Eemɔs 6:8 - EBƆRƐ BE KAWƆL

⁸ Le nɛ Enyɛnpetale Ewurgboŋ na kaŋɛ kenishipereso: “Israɛl be basa be kamoowu nɛ b kɔ na be asheŋ bee nu ma agbo alegaiso. Ŋ kishi bumo be nwu gboŋgboŋi nɛ b pɔr na ga. Ma alɛ beeŋ ta bumo be kadegboŋ na nɛ kusɔ kama nɛ k wɔ kumo to n sa bumo doŋana.”

Eemɔs 6:8 ပူးပေါင်းရင်းမြစ်များ

Jɛnesis 22:16

Enyɛnpe yɛ: “M bɔ ŋ gbagba be kumu fanɛ ŋkpal fo ka maŋ mɔn ma fo pibinyɛn koŋwule Aizek nseŋ daa shin nɛ fo ta mo n lara sarga n sa ma so so,

Nshɛ 106:40

Amoso Enyɛnpe Ebɔrɛ na daŋ nya agbo n wora mbe basa nna nseŋ daŋ kishi bumo be asheŋ.

Nshɛ 47:4

Mo e lara kasawule nɛ an nananyɛn Jeekɔb, nɛ e bee sha ga na bee puchi so na, n sa anyi.

Nshɛ 50:12

Nɛ akoŋ kɔ ma gba m maaŋ kaŋɛ menyi, ŋkpal manɛ so, durnya nɛ kusɔ kama nɛ k wɔ kumo to kikɛ la meya nna.

Nshɛ 78:59

Ŋkpal kusɔ nɛ b wora na so, Ebɔrɛ daŋ nya agbo nna nseŋ kini Israɛl be basa na n lɛ.

Aŋasa 8:13

Enyɛnpe Ebɔrɛ be kesa bunyaŋ e la alubi be kekishi. Kamoowu nɛ ŋkpensheŋ, nɛ asheŋ lubi nɛ efɛ be mmalga maa par Ebɔrɛ kikɛ.

Aizaaya 28:1

Asheŋ maaŋ nyalɛ n sa Israɛl be kuwurji na. Kadegboŋ nɛ baa tre Samɛria nɛ k dese ketaŋɛ nɛ k bee wora adɔjibi ga na be ekarso na wɔ asheŋ to pasaa. Kumo be bejuŋkparpoana la basa booso nsaa maŋ bumo be amu so, a sha kebaaji nsaa nuu nsa a boo ga. Baaŋ ki fanɛ atoto a wɔl m bolo nna.

Jɛremaya 12:8

Ma basa laraso e pal kaman n sa ma na. B ki fanɛ ebuluŋ nna a muni ma ashi kupo to, ŋkpal loŋ so nɛ n nya agbo n wɔtɔ bumo.

Jɛremaya 22:5

Ama nɛ men kini kenu n sa kusɔ nɛ mee kaŋɛ menyi kenishipereso ere, ŋ gbagba bee nase kɔnɔ ma ketre to nna fanɛ ewurkpa ere beeŋ ba ki kelambure n dese. Ma, Enyɛnpe Ebɔrɛ e kaŋɛ na.”

Jɛremaya 44:26

Ama naniere men kaŋ asoe n nu kɔnɔ nɛ ma, Enyɛnpe Ebɔrɛ na bee nase ashi ma ketregboŋ na to a sa menyi Israɛlebi kikɛ nɛ men wɔ Ijipt na. M maaŋ naŋ shin nɛ menyi be ekama e naŋ ta ma ketre n nase kɔnɔ a kaŋɛ le: ‘M bɔ Enyɛnpetale Ebɔrɛ nɛ e bee sa ŋkpa na!’

Jɛremaya 49:13

Ŋ gbagba e bɔ ntaŋ fanɛ Bozra nɛ k la Edɔm be efuli so be kadegboŋ na beeŋ ki keshishɛrsawule nɛ basa e wu kumo nɛ k chinchiŋ bumo nseŋ keta bumo kufu. Basa beeŋ baa wora kumo eyurto nsaa ta kumo be ketre a shoduu basa. Ndekarso nɛ a kulti kumo na kikɛ beeŋ ki alambure a dese mbaanaayɔ. Ma, Enyɛnpe Ebɔrɛ e kaŋɛ na.”

