Eemɔs 4:9 - EBƆRƐ BE KAWƆL

⁹ Ma e shin nɛ afu tushiso jija menyi be adɔjibi nseŋ shin nɛ elotɔr malɛ jija menyi be ndɔana nɛ men be afeelebi nɛ baa tre greep na be ndɔana nɛ figidibi nɛ ɔlif be ndibi be ndɔana, ama amo nɛ amo kikɛ men kraŋ kini kebɛta m ba ŋ kutɔ. Ma Enyɛnpe Ebɔrɛ na e malga na!

Eemɔs 4:9 ပူးပေါင်းရင်းမြစ်များ

1 Bewura 8:37

“Akoŋ baŋ tɔr kasawule ere so, ŋko aleblawu ko e ba ŋko afugboŋ tushiso ŋko elotɔr e ba jija bumo be adɔjibi, ŋko bedoŋ ko e ba kaa kɔ bumo kena ŋko kayurnyaŋ ŋko kulɔ ko e ba luri bumo to,

2 Kronikɛls 6:28

Nɛ akoŋ baŋ tɔr kasawule ere so, ŋko aleblawu ko e ba ŋko afugboŋ tushiso ŋko elotɔr e ba jija bumo be adɔjibi, ŋko bedoŋ ko e ba kaa kɔ bumo kena ŋko kayurnyaŋ ŋko kulɔ ko e ba luri bumo to,

Aizaaya 1:5

Manɛ nna nɛ menyi kraa maa sa mo kashuli? Menyee sha kasogberge nna n ti so a? Israɛl be basa, k du fanɛ menyi be amu so kikɛ du fanɛ a ka wora achuu nna nɛ kulɔ malɛ wɔ menyi be ŋgbene kikɛ to nɛ nfɛra kikɛ to.

Aizaaya 50:11

Menyi kama nɛ menyee kre men braana kemur be nia na, menyi gbagba be ŋkre e naaŋ mur menyi. Enyɛnpe Ebɔrɛ na beeŋ gberge menyi kusoe n shin nɛ men ji awurfoŋ.

Aizaaya 9:12

Enyɛnpe Ebɔrɛ na daŋ shin nna nɛ Siriya be benapo shi epeŋilarkpa nɛ Filisti be benapo malɛ shi epeŋitɔrkpa m bela ase m ba kɔ Israɛl be basa kena m mur bumo. Ama amo nɛ amo kikɛ Enyɛnpe Ebɔrɛ na be agbo kra maŋ wushi. E kraa shin nɛ e gberge bumo kusoe nna n ti so.

Jɛremaya 3:10

Ade kikɛ be kaman, Juda nɛ k la fanɛ Israɛl mo niopibi na, wora fanɛ e ka bee bɛta a ba ma kutɔ, ama k daŋ maŋ la kenishipere be kusɔ n sa mo.”

Jɛremaya 5:3

Kashenteŋto, kashenteŋji nɛ Enyɛnpe Ebɔrɛ na bee keni a fin ashi men kutɔ. Mo e daŋ gberge menyi kusoe, ama men maŋ wɔtɔ lakel; e daŋ tintiŋ menyi nɛ men wora kusɔ nɛ k daga, ama men kini kekoya kusɔ ko kumo to. Men daŋ wora menyi be ŋgbene kpakpa nna nseŋ kini kelar menyi be alubi to.

Hoziya 11:5

Ama b kraŋ kini k ba ŋ kutɔ nseŋ bɛta n yɔ Ijipt be efuli so. Naniere, Asiriyaebi e naaŋ baa ji bumo so eleŋ.

Jowɛl 1:4

Elotɔr be ntuŋgboŋ nɛ ntuŋwurbi bɛ m bɛ abar so m ba ji adɔjibi kikɛ nyam.

Jowɛl 1:7

B shin nɛ ma ndibi sɔrso ki asɔ fuloŋ, a yil jiga, a maŋ naa kɔ tɔnɔ. Loŋ be efuli na so ebi marga m marga ndibi na be afɔfɔ n lɛ ŋ ka amo nɛ a fuli a yil.

Jowɛl 2:25

Meeŋ bɛta asɔ kama nɛ benapo nɛ b du fanɛ elotɔr damta na daŋ jija na kikɛ n sa menyi. Ma Enyɛnpe Ebɔrɛ na e daŋ shuŋi elotɔr na.

Eemɔs 4:6

Ma e shin nɛ akoŋ tɔr menyi be ndeana kikɛ to, ama amo nɛ amo kikɛ men kraŋ kini kebɛta m ba ma kutɔ.

Eemɔs 4:8

Basa lar bumo be ndeana to n yɔ nde ko n ya kaa fin nchu nɛ b nuu ama b daa maŋ nya amo yɛlyɛla so ndoŋ. Amo nɛ amo kikɛ men kraŋ kini kebɛta m ba ŋ kutɔ.” Ma Enyɛnpe Ebɔrɛ na e malga na!

Habakuk 3:17

Hale nɛ figi be ndibi maŋ sɔr gba, nɛ afeelebi nɛ baa tre greeps na maŋ kɔ asɔrso; hale nɛ ɔlif be ndibi maŋ sɔr shɛŋ, nɛ adɔsawule maŋ wora ajibi gba; hale nɛ kubolpɔ koŋwule gba maŋ naa wɔtɔ, nɛ kena koŋwule maŋ naa wɔ kenalu to gba,

Heegai 2:17

Ma e daa shin nɛ bunyaŋ bee tɔr menyi be adɔjibi so nɛ e bee puu nsaa jija na, ama men kraŋ kini ketuba n lar menyi be alubi to.

Malakai 3:11

M maaŋ shin nɛ asɔfirgisobi e jija menyi be adɔjibi saŋɛ na so menyi be afeelebi nɛ a bee sɔr asɔrso nɛ baa tre greep na beeŋ sɔr nɛnɛ.

Ditɛronɔmi 28:22

E beeŋ shin nɛ alɔ nɛ a bee suse nɛ asɔ puŋiso nɛ kayurbeldɛ e tɔr menyi so. Kumo be kaman, e beeŋ shin nɛ ewule nɛ afu tushiso a ba mur menyi be adɔjibi kikɛ. Le be aleblawu ere beeŋ baa wɔ menyi so hale n ya fo fanɛ men kikɛ ka beeŋ wu m mur.

Ditɛronɔmi 28:42

Elotɔr beeŋ ba ji menyi be ndibi be afantaŋ nɛ asɔrso nɛ menyi be adɔjibi kikɛ m mur.