Eemɔs 5:8 - EBƆRƐ BE KAWƆL

⁸ Enyɛnpe Ebɔrɛ e to achɛkpabi, Mo e to achɛkpabi be yiri yiri nɛ baa tre Pleeds nɛ Ɔriɔn na kikɛ. Mo e naa shin nɛ kanyɛ bee kilgi kapa, nɛ kapa malɛ bee kilgi kanyɛ. Mo e shin nɛ teku be nchuana bee ki bɔrɛ a ba kasawule so. Mbe ketre e la Enyɛnpe Ebɔrɛ na.

Eemɔs 5:8 ပူးပေါင်းရင်းမြစ်များ

Job be kawɔl 12:22

Ebɔrɛ e naa shin nɛ tentembiri bee ki kefulto.

Job be kawɔl 37:13

Mo e naa shin nɛ bɔrɛ bee ba kasawule so nɛ kakpa bee wushi. E beeŋ tiŋ n shin nɛ k ba ŋ gberge basa kusoe, mo alɛ beeŋ naŋ tiŋ n shin nɛ k ba a ŋini mbe kasha.

Job be kawɔl 38:34

Feeŋ tiŋ ŋ kaŋɛ awɔlpa nɛ a shin nɛ bɔrɛgboŋ e ba a?

Job be kawɔl 9:9

Ebɔrɛ koŋwule na e to achɛkpabi be yiri yiri awɔlpa to, Mo e to achɛkpabi nɛ baa tre Shishirigboŋ na nɛ koshi nɛ mbe bibi nɛ achɛkpabi nɛ a wɔ awɔlpa to be kelargato be kaseto na kikɛ.

Nshɛ 104:20

Fo e to tentembiri nɛ kanyɛ bee biri, nɛ kupuŋ to be asɔbɔya bee nya lar a nite a kulti a fin kusɔ jiso a ji.

Nshɛ 105:28

Ebɔrɛ daŋ shin nɛ tentembiri ba buu efuli na kikɛ so nna, ama Ijiptebi na daa maŋ nu n sa Ebɔrɛ.

Aizaaya 42:16

Meeŋ juŋkpar etanpo m bɔla ekpaana nɛ b maŋ naŋ bɔla so ŋ ku so so. Meeŋ shin nɛ bumo be tentembiri e ki kefulto nseŋ shin nɛ ekpa lubi nɛ baa nite so e nyalɛ n sa bumo. Ma nnɔ naseso nna na, ma alɛ beeŋ wora m bɔlɔ amo kikɛ so nyam.

Aizaaya 59:10

nɛ anyee la a fin ekpa fanɛ etanpo. Kapiidi gba anyi maa wu ekpa to nsaa fiti fanɛ kanyɛso ŋko fanɛ an ka wɔ nchaŋ to na.

Jɛremaya 16:21

Kumo be kaman nɛ Enyɛnpe Ebɔrɛ na kaŋɛ: “Amoso nɛ meeŋ ŋini efuli pɔtɛana na be basa ma eleŋgboŋ nɛ b pin to fanɛ ma e la Enyɛnpe Ebɔrɛ kashenteŋto.”

Jɛremaya 33:2

“Ma, e la Enyɛnpe Ebɔrɛ nɛ n to durnya n yili kakpa nɛ k wɔ ere. Ma ketre e la Enyɛnpe Ebɔrɛ na.

Eemɔs 4:13

Ebɔrɛ e to abeegboŋana nseŋ to afu. Mo e naa lara kusɔ nɛ k wɔ mbe nfɛra to a ŋini edimɛdi nsaa shin nɛ kapa bee ki kanyɛ. Mo e naa nite abeegboŋ be esoso na. Mbe ketre e la Enyɛnpetale na!

Eemɔs 8:9

Loŋ be kachɛ na, ma Enyɛnpetale beeŋ shin nɛ epeŋi a tɔr kapaso nɛ kanyɛ e biri kapiidi. Ma Enyɛnpetale na e malga na.

Eemɔs 9:6

Enyɛnpe Ebɔrɛ pɔr mbe kowu nna ashi ebɔrɛso nɛ kasawule ere malɛ la kumo be gbaltɔlase. E bee gbargbar etekuana be nchu nna, a chulgi a wurge kasawule ere so. Mbe ketre e la Enyɛnpe Ebɔrɛ na!

Matiu 4:16

basa nɛ b wɔ tentembiri to na wu kefulto gboŋ ko. Kefulto na nyaŋɛ a yuu basa nɛ b wɔ luwu be tentembiri be kasawule so na.”

Luuk 1:79

e beeŋ shin nɛ an fara a nya kumɔlga naniere nseŋ nyaŋɛ kefulto ashi ebɔrɛso n yuu bumo nɛ b wɔ tentembiri to nsaa ŋana luwu na so kikɛ n shin nɛ an bɔla kagbenewushi be ekpa to.”