Jɛremaya 51:14

Enyɛnpetale Ebɔrɛ na daŋ ta mbe ŋkpa nna m bɔ ntaŋ fanɛ e beeŋ bar bedoŋ be benapo damta fanɛ elotɔr nɛ b ba kɔ Babilɔn be efuli so be basa kena m pɔɔ bumo so. Kumo be kaman nɛ b boŋ kekɔmpɔɔso be nshɛ.

Nfabel 2:5

Enyɛnpe Ebɔrɛ na daŋ mur Israɛl nna fanɛ edoŋ na, nseŋ daŋ shin nɛ kumo be mboŋ lempoana nɛ ewurkpaana ki alambure a dese. N naŋ shin nɛ kebɔltofinfin nɛ kushu naŋ wora keshi n ti so n sa Juda be efuli so be basa.

Ezikɛl 24:21

ŋ kaŋɛ menyi, Israɛl be basa kubɔya ere fanɛ menyee puchi bɔrɛlambu na be eleŋ so na nna. Menyi alɛ nseŋ naa sha kebaa wu kumo nsaa yɔ kumo to, ama Enyɛnpe Ebɔrɛ na bee shin nɛ e jija kumo nna nɛ k maaŋ naaŋ daga keshuŋ Ebɔrɛ kumo to. Menyi be mbia nɛ b wɔ Jerusalɛm to naniere na malɛ beeŋ wu kena to.

Hoziya 11:6

Baaŋ ta kena n luri bumo be nde to n jija bumo be kadegboŋ be kabuna to be akuloŋgboŋ na, nɛ kusɔ nɛ baa fɛ baaŋ wora na e jija.

Levitikɔs 26:11

Meeŋ baa wɔ ma wajɛbu na to ashi menyi to, ma alɛ maa lar menyi be kaman kikɛ.

Levitikɔs 26:30

Meeŋ mur mboŋ nɛ menyee shuŋ agbir nɛ a wɔ agurɔŋgu so na kikɛ, nseŋ bure menyi be ebɔrɛsure nɛ menyee chɔɔ eduwu amo so na, nseŋ naŋ bela men be bubuni n deŋi menyi be agbirana nɛ a tɔr a dese na so. Menyi be asheŋ beeŋ baa nu ma agbo nɛ ŋ kishi menyi.

Eemɔs 3:10

Enyɛnpe Ebɔrɛ yɛ: “Koyu nɛ kebaa tintiŋ basa a sɔ bumo be asɔ nɛ basa ere bɔla so ŋ gbare asɔ m bɔlɔ ebuana. B maaŋ tiŋ n ji kashenteŋ kikɛ.”

Eemɔs 3:11

Amoso le nɛ Enyɛnpetale na kaŋɛ: “Bedoŋ beeŋ ba kulti menyi be efuli n wɔtɔ nseŋ jija men be kumɔlga be mboŋ lempo nseŋ m muu asɔ nɛ a wɔ amo to na kikɛ.”

Eemɔs 4:2

Le nɛ Enyɛnpetale cheembi na nase kɔnɔ ŋ kaŋɛ: “Kachako bedoŋ beeŋ ta akɔltobi ŋ gberge menyi n yɔ. Baaŋ pɛ menyi be ekama fanɛ kekɔltobi ka pɛ kɔrɔtɔ na.

Eemɔs 5:21

Enyɛnpe Ebɔrɛ yɛ: “Ŋ kishi menyi be kabɔrɛshuŋ be kejigboŋana be asheŋ alegaiso.

Eemɔs 8:3

Enyɛnpetale yɛ: “Nshɛ nɛ baaŋ ba boŋ bɔrɛlambu to na beeŋ kilgi kushu. Bubuni beeŋ dese kaplɛkama nɛ kakpa kikɛ e wora shruum.”

Eemɔs 8:7

Enyɛnpe nɛ e la Israɛl be Ebɔrɛ na bɔ ntaŋ ŋ kaŋɛ le: “M maaŋ teŋ bumo be asheŋ lubi nɛ b wora na kikɛ so.

Zakareya 11:8

Kufɔl koŋwule to nɛ n nya agbo n ju mbolpɔkpapo asa ko nɛ b daŋ kishi ma asheŋ ga na.

Ditɛronɔmi 32:19

Enyɛnpe Ebɔrɛ na ka wu loŋ nɛ e nya agbo nseŋ kini mbe mbia n lɛ.