Eemɔs 8:12 - EBƆRƐ BE KAWƆL

¹² Basa beeŋ shi kelargato be esoso be kaba so ŋ kilgi to n fin Ebɔrɛ be kamalga n ya fo epeŋilarkpa be kaba so. Baaŋ yɛla kenishi to n yɔ kaplɛkama n ya fin Enyɛnpe Ebɔrɛ be kamalga na, bumo alɛ maaŋ wu kumo.

Eemɔs 8:12 ပူးပေါင်းရင်းမြစ်များ

Aŋasa 1:28

Loŋ be saŋɛ na, feeŋ shu n tre ma, kanyiasheŋ, ama m maaŋ tuge fo. Feeŋ fin ma kenishipereso ama fo maaŋ wu ma.

Aŋasa 14:6

Shiaworapo maaŋ tiŋ n nya kanyiasheŋ kikɛ ama lakalwura bre bee nya kenyi manaŋ manaŋ nna.

Aŋasa 29:18

Efuli be basa baa maa bɛ Ebɔrɛ be keŋini so, mbra be kebɛso nɛ kebaa wora asheŋ nɛ a niŋi maa wɔtɔ. Ebɔrɛ bee nɛfa basa kama nɛ baa bɛ mbe mbra so nna.

Ezikɛl 20:3

fanɛ ŋ kaŋɛ Israɛl be benimuana na fanɛ kusɔ nɛ Enyɛnpetale Ebɔrɛ na kaŋɛ nde: “Men ba nna nɛ men ba pin kusɔ nɛ mee sha fanɛ men wora a? Ŋ ka baa la Enyɛnpetale Ebɔrɛ nɛ e bee sa ŋkpa ere, m maaŋ shin nɛ men pin kusɔ nɛ mee sha fanɛ men wora.

Ezikɛl 20:31

Jemanɛ nɛ menyee ta menyi be mbia a lara esarga a sa agbirana na hale nɛ mbre na, menyee jija menyi be amu nɛ menyi be kebaawɔtɔ nna na. O Israɛlebi, a daga ŋ ka naŋ sa menyi ekpa nɛ men bishi ma kusɔ ko a? Ma, Enyɛnpetale Ebɔrɛ e naa kaŋɛ menyi kashenteŋto na fanɛ m maaŋ sa menyi ekpa nɛ men bishi ma shɛŋ.

Danɛl 12:4

Kumo be kaman nɛ e naŋ kaŋɛ ma le: “Danɛl, da kawɔl na m buu so nseŋ ta tɔɔnɛ be kebersobi m ber kumo so hale nɛ durnya ere e ya fo kumo be ekar. Ama basa kraa beeŋ baa lege to a fin kepin asheŋ to.”

Hoziya 5:6

Baa ta bumo be mbolpɔ nɛ ana nna a lara esarga a sa Enyɛnpe Ebɔrɛ na, ama amo nɛ amo kikɛ, kelela kikɛ maa lar amo to a sa bumo. Bumo alɛ maa ba nɛ b naŋ wu mo kikɛ, ŋkpal manɛ so, e lar bumo be asheŋ to.

Matiu 12:30

Esa kama nɛ e maŋ la n teri la n doŋ nna nɛ ekama malɛ nɛ e maa chɛ ma to a chala, bee gboŋi asɔ nɛ mee chala nna.

1 Samuɛl 3:1

Jemanɛ nɛ kebinyɛnsobi Samuɛl daa wɔ Eli kutɔ a shuŋ Enyɛnpe Ebɔrɛ na, be saŋko saŋko, Enyɛnpe Ebɔrɛ na daa malga a sa basa nna, amoso e daa maa lara mbe kumu a ŋini basa saŋɛ damta.