Eemɔs 6:2 - EBƆRƐ BE KAWƆL

² Men yɔ Kalnee be kade to n ya keni. Kumo be kaman nɛ men naŋ yɔ kadegboŋ nɛ baa tre Hamaf na nseŋ yili ndoŋ n yɔ Filisti be efuli so be kade nɛ baa tre Gaaf na. Amo be amo e bɔ Juda nɛ Israɛl be efuliana? Ŋko loŋ be efuliana na e shishibi a chɔ menyeya a?

Eemɔs 6:2 ပူးပေါင်းရင်းမြစ်များ

Jɛnesis 10:10

Mbe efuli e daa la Babilɔn nɛ Erɛk nɛ Akad nɛ Kalne be nde nɛ a wɔ Babilɔn be efuli so na.

2 Samuɛl 8:9

Hamaf be kade to be ewura Toi ka nu fanɛ Deevid kɔ m pɔɔ Hadadeza be benapo kikɛ so na,

1 Bewura 8:65

Ewura Sɔlɔmɔn nɛ Israɛlebi na kikɛ daŋ ji abuu to be kebaawɔtɔ be kejigboŋ nchɛnshunu nna m bɛ abar so. Basa na daŋ shi efuli na be kaplɛkama nna. Bedamta daŋ shi Hamaf Paas ashi kelargato be esoso be kaba so nna nɛ beko malɛ shi Ijipt be kasawule be egbaŋ to ashi kelargato be kaseto be kaba so.

2 Bewura 17:24

Asiriya be ewurgboŋ na daŋ lara basa ashi Babilɔn nɛ Kuuta nɛ Awa nɛ Hamaf nɛ Sefavaim be nde to nna nseŋ tintiŋ bumo n yɔ Israɛl be efuli so nɛ b ya chena ndoŋ. B daŋ ya sɔ nde nɛ Israɛlebi na be nde nna n chena n ta bumo be kadegboŋ Samɛria n ti so.

2 Bewura 17:30

Basa nɛ b shi Babilɔn na daŋ pɔr Sukɔf Bɛnɔf be kegbir na be kapɔrduli nna nɛ bumo nɛ bumo alɛ shi Kuuta na pɔr Nɛgal be kegbir na be kapɔrduli nɛ bumo nɛ b shi Hamaf malɛ pɔr Ashima be kegbir na be kapɔrduli,

2 Bewura 18:34

Nnɛ nɛ basa nɛ b daa wɔ ndegboŋ nɛ baa tre Hamaf nɛ Appad nɛ Sefavaim nɛ Heena nɛ Iwa na be agbirana wɔ naniere? Samɛria be efuli so be agbirana daa maŋ tiŋ ŋ kuŋ kasawule na ashi Asiriya be benapo kutɔ.

2 Bewura 19:13

Bewura nɛ b daa wɔ nde nɛ baa tre Hamaf nɛ Apad nɛ Sefavaim nɛ Hena nɛ Iwa na kikɛ maŋ naa wɔtɔ. Bumo kikɛ mur!”

2 Kronikɛls 26:6

Ewura Uziya daŋ ya kɔ Filistiebi na kena nna nseŋ da Gaaf nɛ Jamnia nɛ Ashdɔd be nde na kikɛ be egbalana n lɛ. Kumo be kaman nɛ e wora nde popɔr m mata Ashdɔd nseŋ pɔr egbalana ŋ kulti amo nɛ Filisti be efuli so be nde ko.

Jɛremaya 49:23

Kusɔ nɛ Enyɛnpe Ebɔrɛ na kaŋɛ a laŋɛ Damaskɔs be kaplɛa so nde: “Kagbenejija nɛ kabɔlar daŋ tɔr basa nɛ b daa wɔ ndegboŋ nɛ baa tre Hamaf nɛ Apad na so nna ŋkpal b ka daŋ nu baru lubi so. Kafɔŋ damta daŋ luri bumo to nna fanɛ kananɛ teku be nchu bee ku a ba kaa buu kumo be ekarso so na nna.

Nahum 3:8

To, Ninɛve, fo maŋ bɔ Ijipt be efuli so be kadegboŋ nɛ baa tre Tebes, nɛ Nail be Lɔr na daa kuŋ kumo fanɛ egbal na.

1 Samuɛl 17:23

Saŋɛ nɛ e bee malga mo daana kutɔ na, nɛ Goliɛf lar kakpa nɛ mbe basa wɔ na m ba ka to Israɛlebi na emaŋ a tege bumo fanɛ kananɛ e chɛr a wora na. Nɛ Deevid nu kumo.

1 Samuɛl 17:4

Kanyɛn ko nɛ baa tre Goliɛf nɛ e shi Gaaf be kade to daŋ lar Filistiebi na be keeyi to nna m ba kaa to Israɛlebi na emaŋ. E daa shibi a chɔ dimɛdi kikɛ nɛ mbe nteŋ daa sa fanɛ ayadra akpanu nɛ gbrɛbi,

1 Samuɛl 5:10

Ndoŋ nna nɛ b ta ŋkre be deka na n yɔ Ekrɔn, ama b kaa bee luri kade na to na nɛ basa na fara a cha awɔr a kaŋɛ le: “B bar Israɛl be Ebɔrɛ be ŋkre be deka na nfe nna nɛ k ba mɔ anyi nɛ an wɔ kade ere to kikɛ!”

1 Samuɛl 5:8

Ndoŋ nna nɛ b shuŋi mbɔ n tre Filistiebi na be bewura anu na kikɛ m ba shɛr m bishi bumo le: “Nuso nɛ anyeeŋ wora Israɛlebi be Ebɔrɛ be ŋkre be deka ere?” Nɛ b kaŋɛ bumo le: “Men ta kumo n yɔ Gaaf.” Ndoŋ nna nɛ b ta kumo n yɔ ndoŋ.