Eemɔs 1:6 - EBƆRƐ BE KAWƆL

⁶ Enyɛnpe Ebɔrɛ yɛ: “Gaaza be basa wora alubi n ya baŋ so. Amoso a ba naa wora shɛŋ, meeŋ gberge bumo kusoe ŋkpal b ka ta efuli lelemu be basa ŋ ki anya n ya fa n sa Edɔmebi so.

Eemɔs 1:6 ပူးပေါင်းရင်းမြစ်များ

Jɛremaya 47:1

Pɔɛŋ nɛ Ijipt be ewura ya kɔ kade nɛ baa tre Gaaza na kena, Enyɛnpe Ebɔrɛ na daŋ kaŋɛ ma nna fanɛ ŋ kaŋɛ Filistiebi na le.

Ezikɛl 35:5

Ŋkpal manɛ so, dra dra kikɛ nɛ menyi Edɔm be basa ta Israɛl be basa ŋ ki men doŋana nseŋ kpal loŋ so n shin nɛ b wu ga jemanɛ nɛ b nya bumo be alubi be kasogberge na.

Jowɛl 3:4

Tayaebi nɛ Sidɔnebi, nɛ menyi kama nɛ men wɔ Filisti be nsawule so na kikɛ; manɛ nɛ menyee sha kewora ma ere? Menyee sha kewora ma n tal to nna ŋko? To, nɛ k la loŋ bre, meeŋ juŋkpar n wora menyi pɔɛŋ nɛ men nya ekpa n wora ma n tal to.

Jowɛl 3:6

Men ta Juda be efuli so ebi nɛ Jerusalɛmebi n lar bumo gbagba be efuli so n yɔ kufɔ kufɔ n ya fa n sa Griik be efuli so ebi.

Eemɔs 1:11

Enyɛnpe Ebɔrɛ yɛ: “Edɔm be basa wora alubi n ya baŋ so. Amoso abaanaaworashɛŋ meeŋ gberge bumo kusoe. B ju m buu bumo kurgepoana Israɛlebi so n ya mɔ bumo. B daŋ maŋ wu bumo kuwɔr ŋkpal bumo be asheŋ ka daa pɛ bumo agbo nɛ b nya agbo n wɔtɔ bumo ga so.

Eemɔs 1:3

Enyɛnpe Ebɔrɛ na yɛ: “Damaskɔs be basa wora alubi n ya baŋ so. Amoso a ba naa wora shɛŋ, meeŋ gberge bumo kusoe ŋkpal b ka kɔrfɛ Giliad be basa fanɛ kananɛ gbaŋɛ bee gberge ŋgbuliŋ nyɛrɛnyɛrɛ a bri ayu na so.

Eemɔs 1:7

Meeŋ shin nɛ edɛ e ba chɔɔ Gaaza be kade to be kumɔlga be mboŋ lempo nɛ a wɔ egbal nɛ b pɔr ŋ kulti kade na so na kikɛ cheche.

Eemɔs 1:9

Enyɛnpe Ebɔrɛ yɛ: “Tayɛ be basa wora alubi n ya baŋ so, amoso a ba naa wora shɛŋ, meeŋ gberge bumo kusoe. M maaŋ yige bumo kikɛ. B kplaŋ bumo be keteri be kɔnɔkoŋwule nɛ b nase n sa abar na be ŋkre so, nseŋ pɛ efuli lelemu be basa n yɔ Edɔm be kasawule so n ya fa.

Obadaya 1:11

Kachɛ nɛ bedoŋ nɛ b la befɔ daŋ ba bɔla Jeekɔb be kanaŋ to ebi be mbuna to n luri Jerusalɛm to m muu bumo be asɔ kikɛ nseŋ to beri m barga amo to n sa abar na men daa yil jiga a keni bumo. Amoso menyi alɛ gba daa du fanɛ bedoŋ na nna na.

Zakareya 9:5

Filisti be efuli so be basa nɛ b wɔ kade nɛ baa tre Ashkɛlɔn na beeŋ wu kusɔ nɛ k wora na nɛ kufu e pɛ bumo nɛ ebesa damta e ji basa nɛ b wɔ Gaza be kadegboŋ to na. Aloŋ e naŋ wora Ekrɔn be kadegboŋ to ebi gba. Bumo be tama beeŋ loge, ŋkpal b ka nyi fanɛ bumo alɛ gba beeŋ kɔ n tɔr so. Gaza beeŋ paŋ kumo be ewura nɛ Ashkɛlɔn e ki kade bureso a dese fuloŋ.

Ashuŋ Shunso 8:26

Nɛ Enyɛnpe be malaika ko kaŋɛ Filip: “Ta a ba kapaso, bela ase ŋ koso n yɔ ekpa nɛ k shi Jerusalɛm a yɔ Gaaza na.” Basa maŋ naa nite ekpa na so ga.

1 Samuɛl 6:17

Asɔ anu nɛ Filistiebi na ta shuwa n lɔŋɛ nɛ a du fanɛ achuubɔbɔ nɛ b ta n ti ŋkre be deka na so n yɔ Bɛf Shimɛsh na be kekama daŋ yili nna a ŋini bunyaŋ nɛ Filistiebi be nde nɛ baa tre Ashdɔd nɛ Gaaza nɛ Ashkɛlɔn nɛ Gaaf nɛ Ekrɔn na kɔ a sa Enyɛnpe Ebɔrɛ.