Eemɔs 6:6 - EBƆRƐ BE KAWƆL

⁶ Menyee nuu nsa kananɛ k par menyi nna, nsaa gbiti yawu kpakpaso be etulale, ama men kplaŋ men be efuli Israɛl nɛ k bure n loge na bre so.

Eemɔs 6:6 ပူးပေါင်းရင်းမြစ်များ

Jɛnesis 49:22

Josɛf, fo du fanɛ kefeelebi nɛ k bee sɔr asɔrso lela nɛ baa tre greep, nɛ k yili m mata eboŋkar nɛ kumo be ayabi daŋ n ya kaa dii a buu egbal so na nna.

2 Bewura 15:29

Saŋɛ so nɛ Pɛka daa ji Israɛl be kuwura na, nɛ Asiriya be ewurgboŋ nɛ baa tre Tiglaf Pilesa na kɔ n sɔ Ijɔn nɛ Abel Bɛf Maaka nɛ Janua nɛ Kadɛsh nɛ Hazɔɔ nɛ Giliad nɛ Galili nɛ Naftali be nsawuleana nseŋ pɛ Israɛlebi nɛ b wɔ ndoŋ na n yɔ Asiriya n ya ti ebu.

Ɛsta 3:15

Ewura Sɛgsis e daŋ shin nɛ b yili jimaŋ to n wora mbra na manaŋ manaŋ ashi Susa be kade to. Ewura na nɛ Heman daŋ chena nna a nuu nsa, nɛ Susa be kade to ebi malɛ be nfɛra bee baga bumo to ŋkpal mbra na so.

Aizaaya 28:1

Asheŋ maaŋ nyalɛ n sa Israɛl be kuwurji na. Kadegboŋ nɛ baa tre Samɛria nɛ k dese ketaŋɛ nɛ k bee wora adɔjibi ga na be ekarso na wɔ asheŋ to pasaa. Kumo be bejuŋkparpoana la basa booso nsaa maŋ bumo be amu so, a sha kebaaji nsaa nuu nsa a boo ga. Baaŋ ki fanɛ atoto a wɔl m bolo nna.

Aizaaya 5:12

Ejaŋjilaŋ nɛ echakachaka nɛ nlopi nɛ yabra nɛ menyee ta a ji menyi be amu ashi menyi be kasanuu be kejigboŋana to, ama menyi maa kaa fɛ asɔ nɛ Enyɛnpe Ebɔrɛ na wora be asheŋ.

Jɛremaya 30:7

Ma basa, k maŋ chɛr, menyeeŋ ji awurfoŋ nɛ k chɔ kekama nɛ men daŋ ji ŋ ku so, ama ma alɛ beeŋ mɔlga menyi.”

Ezikɛl 9:4

ŋ kaŋɛ mo le: “Yɔ Jerusalɛm be kadegboŋ na to n ya dulgi bekama nɛ asheŋ bee besa nɛ bumo be ŋgbene jija bumo ŋkpal ekishisheŋ nɛ a bee wora kade na to so na be nsɔto.” Nɛ kanyɛn na lar n yɔ nɛ e ya dulgi bumo.

Hoziya 3:1

Ndoŋ nna nɛ Enyɛnpe Ebɔrɛ naŋ kaŋɛ ma Hoziya le: “Naŋ laŋɛ n ya kaa sha fo eche nɛ e la sakaleche a kɔ bejipo na. Baa sha mo fanɛ kananɛ ma alɛ gba bee sha Israɛlebi nɛ b shile ma n yaa ka shuŋ agbir, hale a lara asɔrso nɛ baa tre greep na be awɔlso be esarga a sa amo na.”

Eemɔs 2:8

Epiŋi nɛ b ta n nase tarma n sa bumo na nɛ baa ta a nase bumo be agbir be mboŋ a dese so. Bumo be agbirlambu to nɛ baa chena a nuu nsa nɛ b sɔ ashi basa nɛ b ji bumo be akɔ na kutɔ.

Eemɔs 4:1

Men nu nfe, menyi Samɛria be beche nɛ men danto durfɛ durfɛ fanɛ Bashan be efuli so be ana nɛ baa ji a moɛ ga na. Menyi e naa mɛaŋ betirpo nɛ betentaŋasepo nsaa nyaŋ menyi kulana fanɛ b baa sa menyi nsa na!

Baru lela nɛ Jɔn kute na 12:3

Ndoŋ nna nɛ Mɛɛri ta amansherbi damta be tulale dufɛso be kɔlbagboŋ ko m ba ta amo n wurge Yesu be aya so nseŋ gbir n ta mbe emin m melti tulale na ŋ gbiti amo n wɔtɔ Yesu be aya so. Ndoŋ nna nɛ tulale na be efɛa sɔ ebu na kikɛ to verr.

Romebi 12:15

Men baa tu bumo nɛ bumo be ŋgbene fuli a shin nɛ menyi be ŋgbene e baa fuli nsaa tu bumo nɛ baa shu malɛ a shu.

1 Kɔrintebi 12:26

Eyur na be kaba koŋwule baa wu ebesa, eyur na kikɛ bee wu ebesa nna, kaba koŋwule malɛ baa nya bunyaŋ, mba na kikɛ bee nya kagbenefuli nna.

1 Timoti 5:23

Sa maŋ naa nuu nchu nawule, baa nuu waindibi be nsa gba gbrɛgbrɛ nɛ a baa chɛ fo epun to be alɔ.