Eemɔs 3:6 - EBƆRƐ BE KAWƆL

⁶ Fo daŋ nu b ka foŋ kena to be kabel kade to nɛ kufu maŋ pɛ basa a? Fo daŋ wu jɛrbi ka ba kade to nɛ Enyɛnpe Ebɔrɛ maŋ nyi kumo be asheŋ a?

Eemɔs 3:6 ပူးပေါင်းရင်းမြစ်များ

Jɛnesis 50:20

Menyi ere daŋ kre ma kulubi nna, ama Ebɔrɛ malɛ ta kumo ŋ ki kelela, saŋɛ na so e beeŋ sɔ basa damta nɛ b wɔ ŋkpa to kabre ere n yige ŋkpal kusɔ nɛ k daŋ wora na so.

2 Bewura 6:33

E kraa malga nna nɛ kabɔ na ba luri ŋ kaŋɛ le: “Enyɛnpe Ebɔrɛ na e bar le be kasogberge ere anyi so. Manɛ nna nɛ an naa jo mo fanɛ e wora kusɔ ko?”

Aizaaya 45:7

Ma e to kefulto nɛ tentembiri kikɛ. Ma e naa nɛfa nseŋ naa bar kumu lubi gboŋgboŋi basa so. Ma, Enyɛnpe Ebɔrɛ na e naa wora ade kikɛ.

Jɛremaya 10:7

Fo e naa ji efuliana na kikɛ so kuwura. Ekama daga fanɛ e maŋkura fo ga nna. Ashi durnya ere to be kaplɛkama, dimɛdi kikɛ maŋ nyi asheŋ a chɔ fo.

Jɛremaya 4:19

Ebesa nɛ k wɔ ma to na shi ga! M maaŋ tiŋ ŋ keta kumo! Ma kagbene bee ku ma alegaiso nna! Ma alɛ maaŋ tiŋ n lo ma kɔnɔ to. Ŋkpal manɛ so, mee nu mbel ka bee shu nseŋ naa nu kena be awɔr nna.

Jɛremaya 4:5

Men foŋ kabel ashi kasawule na kikɛ so! Men ponte awɔrso nɛ k baa nu to nɛnɛ! Men kaŋɛ Juda nɛ Jerusalɛm be basa fanɛ b shile n yɔ ndegboŋ nɛ b pɔr egbal ŋ kulti amo na to.

Jɛremaya 5:22

ma e la Enyɛnpe Ebɔrɛ nɛ a daga fanɛ men baa ta kufu nɛ kechicha chicha a bunyaŋ ma? Ma e ta eshishɛr ŋ kuŋ teku nɛ k maŋ tiŋ n dii amo so. Teku so beeŋ tiŋ ŋ kaa ketili n wora awɔr ga, ama kumo alɛ maaŋ tiŋ n dii eshishɛr na so.

Jɛremaya 6:1

Bɛnjamin be yiri to be basa, men shile m mɔlga menyi be amu. Men ŋana n lar Jerusalɛm be kadegboŋ na to. Men shin nɛ b foŋ kabel ashi kade nɛ baa tre Tekua na to nseŋ puga tɔɔnɛ be edɛ ashi kakpa nɛ baa tre Bɛf Hakkerɛm na nɛ e baa sa basa kubɔya. Ŋkpal manɛ so, jɛrbi gboŋgboŋi nɛ kemur beeŋ shi kelargato be esoso m ba menyi so.

Ezikɛl 33:3

Nɛ e baŋ wu edoŋ ka bee ba nɛ e foŋ kabel nɛ ekama e pin.

Hoziya 5:8

Men foŋ kena to be kabel ŋ kpele Gibia nɛ Raama nɛ Bɛtavɛn be basa kikɛ kusoe, nɛ Bɛnjamin be basa malɛ e bela ase n yɔ kena to!

Eemɔs 3:5

Fo daŋ wu kejigbelɛ ka pɛ kabuibi nɛ manɛ kusɔ ko a yɛr kabuibi na kumo ase a? Fo daŋ wu kejigbelɛ ka to nɛ mannɛ kusɔ ko a tɔr kumo to a?

Zefanaiya 1:16

Kumo alɛ beeŋ naa la kachɛ nɛ kena to be mbel be kushu beeŋ sɔ kaplɛkama nɛ basa e baa boŋ to a cha awɔr ashi ndegboŋ nɛ b pɔr egbalana ŋ kulti nɛ a kɔ mboŋ lempo jeŋgreŋ na kikɛ to.

Zakareya 8:10

Pɔɛŋ nɛ b pɔr bɔrɛlambu na nɛ esa kikɛ daa maa kɔ amansherbi nɛ e tiŋ m ber basa paa ŋko n haya asɔbɔya nɛ b shuŋ n sa mo. Esa kama malɛ daa maa tiŋ a kuŋ mbe kumu ashi mo doŋana be enɔ to. N daŋ shin nna nɛ basa fɛaŋ abar so a wɔtɔ nna.

Ashuŋ Shunso 2:23

Ebɔrɛ gbagba be kasha nɛ kashennyi so nɛ e daŋ yili kumo saŋɛ na kikɛ fanɛ baaŋ ta Yesu m bɔɔ menyi enɔ. Menyi shin nɛ basa lubi gbir mo m mata kedibi largato so m mɔ.

Ashuŋ Shunso 4:28

Kusɔ nɛ fo daŋ nase fanɛ k wora na gbagba chap nɛ b daŋ shɛr n wora. Ŋkpal fo eleŋ nɛ fo kebaasha kumo be loŋ na so e shin nɛ fo daŋ yili kumo loŋ.

2 Kɔrintebi 5:11

Ŋkpal anyi alɛ ka nyi kusɔ nɛ baa tre Ebɔrɛ be kaŋana na so, anyee wora ania nna ga a chɛ basa to nɛ b pin kusɔ nɛ k wɔtɔ. Ebɔrɛ e nyi kananɛ an du nɛnɛ nɛ ma alɛ bee tama fanɛ loŋ nɛ menyi alɛ gba nyi anyi ashi men be ŋgbene to.