Eemɔs 2:4 - EBƆRƐ BE KAWƆL

⁴ Enyɛnpe Ebɔrɛ yɛ: “Juda be basa wora alubi n ya baŋ so, amoso abaanaaworashɛŋ meeŋ gberge bumo kusoe. B kplaŋ ma keŋini so nseŋ kini kebɛ ma mbra malɛ so. Agbir koŋwule nɛ bumo nananyɛnana daa shuŋ na e fule bumo nɛ b foe ekpa.

Eemɔs 2:4 ပူးပေါင်းရင်းမြစ်များ

2 Bewura 17:19

Judaebi na gba daa maŋ naa bɛ Enyɛnpe bumo be Ebɔrɛ na be mbra so nɛnɛ. Kusɔ nɛ Israɛlebi na daŋ wora na gbagba nɛ bumo alɛ gba daa wora.

2 Kronikɛls 25:14

Ewura Amaziya ka ya kɔ m pɔɔ Edɔmebi na so na nɛ e ta bumo be agbir m ba yili ŋ ki mbe agbir nsaa shuŋ amo a lara sarga a sa amo.

2 Kronikɛls 30:7

Menyi ere e sa maŋ kaŋ ki fanɛ men nananyɛnana nɛ men braana Israɛlebi nɛ b daa maŋ ji kashenteŋ n sa Enyɛnpe bumo be Ebɔrɛ na. Men gbagba wu kananɛ e gberge bumo kusoe alegaiso.

Nehemaya 1:7

Anyi alɛ maŋ naŋ wora fo mbra nɛ fo ta n sa an nananyɛn Mosis fanɛ e ta n sa anyi na gba kasonu.

Nehemaya 9:26

Ade kikɛ be kaman b kraŋ lar fo kaman nseŋ kini kewora fo mbra kasonu. B daŋ mɔ fo anebiana nɛ b daŋ kpele bumo kusoe fanɛ b bɛta m ba fo kutɔ na nna. Kumo be kaman nɛ b shoduu fo ketre.

Aizaaya 28:15

Menyee ka kaŋɛ fanɛ menyi ere nɛ luwu wora kɔnɔ nna, nɛ menyi nɛ basa nɛ b wu n yɔ bubuni to be nnɔ wora kukoŋwule. Men yirda fanɛ jɛrbi kama nɛ k beeŋ ba maaŋ wora menyi shɛŋ ŋkpal efɛ nɛ kafule be kebaawɔtɔ nɛ men wɔtɔ na so.

Aizaaya 44:20

Esa nɛ e bee shuŋ agbir baa du fanɛ esa nɛ e bee muu nsunɔ a ji nna. Mbe kawulisheŋ na fule mo nna nɛ e ta mbe kumu n wɔtɔ kebaawɔtɔ ko to nɛ esa maaŋ naŋ tiŋ n chɛ mo to na. Ŋkpal manɛ so, e maaŋ shuli fanɛ kegbir nɛ e bee shuŋ na maŋ la Ebɔrɛ kikɛ.

Jɛremaya 16:11

Saŋɛ na so feeŋ kaŋɛ bumo fanɛ Enyɛnpe Ebɔrɛ na kaŋɛ. E yɛ: ‘Men nananyɛnana daŋ lar ma kaman nna nseŋ ya kaa shuŋ nsaa bunyaŋ agbir pɔtɛana. B daŋ kini ma n lɛ nsaa maŋ naa bɛ ma mbraana so. Bumo alɛ daa maŋ naa wora ma keŋini kasonu.

Jɛremaya 16:12

Ama menyi ere wora asheŋ lubi nɛ a chɔ men nananyɛnana peya. Menyi kikɛ be ŋgbene du kpakpa nna nseŋ lubi. Menyi alɛ maa nu a sa ma.

