Eemɔs 5:2 - EBƆRƐ BE KAWƆL

² Ma eshapo lela Israɛl, tɔr a dese kasawule, a maŋ naŋ tiŋ nɛ e koso! Nɛ b kplaŋ mo so ashi mo gbagba be efuli so. Esa kama maŋ chɛ mo to nɛ e niŋito.

Eemɔs 5:2 ပူးပေါင်းရင်းမြစ်များ

2 Bewura 15:29

Saŋɛ so nɛ Pɛka daa ji Israɛl be kuwura na, nɛ Asiriya be ewurgboŋ nɛ baa tre Tiglaf Pilesa na kɔ n sɔ Ijɔn nɛ Abel Bɛf Maaka nɛ Janua nɛ Kadɛsh nɛ Hazɔɔ nɛ Giliad nɛ Galili nɛ Naftali be nsawuleana nseŋ pɛ Israɛlebi nɛ b wɔ ndoŋ na n yɔ Asiriya n ya ti ebu.

2 Bewura 17:16

Israɛlebi na daŋ kini kebɛ Enyɛnpe bumo be Ebɔrɛ na be mbra so nna nseŋ ta shuwa n lɔŋɛ egbolu fɔlbi anyɔ a shuŋ amo. B daŋ naŋ lɔŋɛ kegbirche Ashira gba be kapɔrduli nna nsaa shuŋ kumo nɛ achɛkpabi nɛ kegbir nɛ baa tre Baal na.

Aizaaya 14:21

Anyeeŋ teŋ fo mbinyɛnsobi so ŋkpal bumo nananyɛnana be alubi so. Bumo be ekama maaŋ ji kuwura ŋko m pɔr ndegboŋ durnya be kaplɛkama.

Aizaaya 24:20

Kumo be kaman nɛ durnya na e baa lente fanɛ esa nɛ e boo nsa na, ŋko afugboŋ kaa bee ber kubuu so na. Durnya be alubi pɔɔ kumo so. Amoso k beeŋ mur nsaa maaŋ naaŋ tiŋ ŋ koso kikɛ.

Aizaaya 3:8

Kashenteŋto, asheŋ maaŋ nyalɛ n sa Jerusalɛmebi! Juda be efuli so malɛ baa mur nna na! Kusɔ kama nɛ baa kaŋɛ ŋko a wora bee gbiti Enyɛnpe Ebɔrɛ na nna. Baa tege Ebɔrɛ ekama be anishito nna.

Aizaaya 37:22

nɛ Enyɛnpe Ebɔrɛ na malga a laŋɛ mbe kabɔrɛkule na be kaplɛa so. E yɛ: “Sennakerɛb, Jerusalɛm be basa bee mushe fo nna nsaa fɛl fo a keni fo jiga.

Aizaaya 43:17

Mo e daŋ juŋkpar benapo lempoana n yɔ kemur to; b daa la benapo nɛ b kɔ egbaŋɛ nɛ egbaŋɛturko nna. B daŋ kɔ n tɔr nsaa maŋ naŋ tiŋ nɛ b koso kikɛ. B daŋ ki fanɛ fitila nɛ b foŋ kumo be edɛ n duŋ nna!

Jɛremaya 14:17

Kumo be kaman nɛ Enyɛnpe Ebɔrɛ na kaŋɛ ma kenishipereso fanɛ n ya kaŋɛ basa na kebɔltofinfin nɛ k wɔ ma to be asheŋ. Ndoŋ nna nɛ n ya kaŋɛ bumo le: “Kapa nɛ kanyɛ, ma anishi maa paŋ anishichubi ŋkpal ma basa be awurfoŋ damta nɛ baa ji na so.

Jɛremaya 18:13

Kumo be kaman nɛ Enyɛnpe Ebɔrɛ naŋ kaŋɛ le: “Bishi efuli kama so be basa fanɛ le be kesheŋ daŋ wora ŋ ku so a? Israɛl be basa wora kesheŋ lubi lubi ko!

Jɛremaya 2:27

Menyi nɛ menyee tre ndibi men tutoana nɛ ajembu men nioana na beeŋ ji anishinyɔr, ŋkpal men ka kini ma n lɛ so. Ama nɛ men baa wɔ etɔrɔ to bre, menyee shu a tre ma nna fanɛ m ba mɔlga menyi.

