Eemɔs 1:5 - EBƆRƐ BE KAWƆL

⁵ Meeŋ bure kadegboŋ nɛ baa tre Damaskɔs na be mbunagboŋana na to kpachɛrkpachɛrbi nseŋ mur basa nɛ b wɔ Avɛn be kepla so na nɛ Bɛfadɛn be ejuŋkparpo na. Nseŋ shin nɛ b pɛ Siriya be basa fanɛ basa nɛ b ti ebu na n yɔ Kiir be efuli so kufɔ kufɔ.” Ma Enyɛnpe Ebɔrɛ na e malga na!

Eemɔs 1:5 ပူးပေါင်းရင်းမြစ်များ

2 Bewura 14:28

B sibɛ kusɔ kama nɛ ewura Jeroboam nyɔsopo daŋ wora nɛ ana nɛ e kɔ nɛ kananɛ e naŋ laŋɛ n sɔ Damaskɔs nɛ Hamaf n ti Israɛl be efuli so na kikɛ n wɔtɔ Israɛl be bewura be adrasheŋ be nwɔl to.

2 Bewura 16:9

Tiglaf Pilesa ka nu Ahaz be baru na, nɛ e shin nɛ mbe benapo ya kɔ Damaskɔs kena n sɔ kumo nseŋ mɔ ewura Reezin gba, nseŋ pɛ ndoŋebi n ya ti ebu ashi Kiir.

Aizaaya 22:6

Benapo shi Elam be kasawule so ŋ keta bumo be ata nɛ atanyembi nseŋ dii egbaŋɛ nɛ beko malɛ shi Kir be kasawule so ŋ keta bumo be abɛlso be asɔ kuŋamuso m ba.

Aizaaya 43:14

Kusɔ nɛ Enyɛnpe, Israɛl be Ebɔrɛ cheembi nɛ e mɔlga bumo na kaŋɛ nde: “Meeŋ shuŋi benapo ko nɛ b ba kɔ Babilɔn be efuli so be basa kena nseŋ mɔlga menyi. Ma alɛ beeŋ buri kadegboŋ na be mbunagboŋ to, nseŋ shin nɛ benapo na e ta Babilɔn be basa n wɔtɔ bumo gbagba be ekuloŋgboŋ to n sulɔ bumo a yɔ nɛ b baa boŋ to a shu.

Aizaaya 8:4

pɔɛŋ nɛ kebia na e daŋ m pin ketre, m ma ŋko n tuto na, Asiriya be efuli so be ewura beeŋ ba kɔ n suge kusɔ lela nɛ k kɔ tɔnɔ kikɛ ashi Damaskɔs nɛ Samɛria n yɔ Siriya be efuli so.”

Jɛremaya 50:36

Luwu beeŋ ba bumo be anebiana nɛ b la bewulpo nsaa ku efɛ na so! Luwu beeŋ ba bumo be benapo so, nɛ kufugboŋ e tɔr bumo so!

Jɛremaya 51:30

Babilɔn be benapo na be eleŋ nɛ kenyɛn lar bumo to nɛ b ki fanɛ beche. Bumo kikɛ yige kena be kekɔ nna nseŋ shir a wɔ bumo be mboŋ lempoana. Bedoŋ bure kadegboŋ na be mbunagboŋ na n luri to a chɔɔ Babilɔnebi na be nwu.

Nfabel 2:9

Jerusalɛm be mbunagboŋana tɔr a pul eshishɛr to nɛ ndibi nɛ baa ta a ber amo so na kikɛ buri to burburbi a dese. Ewura nɛ bewurbi nɛ b daa wɔ ndoŋ na kikɛ ki anya efuli wɔfɔ so nna. Bɔrɛmatapoana na maŋ naa ŋini mbraana na, anebiana na malɛ maŋ naa nu kubɔya kikɛ ashi Enyɛnpe Ebɔrɛ kutɔ.

Ezikɛl 27:23

Ndegboŋ fanɛ Haran nɛ Kanne nɛ Iden nɛ Asshɔ nɛ Chilmad nɛ Shiba be efuli so be eyawujipo kikɛ daŋ ba tu fo n ji yawu.

Ezikɛl 30:17

Mbrantiɛfɔlbi nɛ b wɔ ndegboŋ nɛ baa tre Hiliopolis nɛ Bubastis na kikɛ beeŋ wu kena to nɛ b pɛ basa nɛ b ka na ŋ ki anya.

Hoziya 10:8

Avɛn be kebee be esoso be kakpa nɛ Israɛl be basa bee shuŋ agbir na kikɛ beeŋ mur, nɛ ewi nɛ afeelebi a kɔr n daŋ m buu bumo be ebɔrɛsureana na so. Ndoŋ nna nɛ b kaŋɛ le: “Abeegboŋ, men ta anyi ŋ ŋana! Abeebi, men bure m buu anyi so!”

Eemɔs 5:5

Men sa maŋ kaŋ yɔ Bɛshiba n ya shuŋ kegbir kikɛ. Menyi alɛ e sa maŋ kaa fin ma a yɔ Bɛtɛl ŋkpal manɛ so k maaŋ naa la shɛŋ. Men sa maŋ kaŋ yɔ Gilgaal gba ŋkpal manɛ so bedoŋ beeŋ tintiŋ kumo be basa n yɔ kenyaya to efuli wɔfɔ.”

Eemɔs 9:7

Le nɛ Enyɛnpe Ebɔrɛ na bee kaŋɛ: “Kananɛ m baa fɛ menyi Israɛl be basa be asheŋ na, loŋ koŋwule na nɛ mee fɛ Itiopia be basa gba be asheŋ. Mannɛ ma e lara Filistiebi na ashi Kreet be kasawule nɛ nchu kulti n wɔtɔ na, nɛ Siriyaebi ashi Kiir fanɛ kananɛ n lara menyi ashi Ijipt be efuli so dra dra na a?

Nahum 3:13

Fo benapo du fanɛ beche nna nɛ shɛŋ malɛ maa kuŋ fo kasawule na ashi fo doŋana be enɔ to. Edɛ beeŋ chɔɔ ndibi nɛ baa ta a ber fo mbunagboŋ so na.