10

Kasawule nɛ k yili Gɛba n dese n ya fo Rimmɔn a laŋɛ Jerusalɛm be kelargato be kaseto be kaba so na beeŋ ki fanɛ keshishɛrsawule nɛ baa tre Araba na. Ama Jerusalɛm bre beeŋ baa kraa yil kumo be kakpa nseŋ yili kabuna nɛ baa tre Bɛnjamin be Kabunagboŋ na n salga to n ya fo kumo nɛ baa tre Kukɔlɔ to be Kabunagboŋ, be kakpa nɛ kabuna ko daa wɔ na. K kraa beeŋ yili kakpa nɛ baa tre Hananɛl be Ebu jeŋgreŋ na n salga to n ya fo kakpa nɛ baa wora bewura be eyabra na.

Zakareya 6:12

Kumo be kaman nɛ fo kaŋɛ mo fanɛ Enyɛnpetale Ebɔrɛ na yɛ: ‘Kanyɛn ko beeŋ shi kakpa nɛ fo wɔ ere n lar fanɛ keyimu ka pete na m ba lɔŋɛ Enyɛnpe Ebɔrɛ na be bɔrɛlambu na m pɔr.

Nɔmbɛs 24:18

E beeŋ kɔ m pɔɔ so mo doŋana Edɔmebi so nseŋ ta bumo be kasawule ŋ ki mbe kapetɛ. Israɛl beeŋ baa kɔ a pɔɔ so saŋkama.