Jɛremaya 31:4

Ŋ kraa beeŋ lɔŋɛ menyi be efuli na m pɔr. Menyi alɛ kraa beeŋ ta menyi be echakachaka m boŋ nshɛ n cha kagbenefuliso

Jɛremaya 4:20

Jemanɛ kikɛ nɛ anyi nɛ edoŋ na baa kɔ kena, mee wu fanɛ e bee kɔ a pɔɔ anyi so nna nsaa mur kusɔ kama ashi kasawule na so. Epul to nɛ e mur ŋ gbagba be laŋ.

Jɛremaya 50:32

Menyi be efuli nɛ kamoowu bɔlɔ kumo to na beeŋ fiti n tɔr nɛ esa kikɛ maaŋ chɛ to n niŋi kumo to n yili. Meeŋ shin nɛ menyi be ndegboŋana e ji edɛ nɛ asɔ kama nɛ a kulti menyi na kikɛ e mur.”

Jɛremaya 51:64

‘Kananɛ kejembugboŋ ere nɛ kawɔl ere muni nchu ere to ere nɛ Babilɔn be efuli gba beeŋ muni nsaa maaŋ naŋ tiŋ n lar jemanɛ nɛ Enyɛnpe Ebɔrɛ na beeŋ mur kumo na. Esa kama nɛ e wɔ kadegboŋ na to beeŋ wu nɛ efuli na maaŋ naŋ nya eleŋ ŋ koso kikɛ.’ ” Anebi Jɛremaya be kɔnɔ be ekar nna na.

Jɛremaya 8:4

Kumo be kaman nɛ Enyɛnpe Ebɔrɛ na kaŋɛ ma fanɛ ŋ kaŋɛ mbe basa le: “Nɛ esa baŋ tɔr, e maŋ naa kpa a ŋini to nna a? Nɛ esa baŋ foe ekpa, e maŋ naa bɛta mbe ayamu so nna a?

Jɛremaya 9:21

Luwu bɔla anyi be etokuro to n luri mboŋ lempoana nɛ amo to be keluri du kpakpa na to. K mɔ anyi be mbia n lɛ agbembi so nseŋ mɔ anyi be mbifɔlbi n lɛ alɔnɛ so.

Jɛremaya 9:9

Kumo be kaman nɛ Enyɛnpetale Ebɔrɛ na bishi le: A maŋ daga fanɛ ŋ gberge bumo kusoe, ŋko m bishi efuli nɛ k du le ere kuwule a?”

Nfabel 2:13

O Jerusalɛmebi, manɛ nɛ ŋ kɔ nɛ ŋ kaŋɛ? Nuso bre nɛ meeŋ tiŋ n lɔlɔ menyi? Ŋkpal manɛ so, esa kikɛ maŋ naŋ ji awurfoŋ fanɛ kananɛ men ji ere. Jɛrbi nɛ men ji ere maŋ kɔ ekar fanɛ teku; tama be yiri kikɛ maŋ naa wɔtɔ n sa menyi.

Hoziya 14:1

Israɛl be basa, men bɛta m ba men Nyɛnpe nɛ men be Ebɔrɛ kutɔ. Men be kulubi e shin nɛ men fiti n tɔr na.

Hoziya 6:2

Ta a yɔ nchɛnnyɔ ŋko nchɛnsa be kefɛato, e beeŋ ba chɛ anyi nseŋ naŋ sa anyi eleŋ saŋɛ na so anyi nɛ mo beeŋ baa wɔtɔ.

Eemɔs 8:14

Bekama nɛ baa bɔ agbir nɛ a wɔ Samɛria na nɛ kegbir nɛ k wɔ Dan na ŋko kegbir nɛ k wɔ Bɛshiba na, beeŋ tɔr a maaŋ naaŋ koso kikɛ.”

Eemɔs 9:11

Enyɛnpe Ebɔrɛ yɛ: “Kachako bee ba nɛ n naŋ lɔŋɛ Deevid be kuwurji nɛ k ki fanɛ kelambure na m pɔr n yili nɛnɛ. Meeŋ naŋ lɔŋɛ kumo be egbalana m pɔr fanɛ kananɛ k daa du dra na.