Eemɔs 5:16 - EBƆRƐ BE KAWƆL

¹⁶ Enyɛnpetale na yɛ: “Basa beeŋ baa boŋ to a shu kagbenejijaso ashi kade kikɛ be abɔrbi so. Baaŋ tre bedɔpo gba nɛ b ba ti basa nɛ b haya so n shu basa nɛ b wu be nli.

Eemɔs 5:16 ပူးပေါင်းရင်းမြစ်များ

2 Kronikɛls 35:25

Ndoŋ nna nɛ anebi Jɛremaya wora ewura Josaya be keeli be kashɛ. Israɛl be benyɛn nɛ beche kra boŋ kashɛ na a nyiŋi ewura Josaya be luwu saŋkama. Loŋ be kashɛ na wɔ Israɛlebi be nli be nshɛ be kawɔl to.

Aizaaya 15:8

Kagbenejija so be kushu baaŋ sɔ Mowab be kasawule kikɛ so nna nɛ esa beeŋ tiŋ n nu bumo be kushu ashi nde nɛ baa tre Eglaim nɛ Beerilim na to.

Aizaaya 22:12

Enyɛnpetale Ebɔrɛ na daŋ kaŋɛ menyi loŋ be kachɛ na fanɛ men baa shu anishichubi nsaa boŋ to awɔrso, nseŋ she menyi be amu m buu keeli be asɔbuuso.

Jɛremaya 30:5

“N nu basa ka bee boŋ to a shu kufugboŋ so, mannɛ kayurwushi be kushu e daa la.

Jɛremaya 4:31

N nu esa ko ka bee tekeŋto fanɛ eche nɛ kakurge ta na, nseŋ naŋ nu kushu fanɛ eche ka bee kurge mo pibi sososo. Jerusalɛm e daa fute a gben nsaa shu a lɛ mbre a kaŋɛ le: ‘Mee wu nna na! Bedoŋ e naa ba nɛ b ba mɔ ma!.’ ”

Jɛremaya 9:10

Ndoŋ nna nɛ ŋ kaŋɛ le: “Meeŋ shu ŋkpal abee na nɛ asɔbɔya be ejikpa na so. Ŋkpal manɛ so, e wɔl nseŋ ki fanɛ keshishɛrsawule nna, nɛ esa kikɛ maŋ naa bɔla amo so a choŋ. Esa maaŋ naaŋ n nu kusɔbɔya be kushu ndoŋ, mbuibi nɛ kupuŋ to be asɔbɔya kikɛ shile amo so nna.”

Jɛremaya 9:16

Ma alɛ beeŋ shin nɛ b pesaŋ to n yɔ efuli pɔtɛana nɛ bumo ŋko bumo nananyɛnana maŋ naŋ nu amo be asheŋ ŋ ku so. Meeŋ naŋ shin nɛ benapo e ba kɔ bumo m mur bumo cheche.”

Hoziya 4:3

Ŋkpal loŋ so ewule lubi beeŋ yili menyi be kasawule ere so nɛ kusɔ kama nɛ k wɔ kumo so kikɛ e wu. Asɔbɔya nɛ mbuibi nɛ ekɔrɔtɔ kikɛ beeŋ wu.”

Jowɛl 1:11

Bedɔpo, men shin nɛ men be ŋgbene e jija menyi ga. Menyi bumo nɛ menyee dɔ ndibi sɔrso na, e boŋ to a shu. Men shin nɛ men be ŋgbene e jija menyi ga, ŋkpal men be asɔ duuso kikɛ ka mur so.

Jowɛl 1:14

Naniere, a daga fanɛ men tre abar n shɛr ŋ kishi ekishi cheembi. Men tre bejuŋkparpoana na, nɛ bekama nɛ b wɔ kasawule ere so na n shɛr men Nyɛnpe be bɔrɛlambu to n shu n tre mo.

Jowɛl 1:15

Enyɛnpe Ebɔrɛ be kachɛ na taga to. Kachɛ nɛ e beeŋ bar kemur na. Kashenteŋto, kachɛ na maaŋ baa walɛ kuraa!

Jowɛl 1:8

Men baa shu ebesa so fanɛ kasuŋgurbia nɛ mo jipo nɛ e bee shin nɛ e ta mo ka wu ŋ ka mo nɛ e tase kagbenejijaso a shu keeli na.

Eemɔs 3:13

Enyɛnpetale na yɛ: “Kaŋ kusoe n nu nfe, nseŋ kpele Israɛlebi nɛ b la Jeekɔb be kaman to ebi na kusoe.”

Eemɔs 5:27

Amoso meeŋ shin nɛ men doŋana e pɛ menyi nseŋ tintiŋ menyi n yɔ kadegboŋ nɛ baa tre Damaskɔs na hale m baŋ kumo so n yɔ efuli wɔfɔ kenyaya to.” Enyɛnpe Ebɔrɛ nɛ mbe ketre la Enyɛnpetale Ebɔrɛ na e malga na.

Eemɔs 8:10

Meeŋ shin nɛ men be kejigboŋana e ki nli be kebaa shu nɛ menyi be kagbenefuli malɛ be nshɛ e ki kagbenejijaso be kushu. Meeŋ shin nɛ men she men be emin nseŋ buu kagbenejijaso be asɔbuuso a du fanɛ esa nɛ mbe kebia koŋwule nɛ e kɔ wu ŋ ka mo na. Loŋ be kachɛ na beeŋ baa la kachɛ lubi ga.

Eemɔs 8:3

Enyɛnpetale yɛ: “Nshɛ nɛ baaŋ ba boŋ bɔrɛlambu to na beeŋ kilgi kushu. Bubuni beeŋ dese kaplɛkama nɛ kakpa kikɛ e wora shruum.”

Maika 1:8

“Ŋkpal ade kikɛ so, ma Maika beeŋ boŋto a shu nseŋ buu asɔfarbi a na aya fuloŋ. Meeŋ shu fanɛ kuntuŋ na nseŋ boŋto fanɛ tayetaye.

Maika 2:4

Kachɛ na kaŋ fo basa beeŋ baa boŋ nshɛ a wora menyi eyurto a kaŋɛ le: ‘Anyi ere mur cheche nna na! Enyɛnpe Ebɔrɛ na suge anyi be kasawule n sa bedebɔrpo.’

Kelaraŋŋini 18:10

Ebesa mo nɛ e beeŋ ji na be asheŋ beeŋ pɛ bumo kufu nɛ b yili kufɔ nseŋ kaŋɛ: “O fo, kadegboŋ ere, asheŋ nya fo, asheŋ nya fo. O Babilɔn, eleŋ be kadegboŋ, awa koŋwule nawule to nɛ fo ta n nya fo kasogberge na.”

Kelaraŋŋini 18:19

Kumo be kaman nɛ b ta shishɛr n wurge bumo be amuana so ŋkeŋ boŋ to n shu anishichubi ŋ kaŋɛ: “O kadegboŋ, asheŋ nya fo, asheŋ nya fo. Kadegboŋ ere to nɛ bekama nɛ b kɔ ekuloŋgboŋana a shuŋ tekuana so na bɔla mbe dama so n dii dama, ŋkeshin nɛ awa koŋwule to nɛ e mur kuraa!