Jɛremaya 17:27

Ama a daga fanɛ b baa wora ma kasonu nsaa ta ma kewushiachɛ na fanɛ kachɛ cheembi nsaa maa sulɔ asɔ a bɔla Jerusalɛm be mbunagboŋana na to a luri a lar loŋ be kachɛ na. Nɛ b kini nseŋ wora loŋ, meeŋ shin nɛ Jerusalɛm be mbunagboŋana na e ji edɛ. Jerusalɛm to be ewurkpaana beeŋ ji edɛ n tɔr nɛ esa kikɛ maaŋ tiŋ n duŋ edɛ na.”

Jɛremaya 6:19

Bumo be ashiri to be ŋkre na so, meeŋ shin nɛ jɛrbi gboŋgboŋi e ba bumo so, nɛ k baa la kasogberge n sa bumo ŋkpal b ka kini ma keŋini nsaa maŋ wora ma mmalga kasonu so.

Jɛremaya 8:2

Awibi na beeŋ baa dese nɛ epeŋi nɛ kufɔl nɛ achɛkpabi nɛ baa sha ga nseŋ ta amo ŋ ki agbir a shuŋ na kikɛ e baa nyaŋɛ a yuu amo so. Esa kama maaŋ gama amo abar so ŋko n laŋɛ amo m puli. E beeŋ baa dese kasawule fanɛ epi nna.

Jɛremaya 8:9

Menyi be benyiashempo ka kini ma, Enyɛnpe Ebɔrɛ na be kamalga so, baaŋ ji anishinyɔr nseŋ wulto to e maaŋ naa nyi asheŋ.

Jɛremaya 9:14

Ama b wora bumo be ŋgbene kpakpa nna nseŋ daŋ shuŋ agbirana nɛ baa tre Baal na fanɛ kananɛ bumo nanaana ŋini bumo na.

Ezikɛl 13:22

Men bɔla efɛ so n shin nɛ basa lela nɛ m maŋ kre ketɔrɔ bumo pɔ aba nseŋ kuŋ basa lubi ekpa nɛ b maŋ lar bumo be asheŋ lubi to m mɔlga bumo be amu.

Ezikɛl 20:13

Ama Israɛl be basa na lar ma kaman keshishɛrsawule na so ndoŋ, nseŋ kini kebɛ ma mbraana nɛ keŋini nɛ a bee shin nɛ esa bee bii kebaawɔtɔ lela na so. Bumo alɛ nseŋ keni ma Kewushiachɛ na jiga. Amoso nɛ n daŋ kaŋɛ fanɛ meeŋ shin nɛ ma agbo e ba bumo so nɛ m mur bumo ashi keshishɛrsawule na so na.

Ezikɛl 20:16

Ŋkpal manɛ so, b kini kebɛ ma mbraana nɛ ma keŋini so nseŋ keni ma Kewushiachɛ na jiga, nɛ bumo be ŋgbene kikɛ malɛ daa wɔ bumo be agbirana na so a chɔ ma.

Ezikɛl 20:18

Kusɔ nɛ n daŋ wora e la fanɛ, n daŋ fɛa bumo be mbifɔlbi nɛ b daa wɔ bumo to na so nna, fanɛ b sa maŋ kaŋ kute bumo tutoana to m bɔla agbirana so n jija bumo be amu.

Ezikɛl 20:24

Ŋkpal manɛ so, b daŋ kini kebɛ ma mbraana nɛ atande so nsaa maŋ ta ma Kewushiachɛ na n tre sheŋ nna. Bumo tutoana be agbirana e daŋ bɔlɔ bumo kenishi ga nɛ b daa shuŋ amo.

Ezikɛl 20:30

Amoso kaŋɛ Israɛl be basa na fanɛ kusɔ nɛ Enyɛnpetale Ebɔrɛ bee bishi e la fanɛ, manɛ e baa nɛ menyeeŋ jija menyi be amu nɛ kebaawɔtɔ fanɛ kananɛ men tutoana daŋ wora na nsaa shuŋ bumo be agbirana nɛ amo be asheŋ bee nu agbo na?

