Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Eemɔs 4:10 - EBƆRƐ BE KAWƆL

10 Kulɔ lubi nɛ k bee mɔ nɛ n daŋ shin nɛ k ba Ijipt be efuli so ebi so dra dra na gbagba nɛ n shin nɛ k ba menyi alɛ gba so. Ma e mɔ men be mbifɔlbi kena to n shin nɛ b pɛ bumo be egbaŋɛ n choŋ, nɛ bubuni be efɛa sɔ menyi be echenakpa a dufɛ pumpuŋ a mɔ menyi. Ama amo nɛ amo kikɛ, men kraŋ kini kebɛ ma so.

အခန်းကိုကြည့်ပါ။ ကော်ပီ




Eemɔs 4:10
42 ပူးပေါင်းရင်းမြစ်များ  

Jemanɛ nɛ Enyɛnpe Ebɔrɛ fara n shin nɛ Israɛl be kasawule bee duga so na, nɛ Siriya be ewura Haziɛl kɔ m pɔɔ Israɛlebi na so nseŋ sɔ bumo be kasawule


Ŋkpal loŋ so, Enyɛnpe Ebɔrɛ na daŋ nya agbo nna n wɔtɔ Israɛl nseŋ shin nɛ Siriya be ewura Haziɛl nɛ mo pibinyɛn Bɛnhadad kɔ m pɔɔ Israɛl so n ji bumo so kuwura saŋɛ tenteŋ.


Ŋkpal Siriya be ewura Haziɛl ka kɔ m pɔɔ Israɛl so nseŋ nɔkɔr bumo ga so, ewura Jehowahaz daa maŋ naa kɔ benapo damta, she egbaŋɛdiipo adunu nɛ egbaŋɛturko kudu nɛ benapo nɛ baa nite ayaso ŋgboŋ kudu nawule.


Nɛ Haziɛl bishi mo: “Manɛ nna nɛ fee shu n nyɛnpe?” Nɛ Elaisha kaŋɛ: “Ŋkpal ŋ ka wu asheŋ lubi nɛ feeŋ wora Israɛlebi so. Feeŋ chɔɔ bumo be kumɔlga be mboŋ lempo nseŋ mɔ bumo be mbrantiɛ, m bure bumo be mbi popɔrbi be amu to nseŋ baŋɛ bumo be bedampoche be epunana to.”


Ama Enyɛnpe Ebɔrɛ daŋ shin nɛ Fɛɛro naŋ wora kagbene kpakpaso ŋ kini keshin nɛ b yɔ.


Ndoŋ nna nɛ Mosis nɛ Ɛɛrɔn naŋ yɔ Fɛɛro kutɔ n ya kaŋɛ mo fanɛ Enyɛnpe Ebɔrɛ, Israɛlebi be Ebɔrɛ na yɛ: “Shin nɛ ma basa e yɔ, saŋɛ na so, baaŋ ya bunyaŋ ma.


Kumo be kaman nɛ n naŋ shin nɛ Fɛɛro be kagbene e ki kpakpa nɛ e ju m buu menyi so, saŋɛ na so meeŋ mur Fɛɛro nɛ mbe beyaasepo kikɛ nɛ Ijiptebi e pin fanɛ ma e la Enyɛnpe Ebɔrɛ nɛ kemaŋkura bɔlɔ ma to na.” Ndoŋ nna nɛ Israɛlebi na wora kusɔ nɛ Mosis kaŋɛ bumo na.


nseŋ ŋini bumo ŋ kaŋɛ le: “Men baŋ bugi asoe nɛnɛ n nu ma, men Nyɛnpe Ebɔrɛ na be ebɔl nseŋ wora kusɔ nɛ k niŋi ashi ma anishito, nseŋ bɛ ma mbraana so bre, menyeeŋ baa kɔ eleŋ. Ma alɛ maaŋ ta alɔ wurbi be aleblawu nɛ n daŋ ta n lɛ ljiptebi so na n lɛ menyi so.”


Ndoŋ nna nɛ ŋkilgiwuraana kaŋɛ Fɛɛro le: “Ebɔrɛ ko be eleŋ be aworbi nde.” Ama Fɛɛro daŋ kraŋ wora kagbene kpakpaso nna ŋ kini kewora kasonu fanɛ kananɛ Enyɛnpe Ebɔrɛ kaŋɛ na.


Ama ade kikɛ gba be kaman, Enyɛnpe Ebɔrɛ kraŋ shin nɛ ewura Fɛɛro wora kagbene kpakpaso nseŋ kini kenu n sa Mosis nɛ Ɛɛrɔn fanɛ kananɛ Enyɛnpe Ebɔrɛ baŋ kaŋɛ na.


