Eemɔs 7:10 - EBƆRƐ BE KAWƆL

¹⁰ Le be kubɔya nɛ Amaziya nɛ e la Bɛtɛl be bɔrɛmatapo na daŋ ta n sa Jeroboam nɛ e la Israɛl be ewura na. E yɛ: “Eemɔs bee kre menyi ŋkre lubi nna ashi Israɛlebi be kasawule so. Mbe mmalga gba nawule beeŋ tiŋ m mur efuli na kikɛ.”

Eemɔs 7:10 ပူးပေါင်းရင်းမြစ်များ

Jɛnesis 37:8

Ndoŋ nna nɛ mo daana na bishi mo: “Ama fee fɛ nna fanɛ feeŋ ba ji anyi so kuwura ŋko feeŋ ba kaa kɔ eleŋ anyi so a?” Nɛ b naŋ kpal edare na nɛ mbe mmalga so ŋ kishi mo ga n ti so.

1 Bewura 13:33

Ade kikɛ be kaman ewura Jeroboam maŋ yige alubi be kewora. E daa wɔtɔ nna a lara basa nɛ b maŋ shi Livai be kanaŋ to a ki bɔrɛmatapoana nɛ b baa shuŋ agbirlambu nɛ e pɔr na to. E daa ta esa kama nɛ e bee sha kabɔrɛmata be kushuŋ nna a ki bɔrɛmatapo.

1 Bewura 18:17

Ewura Ahab ka wu Elaija nɛ e kaŋɛ mo le: “Fo e la Israɛl kikɛ be asheŋwura na ŋko?”

Jɛremaya 18:18

Ndoŋ nna nɛ basa na kaŋɛ abar le: “Men shin nɛ an to jina a laŋɛ kananɛ anyeeŋ nya Jɛremaya m mɔ be kaplɛa so. Bɔrɛmatapoana beeŋ baa wɔtɔ jemanɛ kikɛ a ŋini anyi asheŋ, nɛ benyiashempo e baa ji anyi asoe to nɛ anebiana malɛ e baa bɔ Ebɔrɛ be kubɔya na a sa anyi. Men shin nɛ an nya kulubi ko ŋ ku n deŋi mo. Saŋɛ na so anyeeŋ tiŋ a kini kebaanu kusɔ kama nɛ e bee kaŋɛ.”

Jɛremaya 36:16

E ka kraŋ kumo n loge, nɛ kufu pɛ bumo nɛ b kilgi ŋ keni abar nseŋ kaŋɛ Baruk le: ‘A daga ewura ka nu demu ere!’

Jɛremaya 38:4

Ndoŋ nna nɛ ewurkpa be ekrachi na yɔ ewura kutɔ n ya kaŋɛ mo le: “Kanyɛn ere daga luwu. Kananɛ e bee malga ere beeŋ tiŋ n shin nɛ esoji na e pɔ aba nsaa maŋ naa kɔ kenyɛn. Kumo kesheŋ koŋwule na nɛ e bee wora ekama nɛ e wɔ kadegboŋ na to na. Mannɛ fanɛ basa na be kechɛto so nɛ e bee wora loŋ, ama e bee tɔrɔ bumo nna na.”

Eemɔs 1:1

Mmalaga nɛ Eemɔs nɛ e la mbolpɔkpapo nseŋ shi Tekua be kade to kaŋɛ fanɛ Enyɛnpe Ebɔrɛ ta n sa mo nfɛ anyɔ pɔɛŋ nɛ kasawule daŋ gbuŋgbuŋ na, nɛ jemanɛ nɛ Uziya daa la Juda be efuli so be ewura nɛ Jehɔash pibinyɛn Jeroboam malɛ daa ji Israɛl be efuli so be kuwura na nde.

Eemɔs 3:14

“Kachɛ nɛ meeŋ gberge Israɛl be basa kusoe ŋkpal bumo be alubi so na, nɛ meeŋ mur Bɛtɛl be kade to gba be ebɔrɛsureana. Ebɔrɛsureana na be abonfu kikɛ beeŋ bure n tɔr keshishɛrpumpuŋ to.

Eemɔs 5:10

Menyi Israɛlebi kishi basa nɛ b maa da a buu alubi so nsaa ji asheŋ nɛ amo be ekpa so nna.

Eemɔs 5:5

Men sa maŋ kaŋ yɔ Bɛshiba n ya shuŋ kegbir kikɛ. Menyi alɛ e sa maŋ kaa fin ma a yɔ Bɛtɛl ŋkpal manɛ so k maaŋ naa la shɛŋ. Men sa maŋ kaŋ yɔ Gilgaal gba ŋkpal manɛ so bedoŋ beeŋ tintiŋ kumo be basa n yɔ kenyaya to efuli wɔfɔ.”

Eemɔs 7:11

Le nɛ e bee kaŋɛ: “Jeroboam beeŋ wu kena to nɛ b pɛ Israɛlebi na n tintiŋ bumo n yɔ efuli pɔtɛ ko so kufɔ kufɔ.”

Matiu 21:23

Yesu ka ya luri bɔrɛlambu na to a ŋini basa, nɛ bɔrɛmatapowuraana na nɛ basa na be benimuana na ba mo kutɔ m ba bishi mo: “Manɛ be eleŋ nɛ fo kɔ a wɔtɔ a wora asheŋ ere, nɛ wanɛ e sa fo loŋ be eleŋ na?”

Luuk 23:2

n ya kaŋɛ mo fanɛ le be alubi nɛ Yesu wora. B yɛ: “An wu fanɛ kanyɛn ere wɔtɔ nna a wul anyi be efuli ere so ebi to nsaa kaŋɛ anyi fanɛ an sa maa ka lampo a sa Romebi be ewurgboŋ Siza nseŋ naa wɔtɔ a tre mo gbagba be kumu Kristo nɛ e la ewura na.”

Ashuŋ Shunso 24:5

An wu fanɛ kanyɛn ere la esa lubi nɛ kabɔlarwura nna. E wɔtɔ nna a yɔ kaplɛkama n ya kaa ta Juwebi a wɔtɔ kebagato to nseŋ naa la basa nɛ baa tre bumo be amu Nazarinebi be katuŋ na to be enimu.

Ashuŋ Shunso 5:28

“An fiɛ menyi so fanɛ men sa maŋ kaŋ ta kanyɛn na be ketre ŋ ŋini esa kusɔ kama, ama men keni kusɔ nɛ men wora. Menyi shin nɛ menyi be keŋini ere sɔ Jerusalɛm ere to kikɛ a sha keta kanyɛn na be luwu na be turju n deŋi anyi.”

Ashuŋ Shunso 7:54

Nshɛrwuraana na ka nu kusɔ nɛ Stiven bee kaŋɛ na nɛ b nya agbo ga n we anyi to agboso.