Eemɔs 5:6 - EBƆRƐ BE KAWƆL

⁶ Men bɛta n yɔ Enyɛnpe Ebɔrɛ na kutɔ nseŋ nya ŋkpa. Men baa maŋ ba mo kutɔ, e beeŋ ta edɛ m mur menyi. Menyi Bɛtɛl be basa e naaŋ chɔɔ. Esa kama malɛ maaŋ tiŋ m mɔlga menyi kikɛ.

Eemɔs 5:6 ပူးပေါင်းရင်းမြစ်များ

2 Samuɛl 19:20

N nyi ŋ ka wora kulubi ŋ gbiti fo, amoso nɛ n juŋkpar ashi kelargato be esoso be kaba so be eyiri na kikɛ m ba nɛ m ba shɛr fo to kabre na Yiramu.”

1 Bewura 11:28

Jeroboam malɛ daa la esa nɛ e bee pere kenishi nna a shuŋ ga. Ewura Sɔlɔmɔn ka wu kumo be loŋ na, nɛ e lara mo fanɛ e baa la beshumpo nɛ b shi Manase nɛ Efrayim be eyiri to na be ejuŋkparpo.

2 Kronikɛls 34:25

Ŋkpal b ka kini ma nsaa lara esarga a sa efuli pɔtɛana be agbirana so ma agbo kaa ga. Kusɔ nɛ b wora na so, ma agbo maaŋ wushi kikɛ.

Nshɛ 27:8

N yili ma kagbene to nna fanɛ meeŋ fin fo; amoso nɛ m pere kenishi nɛ n wu fo na.

Nshɛ 69:33

Bumo nɛ b maŋ kɔ epe baŋ shu n tre Enyɛnpe Ebɔrɛ na, e beeŋ nu. Mo alɛ maaŋ teŋ mbe basa nɛ b wɔ kabuti to na so.

Ɛksodɔs 22:6

Nɛ esa puga edɛ nɛ a chɔɔ m bɔla afitiriwurbi so n ya luri mo barkasa be ndɔ to n chɔɔ mbe adɔjibi, esa nɛ e puga edɛ na daga fanɛ e ka mo barkasa na be adɔjibi nɛ a chɔɔ na be kukɔ.

Aizaaya 1:31

Kananɛ edɛbi beeŋ tiŋ n shin nɛ afitiri wɔlso e chɔɔ m mur na nɛ menyi to be bejuŋkparpo lempoana gbagba be asheŋ lubi beeŋ mur bumo nɛ esa kikɛ maaŋ tiŋ n chɛ bumo to.

Aizaaya 55:3

Ma basa, men nu n sa ma nseŋ ba ma kutɔ. Men ba ma kutɔ nseŋ nya ŋkpa! Ma nɛ menyi beeŋ kre kɔnɔkoŋwule be ŋkre nɛ k wɔtɔ mbaanaayɔ, saŋɛ na so meeŋ sa menyi enɛfa nɛ n nase amo be kɔnɔ n sa Ewura Deevid na.

Aizaaya 55:6

Men fin Enyɛnpe Ebɔrɛ na nseŋ kule mo saŋɛ nɛ e taga menyi to ere.

Jɛremaya 38:20

Ndoŋ nna nɛ ŋ kaŋɛ mo le: “B maaŋ ta fo n sa bumo. Mee kule fo nna nɛ fo wora Enyɛnpe Ebɔrɛ na kasonu, saŋɛ na so asheŋ beeŋ nite nɛnɛ nɛ fo alɛ e nya fo ŋkpa.

Jɛremaya 4:4

Men ta menyi be ŋgbene kikɛ m bɛ ma, Enyɛnpe Ebɔrɛ na nɛ menyi be kɔnɔkoŋwule be ŋkre na so. Nɛ menyi Juda nɛ Jerusalɛm be basa maŋ wora loŋ, ma kanya agbo beeŋ suse so fanɛ edɛ ŋkpal asheŋ lubi nɛ men wora so, nɛ esa kama maaŋ tiŋ n duŋ kumo.”

Jɛremaya 7:20

Amoso, ma Enyɛnpetale Ebɔrɛ na beeŋ shin nɛ ma kanya agbo e ba ma bɔrɛlambu so. K beeŋ gbelge basa nɛ asɔbɔya nɛ ndibi nɛ asɔduuso kikɛ so. Ma agbo beeŋ baa du fanɛ edɛ nɛ esa kikɛ maaŋ tiŋ n duŋ na nna.”