Ŋkeshin nɛ fo alɛ kraa wɔtɔ nna a ŋini ma basa fo eleŋ nsaa kini keshin nɛ b yɔ.


Baaŋ wu n dese m bɛa a dufɛ nɛ bumo be ŋklaŋ malɛ e shile abee so ŋ gbelge to fanɛ nchu na.


Menyi kama nɛ menyee kre men braana kemur be nia na, menyi gbagba be ŋkre e naaŋ mur menyi. Enyɛnpe Ebɔrɛ na beeŋ gberge menyi kusoe n shin nɛ men ji awurfoŋ.


Enyɛnpe Ebɔrɛ na daŋ shin nna nɛ Siriya be benapo shi epeŋilarkpa nɛ Filisti be benapo malɛ shi epeŋitɔrkpa m bela ase m ba kɔ Israɛl be basa kena m mur bumo. Ama amo nɛ amo kikɛ Enyɛnpe Ebɔrɛ na be agbo kra maŋ wushi. E kraa shin nɛ e gberge bumo kusoe nna n ti so.


Enyɛnpetale Ebɔrɛ be kasogberge nɛ e sa Israɛl be basa na be kaman, b kra maŋ tuba m bɛta m ba mo kutɔ.


Amoso Enyɛnpe Ebɔrɛ na maaŋ shin nɛ mbrantiɛfɔlbi na be ekama e nya n shile. Mo alɛ maaŋ wu bekulpoche nɛ amunibiana na be ekama kuwɔr. Ŋkpal manɛ so basa na kikɛ la amu kpakpaso wuraana nɛ b kini Ebɔrɛ nna. Bumo be malga kikɛ gba daa la asheŋ lubi be mmalga nna. Ama amo nɛ amo kikɛ, Enyɛnpe Ebɔrɛ na be agbo kra maaŋ wushi. E kraa shin nɛ e gberge bumo kusoe n ti so nna.


Ndoŋ nna nɛ Enyɛnpe Ebɔrɛ na malɛ kaŋɛ le: “Meeŋ gberge bumo kusoe! Bumo be mbrantiɛ beeŋ wu kena to nɛ akoŋ e mɔ bumo be mbia wurbi malɛ.


Ma, Enyɛnpe Ebɔrɛ na teŋ yili kumo nna fanɛ asheŋ lubi ana ko e naŋ wora bumo. Baaŋ wu kena to nɛ njɔnɔ e baa gbeye bumo be eyurana a kulti nɛ mbuibi e ji bumo be beko nɛ kupuŋ to be asɔbɔya malɛ e we bumo nɛ baŋ ka na.


Alɔ nɛ kena nɛ akoŋgboŋ beeŋ mɔ bumo, nɛ ekama maaŋ shu bumo be nli ŋko m puli bumo gba kuraa. Bumo be kebuniana beeŋ dese ŋ ki keji n sa mbuibi nɛ kupuŋ to be asɔbɔya.


Ama naniere, Enyɛnpe Ebɔrɛ, shin nɛ akoŋ a mɔ bumo be mbia ŋko shin nɛ b wu kena to. Kumo e la fanɛ fo shin nɛ benyɛn na e lɔ n wu nɛ mbrantiafɔlbi na malɛ e wu kena to, saŋɛ na so beche na beeŋ paŋ bumo kulana nɛ bumo be mbia.


Ama ma e la Enyɛnpe Ebɔrɛ; Ewura nɛ e kɔ eleŋ ga na. Mee nase kɔnɔ nna fanɛ bedoŋ beeŋ ba kɔ kena m pɔ menyi be ndeana so. Menyi be benapo lempo gba beeŋ wu kena na to.


Loŋ be kachɛ na kaŋ fo bedoŋ beeŋ mɔ mbrantiɛfɔlbi na agbembi so nseŋ mur bumo be benapo kikɛ.


Kashenteŋto, kashenteŋji nɛ Enyɛnpe Ebɔrɛ na bee keni a fin ashi men kutɔ. Mo e daŋ gberge menyi kusoe, ama men maŋ wɔtɔ lakel; e daŋ tintiŋ menyi nɛ men wora kusɔ nɛ k daga, ama men kini kekoya kusɔ ko kumo to. Men daŋ wora menyi be ŋgbene kpakpa nna nseŋ kini kelar menyi be alubi to.


