Eemɔs 6:4 - EBƆRƐ BE KAWƆL

⁴ Asheŋ maaŋ nyalɛ n sa menyi nɛ menyee dese asɔchenaso tenteŋ nɛ b ta asɔlnyii m mata m mata so n ji amo kebita na to a we mbolpɔ nɛ ana fɔlbi be eblaŋ na.

Eemɔs 6:4 ပူးပေါင်းရင်းမြစ်များ

Jɛnesis 37:25

Kumo be kaman nɛ b ya chena nɛ b ji ajibi nseŋ wu Ishmaɛlebi be eyawujipoana ko ka shi Giliad a yɔ Ijipt. Eyawujipoana na be enyɔma daŋ sulɔ tulale nɛ duwu nɛ asɔ warabi damta nna.

Ɛsta 1:6

B daŋ ta ago be kechɛbi fuful parr nɛ kumo be kechɛbi nɛ k du fanɛ buru nna n wora patisa ŋ kulti kaboŋ na, nseŋ ta kechɛbi peper kunɔkunɔ m bɔla gbiti be mpinibi to n chɛ n chɛ patisa na m mata eshabɔrɛ nɛ b ta yawu kpakpaso be ajembu m pɔr na so. Shuwa nɛ gbiti be asɔ chenaso daa yil ndoŋ be mboŋ nɛ b ta yawu kpakpaso be ajembu nyɛkpɛso be yiri yiri n lɔŋɛ kasawule na so nna.

Nshɛ 73:7

Asheŋ lubi nawule e naa shi bumo be ŋgbene to a lar, nɛ ŋkre lubi malɛ bɔlɔ bumo be nfɛra to.

Aizaaya 22:13

Ama men daa maŋ nu n sa Enyɛnpe Ebɔrɛ na nsaa ji eyur. Men daŋ mɔ mbolpɔ nɛ ana nna a ji nsaa nuu yabra. Ade kikɛ be kaman nɛ men kaŋɛ le: “Men shin nɛ an ji nseŋ nuu kabre! Ŋkpal manɛ so echefo nɛ an wu n choŋ.”

Aizaaya 28:1

Asheŋ maaŋ nyalɛ n sa Israɛl be kuwurji na. Kadegboŋ nɛ baa tre Samɛria nɛ k dese ketaŋɛ nɛ k bee wora adɔjibi ga na be ekarso na wɔ asheŋ to pasaa. Kumo be bejuŋkparpoana la basa booso nsaa maŋ bumo be amu so, a sha kebaaji nsaa nuu nsa a boo ga. Baaŋ ki fanɛ atoto a wɔl m bolo nna.

Jɛremaya 16:8

Fo alɛ e sa maŋ ta keya n cha laŋ kama nɛ baa ji a nuu nsaa ji eyur kumo to n ya tu bumo n ji nseŋ nuu.

Ezikɛl 16:49

Sodɔm nɛ kumo be ndekarso to be basa daa wu bumo be amu nna ŋkpal b kaa kɔ ajibi damta a ji nseŋ naa wɔ kayurwushi to so. B daa maa keni betirpo nɛ basa nɛ asheŋ maa nyalɛ a sa na so.

Ezikɛl 23:41

Kumo be kaman nɛ b chena mbɛ lela so nseŋ bela asɔ lela fanɛ eduwu nɛ ɔlif be ŋku nɛ n sa bumo na m bɛ teebɔl so ashi bumo be anishito.

Eemɔs 3:12

Enyɛnpe Ebɔrɛ yɛ: “Kananɛ buluŋ bee ji kubolpɔ nɛ mbolpɔkpapo e ya sɔ kumo be aya anyɔ nɛ kusoe n ya ŋini kubolpɔwura na, aloŋ nɛ baaŋ mɔlga Samɛriaebi nɛ b dese kedamaya be asɔ deseso so ere be basa gbrɛbi nɛ b nya kumɔlga na.”

Eemɔs 8:3

Enyɛnpetale yɛ: “Nshɛ nɛ baaŋ ba boŋ bɔrɛlambu to na beeŋ kilgi kushu. Bubuni beeŋ dese kaplɛkama nɛ kakpa kikɛ e wora shruum.”

Maika 6:12

Damawuraana na bee puni betirpo nna nɛ ekama malɛ bee ku efɛ.

Luuk 16:19

Kamalga ere be kaman nɛ e naŋ bɔ keŋasa ere ŋ kaŋɛ: “Damawura ko e daa wɔtɔ a buu yawu kpakpaso be asɔbuuso lela peper mɔlmɔlbi ko a wɔtɔ a ji ajibi belbelso damta kachɛ kama.

Jeems 5:5

Asɔ lela nɛ ebel be keji to nɛ men baa wɔ durnya ere to. Men daŋ nna a du fanɛ ana nɛ b bela nɛ a daŋ nɛ b kɔ a yɔ nɛ b ya mɔ na nna.