Ezikɛl 21:3

nseŋ kaŋɛ bumo fanɛ ma, Enyɛnpe Ebɔrɛ na bee kaŋɛ fanɛ b ki ndoŋana nna. Amoso meeŋ pee ma tokobi kumo be efar to m mɔ bumo to be basa lela nɛ belubi kikɛ.

Ezikɛl 33:11

Kaŋɛ bumo fanɛ, ŋ ka la Enyɛnpetale Ebɔrɛ nɛ e bee sa ŋkpa so, ma kagbene maa fuli alubiworapoana be luwu so. B ka yige bumo be alubi be kewora nseŋ ji efute e naa fuli ma kagbene. Amoso nɛ Israɛl be basa na bee sha keji efute, kumo ere b yige bumo be asheŋ lubi na nseŋ bɛta m ba ma kutɔ.

Ezikɛl 37:19

feeŋ tiŋ ŋ kaŋɛ bumo fanɛ ma, Enyɛnpetale Ebɔrɛ na bee sha keta kedibi nɛ k yili n sa Israɛl nna n chuge kumo nɛ k yili n sa Juda na so nna, saŋɛ na so amo anyɔ na beeŋ ki kedibi koŋwule a wɔ ma enɔ to.

Eemɔs 3:14

“Kachɛ nɛ meeŋ gberge Israɛl be basa kusoe ŋkpal bumo be alubi so na, nɛ meeŋ mur Bɛtɛl be kade to gba be ebɔrɛsureana. Ebɔrɛsureana na be abonfu kikɛ beeŋ bure n tɔr keshishɛrpumpuŋ to.

Eemɔs 5:14

Men baa kɔ a fin kelela be kewora nseŋ yige alubi be kebaa wora, saŋɛ na so menyeeŋ baa kɔ ŋkpa, nɛ Enyɛnpetale Ebɔrɛ na e baa wɔ menyi kutɔ fanɛ kananɛ men kaŋɛ na.

Eemɔs 5:4

Le nɛ Enyɛnpe Ebɔrɛ kra kaŋɛ Israɛl be basa: “Israɛlebi, men bɛta m ba ŋ kutɔ saŋɛ na so menyeeŋ nya ŋkpa.

Eemɔs 6:6

Menyee nuu nsa kananɛ k par menyi nna, nsaa gbiti yawu kpakpaso be etulale, ama men kplaŋ men be efuli Israɛl nɛ k bure n loge na bre so.

Zefanaiya 2:3

Menyi bekama nɛ men la bebɔlpo ashi kasawule ere so na e baa bar menyi be amu kaseto nsaa nu a sa Enyɛnpe Ebɔrɛ na. Men baa wora kusɔ nɛ k walɛ nsaa bar menyi be amu kaseto a sa mo. Nɛ men wora loŋ, ashere menyeeŋ gelge kasogberge kachɛ nɛ Enyɛnpe Ebɔrɛ na be agbo beeŋ koso na.

Zakareya 10:6

Meeŋ sa Juda be basa eleŋ, nseŋ mɔlga Israɛl be basa. Meeŋ wu bumo kuwɔr nseŋ bɛta bumo kikɛ m ba epe. Baaŋ baa du fanɛ basa nɛ m maŋ naŋ kini ŋ ku so nna. Ma e la Enyɛnpe bumo be Ebɔrɛ na; ma alɛ beeŋ nu bumo be kabɔrɛkule.

Ditɛronɔmi 32:22

Kumo be kaman nɛ ma agbo e suse fanɛ edɛ n chɔɔ kusɔ kama durnya to, n ta menyi be adɔ n ti so. Edɛ na beeŋ chɔɔ hale bubuni to ashi kasawule to nseŋ naŋ chɔɔ abeeana gba m mur.

Ditɛronɔmi 4:24

ŋkpal manɛ so, Enyɛnpe, menyi be Ebɔrɛ na beeŋ tiŋ a du fanɛ edɛ nɛ k bee ji a mur. E la Ebɔrɛ nɛ e maa sha kechamana nna.

Joshuwa 18:5

Saŋɛ na so, baaŋ barga kasawule na to mba ashunu, nɛ kelargato be kaseto be kaba so be kasawule na e baa la Juda be yiri to ebi peya nɛ Josɛf be yiri to ebi malɛ peya e baa la kelargato be esoso be kaba so na.