Eemɔs 9:10 - EBƆRƐ BE KAWƆL

¹⁰ Baaŋ mɔ bumo be bumo nɛ b la belubiworapo n wea ma basa to na kena to, fɔŋfɔŋ bumo nɛ baa kaŋɛ le na: ‘Ebɔrɛ maaŋ shin nɛ tɔrɔ kikɛ e ba anyi so.’ ”

Eemɔs 9:10 ပူးပေါင်းရင်းမြစ်များ

Nshɛ 10:11

Le nɛ baa kaŋɛ bumo be amu: “Ebɔrɛ be shɛŋ maŋ wɔtɔ. E buu mbe anishi so nna. E maa wu anyi.”

Kaŋinichiŋgeliŋ 8:11

Kulubi be kasogberge baa maa ba manaŋ manaŋ, k bee shin nɛ basa be ŋgbene bee laŋɛ kulubi be kewora so nna.

Aizaaya 33:14

Kufugboŋ beeŋ tɔr Jerusalɛm be basa lubi nɛ b maa ŋana Ebɔrɛ na so nɛ b baa chicha. B yɛ: “Ebɔrɛ be demuji du fanɛ edɛ nɛ k bee chɔ a maa duŋ nna. Anyi to be beko beeŋ tiŋ n luri edɛ ere to n lar nɛ anyi maaŋ wu a?”

Aizaaya 5:19

Le nɛ menyee kaŋɛ: “Shin nɛ Enyɛnpe Ebɔrɛ na e nya manaŋ n wora kusɔ nɛ e yɛ e beeŋ wora na ai, saŋɛ na so anyeeŋ wu kumo. Shin nɛ Israɛl be Ebɔrɛ cheembi na e wora asheŋ nɛ e kre na ai; n shin nɛ an wu kusɔ nɛ k wɔ mbe nfɛra to.”

Aizaaya 56:12

Kusɔ nɛ basa nɛ baa boo nsa bee kaŋɛ e la fanɛ men shin nɛ an ya nuu nsa m boo kananɛ anyee sha. Echefo peya e baa chɔ kabre peya!”

Jɛremaya 18:18

Ndoŋ nna nɛ basa na kaŋɛ abar le: “Men shin nɛ an to jina a laŋɛ kananɛ anyeeŋ nya Jɛremaya m mɔ be kaplɛa so. Bɔrɛmatapoana beeŋ baa wɔtɔ jemanɛ kikɛ a ŋini anyi asheŋ, nɛ benyiashempo e baa ji anyi asoe to nɛ anebiana malɛ e baa bɔ Ebɔrɛ be kubɔya na a sa anyi. Men shin nɛ an nya kulubi ko ŋ ku n deŋi mo. Saŋɛ na so anyeeŋ tiŋ a kini kebaanu kusɔ kama nɛ e bee kaŋɛ.”

Jɛremaya 23:17

Anebi fɛpoana ere bee kaŋɛ basa nɛ b kini kenu kusɔ nɛ ŋ kaŋɛ na nna fanɛ asheŋ beeŋ nyalɛ n sa bumo. Bumo alɛ nseŋ naa kaŋɛ kagbene kpakpasowuraana fanɛ b maaŋ ji jɛrbi kikɛ.”

Ezikɛl 20:38

Meeŋ lara ŋgbene kpakpaso wuraana nɛ baa lar ma kaman na ashi menyi to. Hale nɛ n lara bumo ashi efuliana nɛ b pesaŋ to n yɔ na gba m ba, b maaŋ nya m bɛta n yɔ Israɛl be kasawule so. Ndoŋ nɛ menyeeŋ pin fanɛ ma e la Enyɛnpe Ebɔrɛ na.

Eemɔs 6:1

Asheŋ maaŋ nyalɛ n sa menyi nɛ shɛŋ shɛŋ maŋ tir menyi ashi Jerusalɛm, nɛ menyee fɛ fanɛ men nya kekuŋ ashi Samɛria be kade to ere. Asheŋ maaŋ nyalɛ n sa menyi Israɛl be efuli lempo be bunyaŋwuraana, nɛ basa bee kaa ba menyi kutɔ m ba kaa fin kechɛto na!

Eemɔs 6:3

Men kini keshuli fanɛ demuji be kachɛ na beeŋ ba, ama menyi be asheŋ woraso e naa ŋini fanɛ kachɛ na gba tiŋ n taga to.

Eemɔs 9:8

Ma Enyɛnpetale na bee wu kulubi nɛ Israɛl be efuli na bee wora, ma alɛ beeŋ mur bumo ashi kasawule ere so. Ama ŋkpal bumo nananyɛn Jeekɔb so meeŋ yige bumo be basa gbrɛbi.

Maika 3:11

Kadegboŋ na be bejuŋkparpoana bee sɔ asɔ basa kutɔ nna pɔɛŋ nsaa ji bumo be asheŋ a sa bumo. Bɔrɛmatapoana nɛ anebiana na malɛ bee sɔ amansherbi nna pɔɛŋ nsaa ŋini mbraana na ŋko a wu abɔrɛsheŋ a kaŋɛ basa. Kumo be kaman nɛ b kilgi ŋ kaŋɛ le: “Enyɛnpe Ebɔrɛ na wɔ anyi kutɔ, amoso shɛŋ maaŋ tiŋ n wora anyi.”

Zakareya 1:6

N daŋ bɔla anebiana nɛ b la ma nyɛrbi na so nna n sa men nanaana ma mbraana nɛ kefiɛso be mmalga, ama b daa maŋ tuge ma, nɛ kumo be kasogberge ba bumo so. Kumo be kaman nɛ b chɛrga bumo be nfɛra nseŋ shuli so fanɛ ma, Enyɛnpetale Ebɔrɛ na e sa bumo kasogberge nɛ k daga bumo, fanɛ kananɛ ŋ kre kumo na.”

Malakai 3:15

Naniere bre, ŋkpensheŋ wuraana na nɛ anyeeŋ kaŋɛ fanɛ baa nya nɛfa. Belubiworapoana gba bee wora Ebɔrɛ nna a keni nsaa ta bumo be amu a ji.’ ”

Malakai 4:1

Enyɛnpetale na yɛ: “Kachako bee ba nɛ basa nɛ b kpeŋ nɛ belubiworapoana kikɛ e chɔɔ fanɛ atuweklaŋ. Kumo be kachɛ na baaŋ chɔɔ m mur cheche nɛ bumo be kusɔ kama maaŋ ka.