Eemɔs 3:10 - EBƆRƐ BE KAWƆL

¹⁰ Enyɛnpe Ebɔrɛ yɛ: “Koyu nɛ kebaa tintiŋ basa a sɔ bumo be asɔ nɛ basa ere bɔla so ŋ gbare asɔ m bɔlɔ ebuana. B maaŋ tiŋ n ji kashenteŋ kikɛ.”

Eemɔs 3:10 ပူးပေါင်းရင်းမြစ်များ

Job be kawɔl 20:21

Jemanɛ nɛ shɛŋ maaŋ naa wɔtɔ nɛ b gbare n sa bumo be amu na, nɛ bumo be kanyɛ kikɛ beeŋ mur.

Nshɛ 14:4

Ama alubiworapo maaŋ koya a? Menyee suge ma basa nna a ji, nsaa kini kekule Ebɔrɛ.

Aŋasa 1:13

An wora loŋ anyeeŋ nya yawukpakpaso be asɔ lela be yiri yiri, nɛ an be ebuana e bɔlɔ asɔ nɛ an suge fanɛ b ka kɔ kena n suge asɔ na.

Aŋasa 11:16

Eche nɛ e bee bugi enɔ a kɛ bee nya kemaŋkura nna, ama eche nɛ e maŋ kɔ da bre bee bar anishinyɔr nna. Etɔlpo maaŋ dii dama kikɛ, ama basa nɛ baa pere kenishi a shuŋ bre beeŋ dii dama.

Aŋasa 28:5

Belubiworapo maŋ nyi kananɛ baa wora asheŋ nɛ amo be ekpa so, mannɛ aloŋ nɛ bumo nɛ baa ŋana Enyɛnpe Ebɔrɛ bre du.

Kaŋinichiŋgeliŋ 4:1

Ade kikɛ be kaman nɛ n naŋ keni n wu fanɛ keji asheŋ nɛ amo be ekpa so maŋ naa wɔ durnya to. Basa nɛ b wɔ kamɛaŋ to na bee shu anishichubi nɛ esa kama maa chɛ bumo to, ŋkpal basa nɛ baa mɛaŋ bumo na ka kɔ eleŋ a chɔ bumo so.

Jɛremaya 4:22

Ndoŋ nna nɛ Enyɛnpe Ebɔrɛ na kaŋɛ le: “Ma basa maŋ kɔ nfɛra, bumo alɛ maŋ naa nyi ma. B du fanɛ mbia wulpo nɛ b maa pin asheŋ to nna. Asheŋ lubi be kebaawora nɛ b nyi ga, ama asheŋ lela bre b maŋ nyi amo be kewora.”

Jɛremaya 5:4

Kumo be kaman nɛ le be nfɛra ba ma to: “Basa ere la betirpo nna nsaa maŋ nyi shɛŋ. Baa wora asheŋ kawuli so nna. B maŋ nyi kusɔ nɛ bumo be Ebɔrɛ bee sha, ŋko kusɔ nɛ Enyɛnpe Ebɔrɛ na bee sha fanɛ b baa wora.

Ezikɛl 18:7

Amodoŋwura malɛ maa puni ŋko a suge esa, mo alɛ maa sɔ tarma pɔɛŋ nseŋ sa esa mpaŋ. Ade be kaman mo alɛ naa chɛ betirpo to a sa bumo ajibi nɛ asɔbuuso.

Ezikɛl 22:29

Basa na baa wɔ kapuni nɛ kasuge be kebaawɔtɔ to nna. B wɔtɔ nna a kɔrfɛ betirpo nsaa puni befɔ, a mɔn bumo kashenteŋ ashi demuji to.

Ezikɛl 8:17

Nɛ Enyɛnpe Ebɔrɛ na kaŋɛ ma: “Dimɛdi pibi, fo wu kede a? Fo tama fanɛ k la kusɔ fɔmbi nna fanɛ Juda be basa ere kaa beeŋ baa wora asheŋ lubi lubi ere ashi nfe a? A daga fanɛ b baa ta akɔsɔ a kɔ a fin bumo be kepar tintiŋ so kaplɛkama a wora asheŋ nɛ a bee wɔtɔ ma agbo to jemanɛ kikɛ a? Keni kananɛ b ŋaba ma nsaa tege ma ekpa nɛ esa kikɛ maŋ naŋ ŋaba ŋko n tege ma loŋ.

Hoziya 7:1

Saŋkama nɛ m baa sha keta ma basa nɛ b wɔ Israɛl be efuli so nɛ Samɛria be kade to be alubi m paŋ bumo nseŋ nɛfa bumo, kusɔ nɛ mee wu bumo to e la asheŋ lubi. B wɔtɔ nna a puni abar, nsaa bure elaŋana a luri to a yuri nsaa suge basa be asɔ ashi ekpaana to.

Eemɔs 4:1

Men nu nfe, menyi Samɛria be beche nɛ men danto durfɛ durfɛ fanɛ Bashan be efuli so be ana nɛ baa ji a moɛ ga na. Menyi e naa mɛaŋ betirpo nɛ betentaŋasepo nsaa nyaŋ menyi kulana fanɛ b baa sa menyi nsa na!

Eemɔs 5:7

Menyeeŋ mur cheche, ŋkpal manɛ so menyee kilgi kashenteŋ nna a buu nsaa wɔtɔ a puni basa!

Eemɔs 6:12

Egbaŋɛ beeŋ tiŋ n shile afalta so manaŋ manaŋ a? Ŋko anafɛlso beeŋ tiŋ n dɔ teku to a? Ama menyi ere ta keji asheŋ nɛ amo be ekpa so ŋ kilgi kɔrtɔ nseŋ ta ekpa niŋiso malɛ ŋ ki ekpa kɔnto.

Eemɔs 6:3

Men kini keshuli fanɛ demuji be kachɛ na beeŋ ba, ama menyi be asheŋ woraso e naa ŋini fanɛ kachɛ na gba tiŋ n taga to.

Eemɔs 6:8

Le nɛ Enyɛnpetale Ewurgboŋ na kaŋɛ kenishipereso: “Israɛl be basa be kamoowu nɛ b kɔ na be asheŋ bee nu ma agbo alegaiso. Ŋ kishi bumo be nwu gboŋgboŋi nɛ b pɔr na ga. Ma alɛ beeŋ ta bumo be kadegboŋ na nɛ kusɔ kama nɛ k wɔ kumo to n sa bumo doŋana.”

Maika 6:10

Kayu be asɔ nɛ men ta m bɔlɔ ebuana n yili nseŋ ta kapuni be ekurwa nɛ ŋ kishi amo be asheŋ ga na a ber asɔ.

Zefanaiya 1:9

Meeŋ gberge bekama nɛ baa shuŋ nnyamase be agbir nɛ bekama nɛ baa yuri nsaa mɔ basa a sɔ asɔ a bɔlɔ bumo be agbir be ebuana na kusoe.

2 Pita 3:5

Ama le be basa ere bee kute nna a kini kepin fanɛ dra na Ebɔrɛ daŋ malga nna nɛ esosoana nɛ kasawule daŋ fara kebaawɔtɔ. Nchu nɛ e daŋ ta nseŋ naŋ bɔla amo so ŋ jɔŋɛ kasawule.