Eemɔs 5:10 - EBƆRƐ BE KAWƆL

¹⁰ Menyi Israɛlebi kishi basa nɛ b maa da a buu alubi so nsaa ji asheŋ nɛ amo be ekpa so nna.

Eemɔs 5:10 ပူးပေါင်းရင်းမြစ်များ

1 Bewura 18:17

Ewura Ahab ka wu Elaija nɛ e kaŋɛ mo le: “Fo e la Israɛl kikɛ be asheŋwura na ŋko?”

1 Bewura 21:20

Ewura Ahab ka wu Elaija nɛ e kaŋɛ le: “Ma doŋ, fo wu ma a?” Nɛ anebi Elaija malɛ kaŋɛ le: “Mm, n wu fo. Fo kebaawɔtɔ to kikɛ fee wora alubi nna a gbiti Enyɛnpe Ebɔrɛ na.

1 Bewura 22:8

Nɛ ewura Ahab kaŋɛ le: “Ekoŋwule ko kraa wɔtɔ nɛ anyeeŋ tiŋ n wu mo, mo e la Imla pibinyɛn Mikaya ama ŋ kishi mbe asheŋ ga ŋkpal manɛ so kusɔ kama nɛ e wu ŋ kaŋɛ ma maa walɛ.” Nɛ Jehoshafat kaŋɛ: “Sa maŋ kaŋ kaŋɛ loŋ!”

2 Kronikɛls 25:16

Nɛ ewura Amaziya ku mbe kamalga na to ŋ kaŋɛ le: “Saŋɛ mo nɛ an ta fo ŋ ki ewura be asoetojipo? Lo fo kɔnɔ na pɔɛŋ nɛ n shin nɛ b ba mɔ fo ndoŋ!” Anebi na ka jo nɛ e malga n loge, nɛ mo alɛ kaŋɛ le: “Naniere nɛ m pin fanɛ Ebɔrɛ bee sha kemur fo nna ŋkpal fo ka kplaŋ ma kasotoji so nseŋ wora asheŋ ere kikɛ so.”

2 Kronikɛls 36:16

Ama b daŋ kplaŋ Enyɛnpe Ebɔrɛ be kamalga so nna nsaa wora mbe mbɔ nɛ e daa shuŋi bumo kutɔ na amɔmɔshiasheŋ nsaa mushe mbe anebiana na, hale nɛ Enyɛnpe Ebɔrɛ be agbo kaa alegaiso nɛ shɛŋ maŋ naa wɔtɔ nɛ k sɔ basa na.

Aŋasa 15:12

Esa nɛ e bee wora basa eyurto kikɛ maa sha keŋini, amoso mo alɛ maaŋ yɔ enyiashempo kutɔ n ya fin kasotoji.

Aizaaya 29:21

Ebɔrɛ beeŋ mur bekama nɛ baa ku efɛ a jija beko be atre, nɛ bumo nɛ baa kuŋ belubiworapo ashi kasogberge to na. E beeŋ mur bekama nɛ baa ku efɛ demujikpa a shin nɛ basa nɛ baa ji kashenteŋ maa nya kashenteŋ na gba.

Aizaaya 59:15

Kashenteŋji ka maŋ naa wɔtɔ so, bekama nɛ b yige asheŋ lubi be kewora na bee luri asheŋ to nna.” Enyɛnpe Ebɔrɛ na b kagbene daa maŋ fuli mo ŋkpal keji asheŋ nɛ amo be ekpa so ka maŋ naa wɔtɔ so.

Jɛremaya 38:7

Ndoŋ nna nɛ Itiopia be efuli so be kanyɛn ko nɛ baa tre mo Ebedmɛlɛk, nɛ e la ndoŋ be ewurkpa be ekrachi to be eko, nu fanɛ b ta ma n wɔtɔ ketirbu na to. Loŋ be jemanɛ na nɛ ewura Zɛdikaya nɛ mbe ewurkpa be ekrachi bee to jina ashi Bɛnjamin be Kabunagboŋ na ase.

Hoziya 4:4

Enyɛnpe Ebɔrɛ yɛ: “Esa kama wora kulubi, fɔŋfɔŋ bɔrɛmatapoana na.

Levitikɔs 13:10

nɛ e mige mo to ŋ keni nɛnɛ. Nɛ k la kuchuu n fuli to nɛ kumo to be afuibi fuli nɛ k bee lar nchu nna,

Eemɔs 5:15

Men kishi kulubi, nsaa wora kelela. Men baa kɔ a fin asheŋ be keji nɛ amo be ekpa so ashi men be edemujikpa. Ashere Enyɛnpetale na beeŋ wu efuli ere be bekama nɛ b kraa wɔ ŋkpa to ere kuwɔr.

Baru lela nɛ Jɔn kute na 15:19

Nɛ men daa la durnya ere peya nna, k daa beeŋ baa sha menyi fanɛ kumo be basa gbagba. Ama n lara menyi ashi durnya ere to nna nɛ men maŋ naa la kumo be basa, amoso nɛ k kishi menyi na.

Baru lela nɛ Jɔn kute na 3:20

Alubiworapo kikɛ maa sha kefulto. E maaŋ shuli n luri kefulto to, ŋkpal manɛ so, e maa sha mbe asheŋ lubi na ka lar efuli.

Baru lela nɛ Jɔn kute na 7:7

Durnya maaŋ tiŋ ŋ kishi menyi ere, ama ma ere, k kishi ma nna ŋkpal ŋ ka bee kaŋɛ fanɛ kumo be asheŋ woraso maŋ walɛ so.

Galeeshaebi 4:16

To, naniere bre ŋ ki men doŋ nna ŋkpal ŋ ka ji menyi kashenteŋ so ŋko?

Kelaraŋŋini 11:10

Kasawule so be basa be ŋgbene beeŋ fuli bumo ŋkpal basa anyɔ na be luwu so. Baaŋ ji bumo be amuana nseŋ kɛ ŋ kɛ abar asɔ ŋkpal kananɛ anebi anyɔ na daŋ bar kasawule ere so ebi tɔrɔ nsaa maŋ naa wɔtɔ na so.