Eemɔs 5:1 - EBƆRƐ BE KAWƆL

¹ Israɛl be basa, men nu keeli nɛ mee shu ŋkpal menyi so ere.

Eemɔs 5:1 ပူးပေါင်းရင်းမြစ်များ

Jɛremaya 18:13

Kumo be kaman nɛ Enyɛnpe Ebɔrɛ naŋ kaŋɛ le: “Bishi efuli kama so be basa fanɛ le be kesheŋ daŋ wora ŋ ku so a? Israɛl be basa wora kesheŋ lubi lubi ko!

Jɛremaya 7:29

Jerusalɛm be basa, men she men be amu so be emin, fanɛ basa nɛ baa shu nli na. Men baa boŋ nli to be nshɛ ashi abee be awɔlto; ŋkpal manɛ so, ma Enyɛnpe Ebɔrɛ na nya agbo nna nseŋ kini menyi nɛ men la ma basa na n lɛ.

Jɛremaya 9:10

Ndoŋ nna nɛ ŋ kaŋɛ le: “Meeŋ shu ŋkpal abee na nɛ asɔbɔya be ejikpa na so. Ŋkpal manɛ so, e wɔl nseŋ ki fanɛ keshishɛrsawule nna, nɛ esa kikɛ maŋ naa bɔla amo so a choŋ. Esa maaŋ naaŋ n nu kusɔbɔya be kushu ndoŋ, mbuibi nɛ kupuŋ to be asɔbɔya kikɛ shile amo so nna.”

Jɛremaya 9:17

Ade be kaman nɛ Enyɛnpetale Ebɔrɛ na kaŋɛ le: “Fɛ kusɔ nɛ k bee wora ere be asheŋ! Shuŋi n tre beche nɛ baa tiŋ a shu nli a karga nsaa tiŋ a boŋ awɔba ga na nɛ b ba.”

Jɛremaya 9:20

Ndoŋ nna nɛ ŋ kaŋɛ le: “Beche, men nu kusɔ nɛ Enyɛnpe Ebɔrɛ bee kaŋɛ, nseŋ laŋɛ menyi be lakal m ba mbe mmalga na so. Men ŋini menyi be bibiche kananɛ baa shu nli a karga, nɛ men teriana kananɛ baa boŋ awɔba.

Jɛremaya 9:9

Kumo be kaman nɛ Enyɛnpetale Ebɔrɛ na bishi le: A maŋ daga fanɛ ŋ gberge bumo kusoe, ŋko m bishi efuli nɛ k du le ere kuwule a?”

Ezikɛl 19:1

Ndoŋ nna nɛ Enyɛnpe Ebɔrɛ kaŋɛ ma fanɛ m boŋ kagbenejija be kashɛ n sa Israɛl be benimu anyɔ ko ŋ kaŋɛ le:

Ezikɛl 19:14

Ndoŋ nna nɛ kumo be keyabi gboŋgboŋi ko pɛ edɛ; nɛ edɛ na bɛ kumo so n chɔɔ kumo be ayabi nɛ asɔrso kikɛ. Keyabi lempo kikɛ daŋ maŋ naŋ ka kumo so nɛ b ku n wora kuwurkpabi. Kashɛ ere la kagbenejija be kashɛ nna n daga kebaaboŋ kagbenejijaso.”

Ezikɛl 26:17

Saŋɛ na so nɛ b boŋ keeli be kashɛ ere n laŋɛ menyi kaplɛa so. Kadegboŋ nɛ k nya ketre ga na mur! Kumo be nchu so be ekuloŋgboŋ kikɛ mur teku so. Kumo to be basa e daa ji eteku so kuwura nseŋ daa ta kufu a wɔtɔ basa nɛ b chena teku ase na.

Ezikɛl 27:2

“Dimɛdi pibi, Ezikɛl, boŋ keeli be kashɛ ere a laŋɛ Tayɛ nɛ k la

Ezikɛl 28:12

“Dimɛdi pibi, boŋ awɔba n sa Tayɛ be ewura, nseŋ kaŋɛ mo kusɔ nɛ ma, Enyɛnpetale Ebɔrɛ na bee kaŋɛ na fanɛ, jemanɛ ko fo kusɔ kama daa bɛ abar so dede nna nsaa la tɔɔnɛ. Fo alɛ daa nyi asheŋ ga nseŋ daa walɛ keyɛrbi nna.

Ezikɛl 32:16

Kasokpele ere beeŋ baa la awɔba nɛ efuli pɔtɛana so be beche e boŋ kumo n shu Ijipt nɛ kumo be basa kikɛ be keeli. Ma, Enyɛnpetale Ebɔrɛ e kaŋɛ na.”

Ezikɛl 32:2

“Dimɛdi pibi, Ezikɛl, kaŋɛ Ijipt be ewura, Fɛɛro, kenishipere be kasokpele be kubɔya ere fanɛ n yɛ: ‘Fee wora fanɛ buluŋ nna ashi efuliana na to, ama fo alɛ baa la fanɛ lɔr to be laŋchaŋ nɛ fee bri nchu to nna a jija amo.

Eemɔs 3:1

Menyi Israɛlebi nɛ Enyɛnpe Ebɔrɛ lara ashi Ijipt be kasawule so dra dra na, e loto n nu kusɔ nɛ e malga ŋ gbiti menyi.

Eemɔs 4:1

Men nu nfe, menyi Samɛria be beche nɛ men danto durfɛ durfɛ fanɛ Bashan be efuli so be ana nɛ baa ji a moɛ ga na. Menyi e naa mɛaŋ betirpo nɛ betentaŋasepo nsaa nyaŋ menyi kulana fanɛ b baa sa menyi nsa na!

Eemɔs 5:16

Enyɛnpetale na yɛ: “Basa beeŋ baa boŋ to a shu kagbenejijaso ashi kade kikɛ be abɔrbi so. Baaŋ tre bedɔpo gba nɛ b ba ti basa nɛ b haya so n shu basa nɛ b wu be nli.

Eemɔs 8:14

Bekama nɛ baa bɔ agbir nɛ a wɔ Samɛria na nɛ kegbir nɛ k wɔ Dan na ŋko kegbir nɛ k wɔ Bɛshiba na, beeŋ tɔr a maaŋ naaŋ koso kikɛ.”

Maika 2:4

Kachɛ na kaŋ fo basa beeŋ baa boŋ nshɛ a wora menyi eyurto a kaŋɛ le: ‘Anyi ere mur cheche nna na! Enyɛnpe Ebɔrɛ na suge anyi be kasawule n sa bedebɔrpo.’