Eemɔs 6:11 - EBƆRƐ BE KAWƆL

¹¹ Enyɛnpe Ebɔrɛ na baŋ malga, elaŋgboŋana nɛ afimbiana kikɛ bee bure to nna kpachɛrkpachɛrbi.

Eemɔs 6:11 ပူးပေါင်းရင်းမြစ်များ

2 Bewura 25:9

m ba chɔɔ bɔrɛlambu na nɛ ewurkpa nɛ Jerusalɛm to be basa nɛ bumo be atre dii na be nwu kikɛ.

Nshɛ 105:16

Enyɛnpe Ebɔrɛ na daŋ shin nɛ ewule ba efuli na so nna nɛ bumo be adɔjibi kikɛ mur.

Nshɛ 105:31

Ebɔrɛ daŋ malga nna nɛ ashushombi firgiso nɛ asɔ duŋso fanɛ epini ba mel efuli na kikɛ so.

Nshɛ 105:34

E daŋ malga gba nna nɛ elotɔr ŋgboŋto ŋgboŋto ba sɔ efuli na kikɛ so.

Kaŋinichiŋgeliŋ 10:18

Etɔlpo be ebu be larbeŋ e naa bu a tɔr to nɛ ebu na bee dul mo so, kumo be lalaloge nɛ kowu na e tɔr kuraa.

Aizaaya 13:3

N tre ma benapo lempoana nɛ b yirda bumo be amu n lar nɛ b ya kɔ kena ŋ gberge basa nɛ n nya agbo n wɔtɔ na kusoe.

Aizaaya 55:11

aloŋ nɛ ma kɔnɔ to be mmalga gba du. Kusɔ kama nɛ ŋ kaŋɛ, aloŋ gbagba e naa wora.

Hoziya 13:16

A daga fanɛ Samɛriaebi ka nya kasogberge ŋkpal b ka kini k nu n sa ma so. Kumo be basa beeŋ wu kena to nɛ b ta bumo be mbi popɔrbi malɛ ŋ ŋmɛa kasawule m mɔ, nseŋ baŋɛ bumo be bedampoche malɛ to.”

Eemɔs 3:15

Meeŋ bure bumo be elaŋ nɛ baa dese to kebleŋ to nɛ amo nɛ baa dese to awo to na kikɛ. Bumo be elaŋana nɛ b ta asɔlnyii n ji kebita nɛ bumo be elaŋgboŋ kikɛ beeŋ bure. Ma Enyɛnpe Ebɔrɛ na e malga na.”

Eemɔs 5:11

Ŋkpal men ka mɛaŋ betirpo nseŋ suge bumo be adɔjibi so, menyi alɛ gba maaŋ nya elaŋ lela nɛ men ta ajembu m pɔr na n luri to, ŋko n nya men be asɔrso nɛ baa tre greep na be yabra belbelso n nuu.

Eemɔs 6:8

Le nɛ Enyɛnpetale Ewurgboŋ na kaŋɛ kenishipereso: “Israɛl be basa be kamoowu nɛ b kɔ na be asheŋ bee nu ma agbo alegaiso. Ŋ kishi bumo be nwu gboŋgboŋi nɛ b pɔr na ga. Ma alɛ beeŋ ta bumo be kadegboŋ na nɛ kusɔ kama nɛ k wɔ kumo to n sa bumo doŋana.”

Eemɔs 9:1

N wu Enyɛnpe Ebɔrɛ ka yil bɔrɛsure na ase ashi bɔrɛlambu na to nseŋ kaŋɛ le: “Gbuŋgbuŋ bɔrɛlambu na be eshabɔrɛ nɛ a sɔ kumo to ŋ keta na eleŋso nɛ kumo be esoso e bure n tɔr basa na be amu so. Meeŋ mɔ bumo be bumo nɛ b ka na malɛ kena to. Bumo be ekama maaŋ tiŋ n shile ŋ ŋana ma so.

Eemɔs 9:9

Meeŋ ponte nɛ b gbaŋgbaŋ Israɛl be basa fanɛ kananɛ baa gbaŋgbaŋ ayunyifu gbaŋgbande to a lara eyurpi amo to na. Meeŋ shin nɛ bumo be bumo nɛ baa ji kashenteŋ a sa ma e pesaŋ to n yɔ efuli pɔtɛana so.

Nahum 1:14

Ketande nɛ Enyɛnpe Ebɔrɛ na nase a laŋɛ Asiriyaebi be kaplɛa so nde. E yɛ: “B maaŋ nya kaman to ebi nɛ baaŋ sɔ bumo so n shin nɛ basa e baa nyiŋi bumo a ti bumo be atre. Meeŋ mur bumo be agbirana nɛ a wɔ bumo be agbirlambuana to na. Ma alɛ beeŋ kur Asiriyaebi be nchaŋana n nase, ŋkpal manɛ so, b maŋ walɛ kikɛ.”

Zakareya 14:2

Enyɛnpe Ebɔrɛ na e naŋ gama efuli pɔtɛana na abar so nɛ b ba kɔ Jerusalɛm kena. Baaŋ pɔ kadegboŋ na so nseŋ luri elaŋ to m muu asɔ nseŋ pur beche. Baaŋ pɛ basa na be bargato ŋ ki anya n yɔ efuli pɔtɛana so, ama b maaŋ lara bumo nɛ baaŋ ka na bre kadegboŋ na to.

Malakai 1:4

Hale nɛ Isɔɔ be kaman to ebi nɛ b la Edɔm be efuli so ebi na kaŋɛ le gba: “Anyi be nde kikɛ mur, ama anyi alɛ beeŋ naŋ lɔŋɛ m pɔr amo.” Ma Enyɛnpe Ebɔrɛ na malɛ beeŋ kaŋɛ bumo le: “Nɛ men lɔŋɛ m pɔr amo gba meeŋ naŋ bure amo nɛ basa e baa tre ndoŋ ‘Belubiworapoana be efuli nɛ Enyɛnpe Ebɔrɛ be agbo wɔ kumo so mbaanaayɔ.’ ”

Luuk 19:44

nseŋ da menyi be kade ere n lɛ kasawule nseŋ mur menyi kikɛ nɛ kumo to be egbalana ere kikɛ e buri to nyam n deŋi abar so le kululu. Ŋkpal manɛ so, men daa maŋ pin jemanɛ nɛ Ebɔrɛ daŋ ba nɛ e ba mɔlga menyi na.”