Eemɔs 7:7 - EBƆRƐ BE KAWƆL

⁷ Ade be kaman nɛ Enyɛnpe Ebɔrɛ lara mo gbagba be kumu ŋ ŋini ma bɔrɛdare to. E daa yil m mata egbal nna nseŋ keta efɔl nɛ kusɔ gbɛgbɛsobi ko chɛ kumo be kɔnɔ a chul. Loŋ be efɔl na nɛ bepɔrpo bee ta asɔ kargaso a keni egbal be keniŋi.

Eemɔs 7:7 ပူးပေါင်းရင်းမြစ်များ

Jɛnesis 28:13

E daŋ wu fanɛ Enyɛnpe na e daa yil kumo be kumu so gbagba na. Ndoŋ nɛ Enyɛnpe na daa yil nseŋ kaŋɛ mo le: “Ma e la Enyɛnpetale, fo nananyɛn Eebraham be Ebɔrɛ nɛ Aizek be Ebɔrɛ na. Meeŋ ta kasawule mo nɛ fo dese so ere n sa fo nɛ fo kaman to ebi.

2 Samuɛl 8:2

Deevid gba daŋ kɔ m pɔɔ Mowabebi na so nna nseŋ daŋ shin nɛ bumo be benapo na dese kasawule nɛ e mɔ bumo be basa asa to kikɛ be benyɔ. Mowabebi na daa shuŋ mo nna nsaa ka lampo a sa mo.

2 Bewura 21:13

Kananɛ n daŋ gberge Samɛria be efuli so be basa nɛ Israɛl be ewura Ahab nɛ mbe kaman to ebi kusoe na, loŋ gbagba chap nɛ meeŋ gberge Jerusalɛm be basa gba kusoe. Meeŋ shin nɛ Jerusalɛm e naŋ ki kasawule fuloŋ a dese fanɛ kananɛ k daa du dra na.

Aizaaya 28:17

Kewora asheŋ nɛ amo be ekpa so nɛ asheŋ niŋiso e naaŋ baa la efɔl nɛ meeŋ baa ta a kargaso a pɔr nɛ k baa niŋi. Bɔrɛjembubi nɛ bɔrɛchu beeŋ bɔlɔ m mur efɛsheŋ nɛ men ta a kuŋ menyi be amu na nseŋ sulɔ amo kikɛ n ya lɛ.”

Aizaaya 34:11

Egbuŋgbula nɛ kupuŋ to be asɔbɔya be yiri yiri e naaŋ sɔ kasawule na kikɛ so a wɔtɔ. Enyɛnpe Ebɔrɛ na beeŋ shin nɛ k naaŋ ki kasawule fuloŋ n dese fanɛ kananɛ k daa du kasɔto be jemanɛ so na.

Nfabel 2:8

Enyɛnpe Ebɔrɛ na gbagba daŋ yili kumo mbe kagbene to fanɛ a daga egbalana nɛ a kulti Jerusalɛm na ka bure n tɔr. E ka fara kumo be kebure e maŋ naŋ yige kikɛ, a ŋini fanɛ e bee sha kumo be kemur cheche nna. Naniere kumo be mboŋ lempoana nɛ egbalana kikɛ bure a dese.

Ezikɛl 40:3

Nɛ Enyɛnpe Ebɔrɛ na firgi ma n taga amo to nɛ wu esa ko nɛ e bee nyɛkpɛ fanɛ b ka fifɛa danyaŋ so na, nɛ e kɔ wajɛchɛbi be kusɔ nɛ baa ta a karga asɔ be nteŋ nɛ kekpabi nɛ b kɔ a karga asɔ na mbe enɔ to nsaa yil kabunagboŋ ase ashi bɔrɛdare na to.

Eemɔs 7:6

Nɛ Enyɛnpe Ebɔrɛ naŋ chɛrga mbe nfɛra ŋ kaŋɛ le: “Loŋ maaŋ wora kikɛ.”

Eemɔs 7:8

Ndoŋ nna nɛ Enyɛnpe Ebɔrɛ bishi ma le: “Eemɔs manɛ nɛ fo wu?” Nɛ ŋ kaŋɛ: “Efɔl nɛ baa ta a karga egbal be keniŋi na.” Nɛ Enyɛnpe Ebɔrɛ kaŋɛ: “N ta kumo nna a karga ma basa Israɛlebi fanɛ kananɛ baa karga egbal be keniŋi na. Ma alɛ maaŋ naaŋ ta m paŋ bumo kikɛ.

Zakareya 4:10

Bekama nɛ b keni kananɛ asheŋ fara gbrɛ gbrɛbi kabre ere jiga na kaŋ wu kejembu nɛ kumo be asheŋ tir ga ere ka bɔɔ Zerubabel enɔ na, baaŋ ji eyur kagbenefuliso Kumo be kaman nɛ malaika na naŋ kaŋɛ ma le: Efitilatɔl ashunu na e la Enyɛnpe Ebɔrɛ be anishi ashunu nɛ a bee keni a wu kusɔ kikɛ durnya ere kikɛ to na.”

Kelaraŋŋini 11:1

B daŋ ta kedibi ko fanɛ kekpabi nna n sa ma nseŋ kaŋɛ ma le: “Ta kumo n ya karga kananɛ Ebɔrɛ be lambu na sa nseŋ naŋ karga bɔrɛsure na nɛ basa nɛ b wɔ lambu na to a maŋ Ebɔrɛ so na gba.

Kelaraŋŋini 21:15

Malaika mo nɛ e daŋ malga ŋ kutɔ na daa kɔ shuwa be kekpabi nɛ b kɔ a karga asɔ enɔ to nna nɛ e ta ŋ karga kadegboŋ na nɛ kumo be mbuna nɛ kumo be egbal.