Enyɛnpe Ebɔrɛ, kananɛ fo nya agbo n wɔtɔ Juda be basa na nɛ ma alɛ gba nya agbo ma kagbene to n wɔtɔ bumo. K bee chɔɔ ma kagbene to nɛ m maaŋ naŋ tiŋ ŋ keta kumo gba.” Ndoŋ nna nɛ Enyɛnpe Ebɔrɛ kaŋɛ ma le: “Shin nɛ ma agbo e ba mbia nɛ b wɔ agbembi so nɛ mbifɔlbi nɛ baa shɛr abar so na so. Bedoŋ beeŋ pɛ bekul nɛ bumo be beche kikɛ nɛ basa nɛ b bel ga na n yɔ efuli pɔtɛana so.


Enyɛnpe Ebɔrɛ na teŋ kaŋɛ anyi fanɛ bubuni beeŋ dese kasawule na be kaplɛkama fanɛ b ka ŋele ayu n nase a jo keteŋi, ŋko fanɛ epi ka dese n sɔ kaplɛkama na.”


Ama b kraŋ kini k ba ŋ kutɔ nseŋ bɛta n yɔ Ijipt be efuli so. Naniere, Asiriyaebi e naaŋ baa ji bumo so eleŋ.


Meeŋ ju benapo be katuŋgboŋ, nɛ b shi kelarga to be esoso m ba fanɛ elotɔr na, ashi menyi to n ya lɛ keshishɛrsawule so kiyi to chil. Meeŋ ju bumo be bejuŋkparpoana n yɔ Teku Wuso na to nseŋ shin nɛ bumo be bemantopo na malɛ e yɔ Mɛditerenia be teku to, n ya wu mbɛ a dufɛ.”


meeŋ gberge menyi kusoe. Meeŋ shin nɛ tɔrɔgboŋ e ba menyi so, fanɛ alɔ nɛ a maŋ kɔ kechɛ nɛ ebeldɛ nɛ a beeŋ shin nɛ men tan nɛ menyi be kebaawɔtɔ e ki jiga. Menyi doŋana e naaŋ ji adɔjibi nɛ menyeeŋ dɔ n duu na.


Meeŋ shin bedoŋ e kɔ menyi kena ŋ gberge menyi kusoe ŋkpal men ka wora n da ma nɛ menyi be kɔnɔkoŋwule be ŋkre na so, nseŋ gama abar so ashi menyi be ndegboŋana to a fin kumɔlga menyi be amu so. Ma alɛ beeŋ naaŋ shin nɛ alɔ nɛ a maŋ kɔ kechɛ e tɔr menyi so n nyaŋ menyi nɛ men gbagba a ta menyi be amu m bɔɔ men doŋana enɔ.


Ma e shin nɛ akoŋ tɔr menyi be ndeana kikɛ to, ama amo nɛ amo kikɛ men kraŋ kini kebɛta m ba ma kutɔ.


Enyɛnpetale yɛ: “Nshɛ nɛ baaŋ ba boŋ bɔrɛlambu to na beeŋ kilgi kushu. Bubuni beeŋ dese kaplɛkama nɛ kakpa kikɛ e wora shruum.”


Ma e daa shin nɛ bunyaŋ bee tɔr menyi be adɔjibi so nɛ e bee puu nsaa jija na, ama men kraŋ kini ketuba n lar menyi be alubi to.


Enyɛnpe Ebɔrɛ na malɛ beeŋ naŋ shin nɛ alɔ lubi e tɔr menyi so nɛ menyi maaŋ nya alenfia hale n ya fo fanɛ men kikɛ ka beeŋ mur ashi kasawule nɛ menyee yɔ nɛ men ya chena so na so.


E beeŋ shin nɛ alɔ nɛ a bee suse nɛ asɔ puŋiso nɛ kayurbeldɛ e tɔr menyi so. Kumo be kaman, e beeŋ shin nɛ ewule nɛ afu tushiso a ba mur menyi be adɔjibi kikɛ. Le be aleblawu ere beeŋ baa wɔ menyi so hale n ya fo fanɛ men kikɛ ka beeŋ wu m mur.


Mo alɛ beeŋ naŋ shin nɛ alɔ lubi nɛ men daŋ wu ashi Ijipt be efuli so na e ba menyi so nɛ men maaŋ nya amo be kechɛ.


Enyɛnpe Ebɔrɛ na e naaŋ baa kuŋ menyi ashi alɔ kikɛ to nsaa maŋ shin nɛ alɔ lubi nɛ a daa tɔrɔ menyi ashi Ijipt be efuli so na e ba menyi so, ama e beeŋ shin nɛ a pɛ men doŋana kikɛ.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