Eemɔs 8:4 - EBƆRƐ BE KAWƆL

⁴ Menyi nɛ menyee ŋin betentaŋasepo nɛ efuli ere so be betirpo a lɛ a chichi so na e nu nfe.

Eemɔs 8:4 ပူးပေါင်းရင်းမြစ်များ

1 Bewura 22:19

Nɛ anebi Mikaya kraa malga nseŋ kaŋɛ le: “Nu! N wu Enyɛnpe Ebɔrɛ na ka chena mbe kuwurputi so nɛ mbe emalaika kikɛ kulti mo ashi Ebɔrɛso,

Job be kawɔl 24:4

Baa kuŋ betirpo ekpa nna nɛ b sa maa nya asɔ nɛ a la bumo peya. Bumo alɛ naa nyaŋ bumo nna nɛ baa shile a ŋana.

Nshɛ 10:7

Bumo be mmalga kikɛ la shoduu nɛ kafule nɛ kafunti nna, nɛ bumo be bare kikɛ malɛ yil asheŋ lubi nɛ alubi be kewora so.

Nshɛ 12:5

Ndoŋ nna nɛ Enyɛnpe Ebɔrɛ kaŋɛ le: “Meeŋ koso, ŋkpal bepɔshipo be kamɛaŋ, nɛ basa nɛ asheŋ bee tɔrɔ be kushuto so. Meeŋ sɔ bumo n yige.”

Nshɛ 14:4

Ama alubiworapo maaŋ koya a? Menyee suge ma basa nna a ji, nsaa kini kekule Ebɔrɛ.

Nshɛ 140:12

Enyɛnpe Ebɔrɛ, n nyi fanɛ fo e naa kɔ a sa betirpo, nsaa shin nɛ betentaŋasepo bee nya asɔ nɛ a daga bumo.

Nshɛ 56:1

O, Enyɛnpe Ebɔrɛ, wu ma kuwɔr. Bedoŋ ju a buu ma so kapa nɛ kanyɛ nna. Saŋɛ kikɛ baa firgi a taga ma to nna.

Aŋasa 30:14

Basa ko be kebaawɔtɔ e la kebaa kɔ kumu kpakpaso a mɛaŋ betirpo nɛ bebɔlpo.

Aizaaya 1:10

Jerusalɛmebi, menyi be bewuraana nɛ basa kikɛ du fanɛ Sodɔm nɛ Gomɔra be basa nna. Men kaŋ asoe n nu kusɔ nɛ Enyɛnpe Ebɔrɛ na bee kaŋɛ nseŋ wɔtɔ lakal kusɔ nɛ Ebɔrɛ bee ŋini menyi to.

Aizaaya 28:14

To, menyi basa kpeŋso nɛ menyee ji kuwura basa ere so ashi Jerusalɛm to na e kaŋ asoe n nu kusɔ nɛ Enyɛnpe Ebɔrɛ na bee kaŋɛ.

Jɛremaya 28:15

Kumo be kaman nɛ n naŋ kaŋɛ anebi Hananiya le n ti so: “Enyɛnpe Ebɔrɛ na maŋ shuŋi fo, ama fo alɛ bee shin nɛ basa ere bee yirda efɛ nɛ fee ku na.

Jɛremaya 5:21

Men nu nfe! Menyi basa wulpo nɛ men maŋ nyi asheŋ ere! Manɛ so nɛ menyi maa nu ma mmalga a bɛ amo so? Manɛ so nɛ menyi maa pin to fanɛ

Ezikɛl 22:12

Ade kikɛ be kaman, basa na be beko wɔtɔ nna a sɔ amansherbi nsaa mɔ basa, nɛ beko malɛ bee wɔtɔ amansherbi nɛ b ta m paŋ bumo braana Israɛl be basa nchu ga a dii kedama nɛ kumo be loŋ maŋ daga. B teŋ ma, Enyɛnpetale Ebɔrɛ na so nna.

Ezikɛl 45:10

A maŋ daga fanɛ men baa ta kapuni be asɔ karga asɔ fanɛ ekurwa nɛ b wuse amo be afito nɛ ebɔtɛ wurbi a karga asɔ wɔlso nɛ ekɔlba wurbi nɛ egalɔn wurbi a karga asɔ nɛ a la fanɛ ŋku nɛ nchu a sa basa.

Eemɔs 5:11

Ŋkpal men ka mɛaŋ betirpo nseŋ suge bumo be adɔjibi so, menyi alɛ gba maaŋ nya elaŋ lela nɛ men ta ajembu m pɔr na n luri to, ŋko n nya men be asɔrso nɛ baa tre greep na be yabra belbelso n nuu.

Eemɔs 5:12

N nyi men be alubi damta nɛ menyee wora, nsaa nyi kananɛ menyee puni nsaa tɔrɔ basa lela. Menyee sɔ brɔbu nna nsaa ji betirpo durmu ashi demujikpa.

Eemɔs 7:16

Loto naniere n nu kusɔ nɛ Enyɛnpe Ebɔrɛ bee kaŋɛ.

Maika 2:2

B baa sha nsawule ŋko nwu kama, baa suge amo eleŋso nna. Baa puni nna a suge basa be nwu ŋko mpetɛsɔ.

Maika 3:3

K du fanɛ menyee luu ma basa be nwɔl nna, nsaa kpele bumo be eblaŋ nɛ awibi to a wɔtɔ mpuliya to a daŋɛ a we.

Zakareya 5:6

Nɛ m bishi mo: “Manɛ nna?” Nɛ e kaŋɛ ma: “K la kelantaŋɛ nɛ k yili n sa basa nɛ b wɔ kasawule so kikɛ be alubi nna.”

Matiu 23:13

Asheŋ maaŋ nyalɛ n sa menyi mbraŋinipoana nɛ Efarisiana ere kikɛ, kebirkɔnshiwuraana ere, ŋkpal men ka bee kuŋ basa ashi Ebɔrɛ be kuwura na to be keluri na to so. Men gbagba maa luri ebɔrɛso be kuwura na to, menyi alɛ nseŋ naa shin nɛ basa nɛ b daa beeŋ baa sha keluri bee paŋ kumo to be keluri.

Jeems 5:6

Men wu basa cheembi kulubi nseŋ mɔ bumo. Bumo alɛ maŋ nya kɔnɔ m bugi.