Ezikɛl 22:28

Nɛ bumo be anebiana malɛ bee bɔla efɛ be ebɔrɛdare nɛ kafule be kewuŋkaŋɛ so a da a buu le be asheŋ lubi ere so fanɛ b ka ta asɔ fuful n nyɔɔ egbal na. Ma, Enyɛnpe Ebɔrɛ na maŋ malga bumo kutɔ, ama baa ku efɛ a kaŋɛ fanɛ b nya kubɔya ashi ŋ kutɔ nna.

Ezikɛl 22:8

Menyi maa sa mboŋ cheembi na bunyaŋ. Menyi alɛ maa bɛ ma kewushiachɛ na so.

Hoziya 12:2

Enyɛnpe Ebɔrɛ kɔ asheŋ ko nɛ e malga ŋ gbiti Judaebi. E beeŋ gberge bumo kusoe ŋkpal kusɔ nɛ b wora so.

Hoziya 12:3

Bumo nananyɛn Jeekɔb nɛ mo da Isɔɔ nɛ b daa la mborobi na daŋ kɔ emaŋ nna ashi bumo nio be epunto. Ama Jeekɔb ka ba daŋ nɛ mo nɛ Ebɔrɛ

Hoziya 6:11

Ama ŋ kɔ kachɛ nɛ meeŋ gberge menyi Juda be basa bre kusoe, ŋkpal kusɔ nɛ menyee wora na so.”

Eemɔs 1:3

Enyɛnpe Ebɔrɛ na yɛ: “Damaskɔs be basa wora alubi n ya baŋ so. Amoso a ba naa wora shɛŋ, meeŋ gberge bumo kusoe ŋkpal b ka kɔrfɛ Giliad be basa fanɛ kananɛ gbaŋɛ bee gberge ŋgbuliŋ nyɛrɛnyɛrɛ a bri ayu na so.

Eemɔs 3:2

Enyɛnpe Ebɔrɛ yɛ: “Menyi nawule nɛ n lara ashi efuliana kikɛ so fanɛ men baa la meya, amoso nɛ meeŋ gberge menyi kusoe alegaiso ŋkpal menyi be alubi so na.”

Maika 6:12

Damawuraana na bee puni betirpo nna nɛ ekama malɛ bee ku efɛ.

Habakuk 2:18

Kegbir maŋ kɔ tɔnɔ kikɛ. Dimɛdi e pɔr ŋko n shɛl kumo. Efɛsheŋ nawule nɛ k bee ŋini. Nɛ manɛ so nɛ menyee yirda kusɔ nɛ b ta kebɛlso ŋko kedibi n lɔŋɛ nɛ k maa malga?

Romebi 1:25

Kashenteŋ be mmalga nɛ a bee kute Ebɔrɛ be asheŋ na nɛ b kɔ a chɛr efɛ be mmalga a wɔtɔ a bunyaŋ nsaa shuŋ Ebɔrɛ be asɔtoso nsaa yige amo be Etopo na bre, emo nɛ e daga epaŋ be kedi hale mbaanaayɔ na. Amɛn.

1 Tɛsalɔnikaebi 4:8

Amoso, ekama nɛ e kini keŋini ere, mannɛ nyiŋgbasa nɛ e kini, ama Ebɔrɛ nɛ e bee sa menyi mbe Kiyoyu na nɛ e kini.

1 Pita 1:18

Ŋkpal manɛ so, men nyi fanɛ mannɛ asɔ nɛ a beeŋ tiŋ n jija fanɛ egbiti nɛ eshuwa nɛ b daŋ ta n sɔ menyi ashi men be kebaawɔtɔ fuloŋ mo nɛ men nya ashi men nanaana kutɔ na n yige.

Demujipoana 10:6

Nɛ Israɛlebi na naŋ wora alubi ŋ gbiti Enyɛnpe Ebɔrɛ na nseŋ daa shuŋ Baal nɛ kegbir cheso nɛ baa tre Ashtɔrɛf na nɛ Siriya be efuli so be agbir nɛ Sidɔn be efuli so be agbir nɛ Mowab be agbir nɛ Ammɔnebi be agbir nɛ Filistiebi be agbir. B daŋ kplaŋ Enyɛnpe Ebɔrɛ na so nna nseŋ yige kebaashuŋ mo.