Eemɔs 2:11 - EBƆRƐ BE KAWƆL

¹¹ Ma e lara men be mbinyɛnsobi ko ŋ ki anebiana, nseŋ lara menyi b mbrantiafɔlbi ko malɛ nɛ b ki Nazarinebi. Israɛlebi, manɛ kashenteŋ nna a? Ma Enyɛnpe Ebɔrɛ e malga na.

Eemɔs 2:11 ပူးပေါင်းရင်းမြစ်များ

1 Bewura 17:1

Anebi Elaija nɛ e shi Tishbe nɛ k wɔ Giliad be kasawule so na daŋ yɔ ewura Ahab kutɔ kachako nna n ya kaŋɛ mo le: “Enyɛnpe nɛ e la Israɛl be Ebɔrɛ nsaa wɔ ŋkpa to saŋkikɛ nɛ mee shuŋ na be ketre to nɛ mee kaŋɛ na fanɛ bɔrɛ ŋko bunyaŋ maaŋ tɔr n ya fo nfɛnyɔ ŋko nfɛ asa ama ma e baŋ kaŋɛ k ba pɔɛŋ nɛ k ba.”

1 Bewura 18:4

amoso Jɛzebel ka daa mɔ Enyɛnpe Ebɔrɛ be anebiana na, Obadaya e daŋ ta bumo be basa kalfa n ya ŋana abeelaŋ anyɔ to nsaa sa bumo ajibi nɛ nchu ndoŋ. E daŋ barga bumo to basa adununu nna n wɔtɔ kebeelaŋ kama to.

1 Bewura 19:16

Kumo be kaman nɛ fo yɔ Israɛl be efuli so n ya duga ŋku n do Nimshi pibinyɛn Jehu gba so m buu mo Israɛl be efuli so be kuwura, nseŋ naŋ duga ŋku n do Shafat pibinyɛn Elaisha nɛ e shi Abel Mahola na be kumu so saŋɛ na so fo luwu be kaman e beeŋ sɔ fo so ŋ ki anebi.

1 Bewura 20:13

Loŋ be jemanɛ nɛ anebi ko yɔ ewura Ahab kutɔ n ya kaŋɛ mo le: Enyɛnpe yɛ: “Men sa maa lɔ kufu ŋkpal benapo damta nɛ b kɔ ere so. Meeŋ shin nɛ men kɔ m pɔɔ bumo so, saŋɛ na so menyeeŋ pin fanɛ ma e la Enyɛnpe Ebɔrɛ na kashenteŋto!”

1 Bewura 20:35

Loŋ be jemanɛ na so nɛ Enyɛnpe Ebɔrɛ kaŋɛ anebi ko fanɛ e kaŋɛ mo barkasa le: “Ŋmɛa ma.” Nɛ anebi na kini.

1 Bewura 20:41

Ndoŋ nna nɛ anebi na bugi kechɛbi nɛ k buu mbe anishi so na, nɛ ewura na pin epul na to fanɛ anebiana na be eko e la mo.

1 Bewura 22:8

Nɛ ewura Ahab kaŋɛ le: “Ekoŋwule ko kraa wɔtɔ nɛ anyeeŋ tiŋ n wu mo, mo e la Imla pibinyɛn Mikaya ama ŋ kishi mbe asheŋ ga ŋkpal manɛ so kusɔ kama nɛ e wu ŋ kaŋɛ ma maa walɛ.” Nɛ Jehoshafat kaŋɛ: “Sa maŋ kaŋ kaŋɛ loŋ!”

2 Bewura 17:13

Amoso Enyɛnpe Ebɔrɛ daŋ shuŋi mbɔ nɛ anebiana nna fanɛ b ya kpele Israɛl nɛ Juda be efuli so ebi na kusoe. E yɛ: “Men yige men be asheŋ lubi na be kebaawora, nseŋ bɛ ma mbra nɛ ma keŋini so. N ta amo nna n sa men nananyɛnana nseŋ kaŋɛ ma anebiana nɛ ma nyɛrbiana fanɛ b ta amo n sa menyi alɛ gba.”

2 Bewura 6:1

Kachako nɛ anebiana be katuŋ nɛ Elaisha bee keni so na fubel ŋ kaŋɛ mo le: “Kakpa nɛ anyi nɛ fo bee shɛr ere du fimbi ga!

2 Kronikɛls 36:15

Enyɛnpe Ebɔrɛ nɛ e la bumo nananyɛnana be Ebɔrɛ na daa shuŋi anebiana nna, nɛ baa kpele bumo kusoe ŋkpal e ka daa maa sha kemur mbe basa nɛ mbe bɔrɛlambu nɛ e wɔ kumo to na so.

