Eemɔs 6:5 - EBƆRƐ BE KAWƆL

⁵ Kananɛ ewura Deevid ashi Jerusalɛm daa ta jaŋjilaŋ a laŋ a boŋ a wora nshɛ popɔr dra dra na, nɛ menyi alɛ gba bee sha kebaa wora.

Eemɔs 6:5 ပူးပေါင်းရင်းမြစ်များ

Jɛnesis 31:27

Manɛ e ba nɛ fo ŋana ma so n shile? Manɛ e ba nɛ fo daa maŋ kaŋɛ ma nɛ n shin nɛ an ta kagbenefuli nɛ alaŋsɔ m boŋ nshɛ n cha n shuŋi fo ekpa?

1 Kronikɛls 15:16

Ewura Deevid daŋ kaŋɛ Livaiebi be bejuŋkparpo na kenishipereso nna fanɛ b lara Livaiebi na be beko nɛ b baa boŋ nshɛ nsaa laŋ ejaŋjilaŋ nɛ echakachaka kagbenefuliso

1 Kronikɛls 23:5

nɛ basa ŋgboŋ ana malɛ bee kuŋ bɔrɛlambu na nɛ ŋgboŋ ana malɛ bee ta alaŋsɔ nɛ ewura sa bumo na a laŋ a maŋkura Enyɛnpe Ebɔrɛ.

2 Kronikɛls 29:26

Livaiebi na daŋ bela ase nna nɛ b laŋ ewura Deevid be alaŋsɔ na, nɛ bɔrɛmatapoana malɛ wora shiriya nɛ b foŋ bumo be mbel.

Kaŋinichiŋgeliŋ 2:8

N daŋ chala shuwa nɛ gbiti ashi nsawule pɔtɛ nɛ mee ji amo so kuwura na be bewura be ekpanjawu to nna. Bumo be benyɛn nɛ beche kikɛ daŋ boŋ nshɛ nna n deŋi ma anishi to nɛ n nya beche nɛ mee sha ndoŋ.

Aizaaya 5:12

Ejaŋjilaŋ nɛ echakachaka nɛ nlopi nɛ yabra nɛ menyee ta a ji menyi be amu ashi menyi be kasanuu be kejigboŋana to, ama menyi maa kaa fɛ asɔ nɛ Enyɛnpe Ebɔrɛ na wora be asheŋ.

Ezikɛl 26:13

Nɛ n shin nɛ nshɛ nɛ menyee boŋ a cha awɔr na e ku nɛ esa maaŋ naŋ nu menyi be ejaŋjilaŋ be kushu kikɛ.

Eemɔs 5:23

Men yige men be awɔr fuloŋ be nshɛ na be keboŋ. Maa sha kenu men be ejaŋjilaŋ gba be kushu.

Eemɔs 8:3

Enyɛnpetale yɛ: “Nshɛ nɛ baaŋ ba boŋ bɔrɛlambu to na beeŋ kilgi kushu. Bubuni beeŋ dese kaplɛkama nɛ kakpa kikɛ e wora shruum.”

1 Pita 4:3

Naniere bre a daga fanɛ men ka pin fanɛ asɔ nɛ nnyamase bee sha kewora nɛ menyi alɛ gba daa wora amo na be kewora kukwe. Asɔ nɛ men daa wora saŋɛ na e daa la kusɔjigaya be aworbi nɛ kesakalea be kayɛlga be aworbi nɛ kasanuu nɛ keshɛr abar n ji nseŋ boo ana be kebaawɔtɔ nɛ kushuŋ jiga fanɛ kagbirshuŋ be aworbi.

Kelaraŋŋini 18:22

Esa maaŋ naŋ nu ejaŋjilaŋlampoana be asheŋ ŋko nshɛbompoana be asheŋ ŋko nlopifompoana be asheŋ ŋko mbelfompoana be asheŋ fo to kikɛ. Esa maaŋ naŋ wu basa nɛ baa shuŋ a ji yawu kama fo to. Esa malɛ maŋ naŋ nu kubo kikɛ be egbri fo to.