Eemɔs 7:12 - EBƆRƐ BE KAWƆL

¹² Kede be kaman nɛ bɔrɛmatapo Amaziya kaŋɛ Eemɔs le: “Ta fo ebɔrɛdareana n shile anyi so! Bɛta n yɔ Juda be kasawule so n ya ka wora fo kenebiya be kushuŋ ndoŋ nsaa nya fo kusɔ jiso kumo to.

Eemɔs 7:12 ပူးပေါင်းရင်းမြစ်များ

2 Kronikɛls 16:10

Ewura Asa ka nu loŋ nɛ e nya agbo n wɔtɔ anebi na n shin nɛ b pɛ mo n ya ti ebu. Loŋ be jemanɛ na so nɛ ewura Asa fara a mɛaŋ basa na be beko.

Aizaaya 30:10

Bumo alɛ bee kaŋɛ anebiana na nna fanɛ b baa lo bumo be nnɔ to. Kusɔ nɛ baa kaŋɛ bumo e la: “Men sa maa kaŋɛ anyi kusɔ nɛ k daga be asheŋ. Men baa kaŋɛ anyi asheŋ nɛ anyee sha kebaanu na, hale nɛ a maŋ la kashenteŋ gba.

Aizaaya 56:11

Bejuŋkparpo na du fanɛ njɔnɔ nɛ baa sha ajibi ga nna. B maa ji a moɛ kikɛ. Bumo alɛ maa pin asheŋ to nsaa wɔtɔ a wora asheŋ nɛ a bee par bumo nawule.

Ezikɛl 13:19

Men keni ma jiga ma basa be anishito, ŋkpal shiŋkafa nɛ ajibi gbrɛbi nɛ menyeeŋ nya so. Ma basa kaa bee nu efɛ so, men bɔla efɛ so m mɔ basa nɛ b daŋ maŋ daga luwu nseŋ shin nɛ bumo nɛ b daga luwu bre ji efute.”

Eemɔs 2:12

Ama men nyaŋ Nazarinebi na nna nɛ baa nuu nsa nseŋ ju anebiana malɛ fanɛ b sa maŋ kaŋ malga abɔrɛsheŋ.

Eemɔs 7:11

Le nɛ e bee kaŋɛ: “Jeroboam beeŋ wu kena to nɛ b pɛ Israɛlebi na n tintiŋ bumo n yɔ efuli pɔtɛ ko so kufɔ kufɔ.”

Malakai 1:10

Enyɛnpetale yɛ: “Men be eko daŋ ti ma bɔrɛlambu na be akuloŋ k daa beeŋ par ma. Saŋɛ na so men maaŋ baa jija saŋɛ a lara esarga chɔɔso fuloŋ a deŋi ma bɔrɛsure so, ŋkpal manɛ so ma kagbene maŋ fuli menyi so. Hale men ta men be esarga m ba sa ma gba, meeŋ kini amo.

Matiu 8:34

Ndoŋ nna nɛ kade na to ebi kikɛ lar n yɔ Yesu kutɔ. B ka ya wu mo nɛ b kule mo fanɛ e lar bumo be kasawule so.

Luuk 13:31

Jemanɛ na so gbagba nɛ Efarisiana ko ba kaŋɛ Yesu le: “Keni, lar nfe n yɔ kakpa ko, ŋkpal manɛ so, Ewura Hɛrɔd bee fin fo kemɔ nna.”

Ashuŋ Shunso 16:39

Ndoŋ nna nɛ b ya kule bumo fanɛ b ta m paŋ bumo. Kumo be kaman nɛ b lara bumo kabuti na to nseŋ kule bumo fanɛ b lar kade na to.

Romebi 16:18

Ŋkpal manɛ so, mannɛ an Nyɛnpe Yesu Kristo na nɛ loŋ be basa na bee shuŋ na, bumo gbagba be epunana nɛ baa shuŋ a sa. Kɔnɔ belbelso nɛ ŋkpaŋ fuloŋ nɛ b kɔ a fule basa nɛ b maŋ nyi asheŋ to.

1 Kɔrintebi 2:14

Durnya ere to be esa bre maaŋ tiŋ n nya asɔ nɛ a bee shi Ebɔrɛ be Kiyoyu na kutɔ. Kashenteŋto, a la kawulisheŋ nna n sa mo nɛ e maaŋ tiŋ m pin amo to kikɛ, ŋkpal manɛ so, Kiyoyu na nawule e naaŋ tiŋ ŋ ŋini mo amo be asheŋ.

1 Pita 5:2

Mee kule menyi nna fanɛ men baa keni Ebɔrɛ be basa nɛ b wɔ men be enɔ to a du fanɛ mbolpɔ na so. Men sa maŋ ta bumo be kekeniso na fanɛ katiŋ be kusɔ. Men baa bugi ŋgbene a keni bumo so fanɛ kananɛ Ebɔrɛ bee sha fanɛ men baa du na. Men sa maŋ baa wɔtɔ a kɔ kajɛso a fin kakɔka, men baa bugi kagbene a sha kebaashuŋ basa.

1 Samuɛl 2:36

Fo kanaŋ to be esa kama nɛ e kraa wɔ ŋkpa to malɛ beeŋ yɔ bɔrɛmatapo na kutɔ n ya jɔŋɛ ŋ kule mo amansherbi nɛ ajibi, mo alɛ nseŋ naŋ kule fanɛ b sa mo alɛ gba bɔrɛmatapo be kushuŋ ko nɛ e chɛ to n shuŋ nseŋ nya kusɔ jiso.”

1 Samuɛl 9:9

Ndoŋ nna nɛ Sɔɔl kaŋɛ le: “Mbo! An yɔ kebɔrɛnya nɛ e bee wu asheŋ a kaŋɛ na kutɔ.” E daŋ kaŋɛ le nna ŋkpal manɛ so loŋ be jemanɛ na so Ebɔrɛ daa bɔla asheŋ be kewuŋkaŋɛ so nna a malga a sa basa. Basa nɛ baa wu asheŋ a kaŋɛ na nɛ b daa tre anebiana loŋ be jemanɛ na.