Jɛremaya 11:21

Anatɔf be kade to be basa daa sha kemɔ ma nna, nseŋ fiɛ ma so ŋ kaŋɛ fanɛ n yige kebaabɔ Enyɛnpe Ebɔrɛ na be kubɔya, nɛ mannɛ aloŋ baaŋ mɔ ma.

Jɛremaya 2:31

Israɛl be basa, men nu kusɔ nɛ mee kaŋɛ ere. N daŋ kini menyi n lɛ ashi keshishɛrsawule so ŋko n shin nɛ men nite tentembiri to nna a? Nɛ mannɛ a ba nɛ menyee kaŋɛ fanɛ menyeeŋ baa wora menyi be kepar nsaa maaŋ naŋ bɛta m ba ma kutɔ?

Jɛremaya 2:5

E yɛ: “Men nananyɛnana daa maŋ wu ma kulubi kikɛ, ama b daŋ lar ma kaman nseŋ shuŋ agbir nɛ e maŋ kɔ tɔnɔ nseŋ ki basa nɛ b maŋ kɔ tɔnɔ n sa ma.

Jɛremaya 26:11

Kumo be kaman, nɛ bɔrɛmatapoana na nɛ anebiana na kaŋɛ bejuŋkparpoana na nɛ basa na kikɛ le: “Kanyɛn ere daga luwu nna ŋkpal e ka malga ŋ gbiti kadegboŋ na nseŋ kaŋɛ fanɛ k beeŋ mur so. Men gbagba nu kusɔ nɛ e kaŋɛ.”

Jɛremaya 7:25

Yili jemanɛ nɛ men nananyɛnana lar Ijipt be efuli so m ba fo kabre, ŋ kraa shuŋi anebiana nɛ b la ma mbɔ men kutɔ nna.

Nfabel 4:7

Anyi be benimuana be ŋgbene daŋ fuli nna parr fanɛ ateebi; b daŋ maŋ kɔ saŋgre kikɛ bumo to. Bumo alɛ daa kɔ eyur be alenfia, a walɛ eyurto nɛnɛ nsaa kɔ kuwibi to be eleŋ ga, a walɛ eyur so nna.

Maika 2:6

Basa wɔtɔ nna a malga a gbiti ma a kaŋɛ le: “Sa maa bɔ le be abɔrɛsheŋ be kubɔya a sa anyi ere. Sa maa malga a laŋɛ amo be kaplɛa so gba kuraa. Anyi maaŋ ŋaba kikɛ.

Ashuŋ Shunso 4:18

Ndoŋ nna nɛ b naŋ tre Pita nɛ Jɔn m ba ndoŋ m ba kaŋɛ bumo fanɛ b sa maŋ kaŋ naŋ malga ŋko ŋ ŋini basa Yesu be asheŋ kikɛ.

Ashuŋ Shunso 5:28

“An fiɛ menyi so fanɛ men sa maŋ kaŋ ta kanyɛn na be ketre ŋ ŋini esa kusɔ kama, ama men keni kusɔ nɛ men wora. Menyi shin nɛ menyi be keŋini ere sɔ Jerusalɛm ere to kikɛ a sha keta kanyɛn na be luwu na be turju n deŋi anyi.”

Ashuŋ Shunso 7:51

Men kɔ amu kpakpaso ga. Menyi be ŋgbene du fanɛ nnyamase peya nna, men maŋ kɔ Ebɔrɛ be kubɔya na be asoe. Menyi nɛ men nanaana baa la kukoŋwule nna. Menyi alɛ gba maa nu a sa Kiyoyu Cheeŋ na.

Ditɛronɔmi 18:18

Amoso meeŋ shuŋi anebi ko nɛ e du fanɛ fo nseŋ shi bumo gbagba be basa to nɛ e ba bumo kutɔ. Ma alɛ beeŋ baa ta ma kubɔya a sa mo nɛ mo alɛ e baa kaŋɛ bumo kusɔ kama nɛ ŋ kaŋɛ mo na gbagba chap.

1 Samuɛl 19:20

nseŋ shuŋi basa fanɛ b ya pɛ Deevid m ba. Basa na ka yɔ Raama nɛ b ya wu anebiana be katuŋ ko nɛ bumo nɛ Samuɛl nɛ e la bumo kikɛ be enimu na bee wu abɔrɛsheŋ a malga. Ndoŋ nna nɛ Ebɔrɛ be kiyoyu na ba luri Sɔɔl be basa na gba to nɛ bumo alɛ gba fara a wu asheŋ a malga.

1 Samuɛl 3:20

Amoso baŋ yili Dan be kade to be kelargato be esoso n ya fo Bɛshiba be kade to be kelargato be kaseto kikɛ Israɛl be basa daŋ pin fanɛ Samuɛl la Enyɛnpe Ebɔrɛ na be anebi nna.