Eemɔs 2:14 - EBƆRƐ BE KAWƆL

¹⁴ Basa nɛ baa shile ga gba maaŋ tiŋ n shile n sɔ bumo be amu. Belempo beeŋ paŋ bumo be eleŋ nɛ benapo gba e mɔlga bumo be amu ŋ gben.

Eemɔs 2:14 ပူးပေါင်းရင်းမြစ်များ

Job be kawɔl 11:20

Ama basa lubi bre beeŋ paŋ tama nseŋ fo akpa. Bumo be tama kikɛ beeŋ baa la luwu nna.”

Nshɛ 33:16

Mannɛ ewura be benapo be eleŋ so, nɛ e bee tiŋ a kɔ a pɔɔ so. Mannɛ benapo gba be eleŋ so, nɛ baa tiŋ a kɔ kena a pɔɔ so.

Kaŋinichiŋgeliŋ 9:11

N daŋ naŋ wu kusɔ ko malɛ gba durnya to n ti so. Kumo e la fanɛ, mannɛ basa nɛ baa shile ga e naa tiŋ a ji kɔŋkɔŋ ŋko belempo e naa tiŋ a kɔ a pɔɔ so jemanɛ kikɛ. Mannɛ kanyiasheŋ ŋko kenyi be ga e naa bar ajibi ŋko kedamaya ŋko ketregboŋ. Kumu lubi malɛ wɔtɔ nna n sa ekama.

Jɛremaya 25:35

Kakpa kikɛ maaŋ baa wɔtɔ nɛ menyi bejuŋkparpoana ere e shile n ya ŋana.

Jɛremaya 39:4

Ewura Zɛdikaya nɛ mbe esoji ka wu kusɔ nɛ k bee wora na nɛ b wora ania fanɛ baaŋ lar kadegboŋ na to kanyɛso n shile m mɔlga bumo be amu. Ewura be kudɔbi na to nɛ b daŋ bɔla n ya bɔla kabunabi nɛ k daa wɔ kadegboŋ na be egbal anyɔ na be nferinto na to n sɔ ekpa nɛ k bee yɔ Jɔɔdan be Lɔrgboŋ na be ketaŋɛ to be kaba so na a shile a mɔlga bumo be amu.

Jɛremaya 9:23

Kumo be kaman nɛ Enyɛnpe Ebɔrɛ na naŋ kaŋɛ le: “Benyiashempo e sa maa puchi bumo be kanyiasheŋ so, ŋko belempo e sa maa puchi bumo be eleŋ so, ŋko damawuraana e sa maa puchi bumo be kedama so.

Eemɔs 5:9

Mo e naa mur benapo lempo nɛ nde nɛ b pɔr egbal ŋ kulti na kikɛ.