Eemɔs 4:7 - EBƆRƐ BE KAWƆL

⁷ Saŋɛ so nɛ k daga men be asɔduuso ka nya bɔrɛ nɛnɛ na, nɛ mee pɛ bɔrɛ a keta. Ma e naa shin nɛ bɔrɛ bee ba. Ma alɛ e naa shin nɛ bɔrɛ bee ba kade ko to nsaa yige kuko, ŋko a ba ndɔ ko to a yige kuko nɛ k bee wɔl.

Eemɔs 4:7 ပူးပေါင်းရင်းမြစ်များ

Ɛksodɔs 10:22

Ndoŋ nna nɛ Mosis maŋ mbe enɔ so ŋ ŋini awɔlto nɛ ketentembirigboŋ le plɔ ba Ijipt be efuli so kikɛ nchɛnsa.

Ɛksodɔs 10:23

Basa daa maŋ naa wu abar kumo be saŋɛ. Ekama malɛ daa maŋ yɔ kaplɛkama nchɛ asa na to. Ama amo be saŋɛ na kikɛ so nɛ kefulto wɔ kakpa nɛ Israɛlebi na bre daa wɔ na.

Ɛksodɔs 8:22

Kumo be kachɛ na ashushombi na maaŋ yɔ kakpa nɛ ma basa wɔ ashi Goshen be kaba so na bre. Kumo be loŋ nɛ feeŋ pin fanɛ ma e la Enyɛnpe Ebɔrɛ nɛ n wɔ kasawule ere to na.

Ɛksodɔs 9:26

Kakpa nɛ Israɛlebi na daa wɔ nɛ baa tre ndoŋ Goshen na nawule nɛ abɔrɛjembubi be bɔrɛgboŋ na daa maŋ yɔ.

Ɛksodɔs 9:4

Ama ma, Enyɛnpe Ebɔrɛ na beeŋ barga Israɛlebi be asɔbɔya nɛ Ijiptebi be asɔbɔya to nseŋ shin nɛ Israɛl be basa bre be asɔbɔya e sa maŋ wu.’ ”

Aizaaya 5:6

Ma alɛ beeŋ yige amo nɛ amo to e wora afitiri ŋ ki kupuŋ. M maŋ naŋ lɔŋɛ ndibi na be ayabi so ŋko n ta kɔtɔkrɔ m buse amo to kikɛ. Meeŋ shin nɛ egɔnnyaŋɛ nɛ ewi e sɔ amo to. Ma alɛ beeŋ naŋ pɛ bɔrɛ nɛ k sa maŋ naŋ ba kudɔ na to kikɛ.”

Jɛremaya 14:22

Efuli pɔtɛana na be agbirana na be kekama maaŋ tiŋ n shin nɛ bɔrɛ e ba. Kuwɔlpa gbagba maaŋ tiŋ n shin nɛ bɔrɛ e furi gba. Anyi be tama wɔ fo, Enyɛnpe anyi be Ebɔrɛ na so nna; ŋkpal manɛ so, fo nawule e naa shin nɛ ade kikɛ bee wora.

Jɛremaya 14:3

Damawuraana shuŋi bumo be nyɛrbi nɛ mbita eboŋ to, nɛ b yɔ atirbu chiŋgeliŋ to nɛ b ya jɔ nchu, ama b maŋ nya nchu nɛ b jɔ. Ndoŋ nna nɛ aba pɔ bumo nɛ b bɛta nɛ mpuya fuloŋ.

Jɛremaya 14:4

Ŋkpal bɔrɛ ka maa ba nɛ kasawule wɔl a dese so; bedɔpo be ŋgbene jija bumo ga nna nɛ b ta bumo be anishi a ŋana.

Jɛremaya 3:3

Amoso nɛ ewule bee yili nɛ bɔrɛ maa ba na. Ama kananɛ sakaleche maŋ kɔ nyɔmɔ na nɛ menyi alɛ gba maŋ kɔ nyɔmɔ a laŋɛ kusɔ nɛ men wora na be kaplɛa so.

Jowɛl 2:23

Zayɔnebi, men shin nɛ men be ŋgbene e fuli menyi ŋkpal kusɔ nɛ Enyɛnpe, men be Ebɔrɛ na wora n sa menyi na so. E sa menyi dɔchubɔrɛso be bɔrɛ nɛ bɔrɛchu lela nɛ a shin nɛ men be adɔjibi wora nɛnɛ fanɛ kananɛ a chɛr a wora na.

Zakareya 14:17

Bɔrɛ maaŋ naŋ ba efuli kama so ebi nɛ b kini keyɔ Jerusalɛm to n ya bunyaŋ Enyɛnpetale Ebɔrɛ na fanɛ bumo be ewura, be kasawule so kikɛ.

Baru lela nɛ Jɔn kute na 4:35

Mannɛ menyi basa e naa kaa kaŋɛ fanɛ: ‘A ka afɔl ana nɛ kasɔteŋi be jemanɛ e fo’ na a? Ma e kaŋɛ menyi na fanɛ men bugi menyi be anishi ŋ keni kananɛ adɔana du. Asɔ kikɛ daŋ bel nna m pere a jo keteŋi.

1 Kɔrintebi 4:7

Ŋkpal manɛ so, wanɛ e la fo nɛ fee fɛ fanɛ fo bɔ fo niopibiana? Mannɛ Ebɔrɛ e kɛ fo asɔ nɛ fo kɔ ere kikɛ a? To, nɛ manɛ e ba nɛ fee puchi fanɛ asɔ nɛ fo kɔ ere maŋ la kakɛ nna?

Ditɛronɔmi 11:17

Nɛ men wora loŋ, Enyɛnpe Ebɔrɛ na beeŋ nya agbo n wɔtɔ menyi nseŋ pɛ bɔrɛ nɛ menyi be adɔsawule e wɔl nɛ menyi be adɔjibi e wora ŋ gben. Kumo be kaman k maŋ chɛr nɛ menyi gbagba e wu m mur kasawule lela nɛ Enyɛnpe Ebɔrɛ na bee sa menyi na so.

Jeems 5:17

An ta fanɛ Elaija. E daa la nyiŋgbasa nna fanɛ anyi nseŋ daŋ ta kenishipere ŋ kule Ebɔrɛ fanɛ bɔrɛ e sa maŋ ba nɛ bɔrɛ maŋ ba kasawule na so nfɛ asa nɛ bargato.

Kelaraŋŋini 11:6

Basa anyɔ ere beeŋ baa kɔ eleŋ nɛ b tiŋ n shin nɛ bɔrɛ e sa maŋ shi awɔlpa so m ba, saŋɛ nɛ baaŋ baa wu abɔrɛsheŋ a kaŋɛ na kikɛ. Bumo alɛ nseŋ naa kɔ eleŋ nɛ b tiŋ n shin nɛ nchuana e ki ŋklaŋ nseŋ naŋ tiŋ n ta tɔrɔ be yiri kama saŋɛ damta kama nɛ baa sha n lɛ kasawule so.