Eemɔs 7:4 - EBƆRƐ BE KAWƆL

⁴ Bɔrɛdare ere to Enyɛnpetale daŋ kaŋɛ nna fanɛ mbe demuji beeŋ ba mbe basa so, nɛ edɛ e ba chɔɔ kusɔ kama ashi kasawule ere so n ta tekugboŋ na gba n tiso.

Eemɔs 7:4 ပူးပေါင်းရင်းမြစ်များ

Aizaaya 27:4

Kumo be kaman, m maŋ naŋ nya agbo n wɔtɔ ndibi sɔrso be kudɔ na. Nɛ fanɛ ewi be yiri yiri kɔr kumo to gba, meeŋ tia amo kikɛ n chɔɔ m mur cheche.

Jɛremaya 4:4

Men ta menyi be ŋgbene kikɛ m bɛ ma, Enyɛnpe Ebɔrɛ na nɛ menyi be kɔnɔkoŋwule be ŋkre na so. Nɛ menyi Juda nɛ Jerusalɛm be basa maŋ wora loŋ, ma kanya agbo beeŋ suse so fanɛ edɛ ŋkpal asheŋ lubi nɛ men wora so, nɛ esa kama maaŋ tiŋ n duŋ kumo.”

Ezikɛl 21:3

nseŋ kaŋɛ bumo fanɛ ma, Enyɛnpe Ebɔrɛ na bee kaŋɛ fanɛ b ki ndoŋana nna. Amoso meeŋ pee ma tokobi kumo be efar to m mɔ bumo to be basa lela nɛ belubi kikɛ.

Jowɛl 1:19

Enyɛnpe Ebɔrɛ, fo nɛ mee shu a tre na, ŋkpal manɛ so, asɔbɔya be afitiri jiso kikɛ wɔl n chɔɔ n fige to nyam.

Jowɛl 2:30

Kumo be kamɔnchɛ, meeŋ sa menyi kefiɛso be etɔɔnɛsheŋ nɛ e shi awɔlpa to nɛ kasawule so. Kumo be jemanɛ so, basa ko be ŋklaŋ beeŋ lar edɛ beeŋ suse n shin nɛ edishi e sɔ awɔlpa to kikɛ.

Levitikɔs 10:2

Epul to nɛ Enyɛnpe Ebɔrɛ na shin nɛ edɛ ba buu bumo so n chɔɔ bumo m mɔ.

Eemɔs 1:4

Meeŋ shin nɛ edɛ e ya chɔɔ lambu nɛ ewura Haziɛl pɔr na nɛ ewura Bɛnhadad be kumɔlga be mboŋ lempo na kikɛ cheche.

Eemɔs 1:7

Meeŋ shin nɛ edɛ e ba chɔɔ Gaaza be kade to be kumɔlga be mboŋ lempo nɛ a wɔ egbal nɛ b pɔr ŋ kulti kade na so na kikɛ cheche.

Eemɔs 2:5

Ŋkpal loŋ so meeŋ shin nɛ edɛ e ba Juda be efuli so m ba chɔɔ Jerusalɛm be kumɔlga be mboŋ lempo kikɛ.”

Eemɔs 4:11

Kananɛ m mur ndegboŋ nɛ baa tre Sodɔm nɛ Gomɔra dra dra na, nɛ m mur menyi alɛ gba be beko. Menyi bumo nɛ men nya men be amu na du fanɛ kedibi nɛ k bee chɔɔ nɛ b lara kumo edɛ to n lɛ nna. Ama amo nɛ amo kikɛ men kraŋ kini kebɛta m ba ma kutɔ. Ma Enyɛnpe Ebɔrɛ na e malga na.

Eemɔs 5:6

Men bɛta n yɔ Enyɛnpe Ebɔrɛ na kutɔ nseŋ nya ŋkpa. Men baa maŋ ba mo kutɔ, e beeŋ ta edɛ m mur menyi. Menyi Bɛtɛl be basa e naaŋ chɔɔ. Esa kama malɛ maaŋ tiŋ m mɔlga menyi kikɛ.

Eemɔs 7:1

Enyɛnpetale e daŋ lara bɔrɛdare ere ŋ ŋini ma nseŋ kaŋɛ fanɛ e beeŋ shin nɛ elotɔr damta e ba ji menyi be adɔjibi. E yɛ saŋɛ nɛ menyee ta menyi be ayu be kachige n sa ewura na nɛ saŋɛ nɛ baa shin nɛ b teŋi ayu nɛ a ka na nɛ loŋ a wora.

Eemɔs 7:7

Ade be kaman nɛ Enyɛnpe Ebɔrɛ lara mo gbagba be kumu ŋ ŋini ma bɔrɛdare to. E daa yil m mata egbal nna nseŋ keta efɔl nɛ kusɔ gbɛgbɛsobi ko chɛ kumo be kɔnɔ a chul. Loŋ be efɔl na nɛ bepɔrpo bee ta asɔ kargaso a keni egbal be keniŋi.

Maika 1:4

Abeegboŋ na beeŋ ŋalga ashi mbe aya to fanɛ ŋku bumbuŋ ka luri edɛ to ŋ ŋalga a shile a yɔ abee na be afito fanɛ nchu ka shi kebee so a chulgi a wurge kasawule so na.

Nahum 1:6

E baŋ nya agbo, esa kikɛ maaŋ pete. Esa kikɛ maaŋ tiŋ ŋ gelge mbe agbogboŋ na. Mbe agbo du fanɛ edɛ nna a pante afalta nɛ a bee bure to a ki eshishɛr.

Nɔmbɛs 16:35

Kede be kaman nɛ Enyɛnpe Ebɔrɛ na shin nɛ edɛ wuloŋ wuloŋ ko ba chɔɔ benyɛn alfa anyɔ nɛ adunu nɛ b ta eduwu n ya ka lara sarga na m mɔ.

Ditɛronɔmi 32:22

Kumo be kaman nɛ ma agbo e suse fanɛ edɛ n chɔɔ kusɔ kama durnya to, n ta menyi be adɔ n ti so. Edɛ na beeŋ chɔɔ hale bubuni to ashi kasawule to nseŋ naŋ chɔɔ abeeana gba m mur.

Hibruwebi 1:7

Le nɛ mo alɛ naŋ malga mbe emalaika koŋwule na be asheŋ ŋ kaŋɛ: “Ma, Ebɔrɛ bee shin nɛ ma emalaika bee wora fanɛ afu nna nɛ ma anya malɛ bee wora fanɛ edɛ a chɔɔ wuloŋwuloŋ.”

Kelaraŋŋini 4:1

Ade kikɛ be kaman nɛ ŋ keni nɛ kabuna bugi a yil ebɔrɛso. Nɛ ebɔl mo nɛ n daŋ juŋkpar n nu nɛ k bee malga ŋ kutɔ fanɛ kabel na kaŋɛ ma le: “Dii m ba nfe nɛ ŋ ŋini fo asɔ nɛ a beeŋ wora asheŋ ere kikɛ be kaman.”