Eemɔs 1:14 - EBƆRƐ BE KAWƆL

¹⁴ Ŋkpal loŋ so meeŋ shin nɛ edɛ e tɔr egbal nɛ b pɔr ŋ kulti Ammɔn be efuli so be kadegboŋ nɛ baa tre Raaba na so n chɔɔ kumo be kumɔlga be mboŋana. Kumo be kamɔnchɛ benapo beeŋ cha kena to be awɔr nseŋ kɔ kena fanɛ afugboŋ ka bee ber na.

Eemɔs 1:14 ပူးပေါင်းရင်းမြစ်များ

2 Samuɛl 11:1

Dɔchubɔrɛso, saŋɛ nɛ bewura bee lar a yɔ kena to na, nɛ Deevid daŋ shin nɛ Jɔab juŋkpar Israɛlebi be benapo na kikɛ, nɛ b ya kɔ m pɔɔ Ammɔnebi na so nseŋ kulti bumo be kadegboŋ nɛ baa tre Raaba na n wɔtɔ. Ama Deevid bre gbagba daa wɔ Jerusalɛm to nna.

2 Samuɛl 12:26

Loŋ be saŋɛ na nɛ Jɔab daa kɔ Raaba nɛ k la Ammɔn be kadegboŋ na nsaa sha kesɔ kumo.

2 Samuɛl 12:31

E daŋ shin nna nɛ kumo be basa ta ekapɛnta be nsaŋɛgboŋ nɛ baa tre sɛrdaa na nɛ abɛlso be ntekpa nɛ akpanfu a tintiŋ bumo nɛ b baa shuŋ a ku ebirkesi. Loŋ koŋwule na nɛ e daŋ wora ndewurbi nɛ a wɔ Ammɔn be efuli so na kikɛ. Kumo be kaman nɛ mo nɛ mbe benapo bɛta n yɔ Jerusalɛm.

1 Kronikɛls 20:1

Dɔchubɔrɛ be saŋɛ nɛ bewura bee yɔ kena to na nɛ Jɔab juŋkpar Israɛl be benapo nɛ e ya kɔ n sɔ Ammɔn be kasawule. Ewura Deevid bre daŋ shir a wɔ Jerusalɛm nna. Benapo na daŋ pugi ŋ kulti kadegboŋ nɛ baa tre Raaba na nna n wɔtɔ ŋ kɔ m mur kumo.

Job be kawɔl 39:25

Kabel baŋ shu, baa fute eleŋso nna. Baa nu kena be asheŋ kufɔ nna, nsaa nu amo be bediipoana be mmalga.

Nshɛ 83:15

aloŋ a daga fanɛ fo ta bɔrɛfugboŋ n ju bumo n lɛ, nseŋ shin nɛ afugboŋ a funti bumo nɛ b baa chicha.

Aizaaya 29:6

nɛ Enyɛnpetale Ebɔrɛ na beeŋ bɔla bɔrɛfugboŋ nɛ kebembeŋ so ŋ kɔ n suge menyi n yige. E beeŋ shin nɛ afugboŋ nɛ edɛ wuloŋwuloŋ e ba.

Aizaaya 30:30

Enyɛnpe Ebɔrɛ na beeŋ shin nɛ ekama e nu mbe ebɔlgboŋ nɛ k kɔ kufu na nɛ mbe agbogboŋ nɛ k du fanɛ edɛ wuloŋ wuloŋ nɛ bɔrɛfugboŋ nɛ abɔrɛjembubi nɛ bɔrɛchu damta na be asheŋ.

Aizaaya 9:5

Benapo nɛ b bɛ abar so a nite be asɛbtagboŋ nɛ bumo be asɔbuuso nɛ ŋklaŋ gbiti na kikɛ beeŋ chɔɔ edɛ to m mur.

Jɛremaya 23:19

B la basa lubi nna, amoso ma agbo du fanɛ afugboŋ nɛ k bee ber ga a ba kumu kpakpasowuraana so nna.

Jɛremaya 49:2

Kachako bee ba nɛ n shin nɛ benapo ko e ba kɔ basa nɛ b wɔ efuli na be kadegboŋ nɛ baa tre Rabba to na kena m mur kumo cheche nseŋ chɔɔ ndekarso na n lɛ. Kumo be kaman nɛ Israɛl be basa e naŋ sɔ bumo be kasawule ashi basa nɛ b daŋ suge kumo na kutɔ.

Ezikɛl 21:20

a ŋini ekpa nɛ k bee yɔ Ammɔnebi be kadegboŋ nɛ baa tre Raba na, nɛ kumo nɛ kumo alɛ bee yɔ Juda be kadegboŋ nɛ baa tre Jerusalɛm nɛ b pɔr egbal ŋ kulti kumo na; nɛ Babilɔn be ewura na e bɔla so n yɛr mbe tokobi na.

Ezikɛl 21:22

Nɛ e baaŋ ta enɔjiso m pee ketanyembi nɛ b sibɛ ‘Jerusalɛm’ n deŋi kumo so a ŋini fanɛ b kɔ kumo kena, e beeŋ shin nɛ b foŋ kabel n sa benapo ekpa nɛ b ya kulti kadegboŋ na n wɔtɔ, nseŋ koli eshishɛr n deŋi abar so ŋ gbuŋ egbal nɛ k kulti kade na, saŋɛ na so baaŋ bɔla amo so n dii n luri kade na to ŋ kɔ basa na kena. Bumo alɛ beeŋ naaŋ ta ndibi gbɛgbɛso n da kade na be mbunagboŋ na m bugi n n luri to.

Ezikɛl 21:25

Fo, Israɛl be ewura lubi nɛ kumu kpakpaso wura ere, fo kasogberge be kachɛ maaŋ naŋ chɛr nseŋ fo.

Ezikɛl 25:5

Ade be kaman, meeŋ naŋ shin nɛ menyi be kadegboŋ nɛ baa tre Rabba na a ki enyɔma be ejikpa nɛ Ammɔn be efuli so kikɛ malɛ a ki kakpa nɛ baŋ baa bela mbolpɔ. Loŋ nɛ menyeeŋ pin fanɛ ma e la Enyɛnpe Ebɔrɛ na.

Ezikɛl 25:7

Amoso meeŋ ta menyi m bɔɔ efuli pɔtɛana be basa enɔ nɛ b suge menyi be asɔ nseŋ sesaŋ menyi to. Ma alɛ beeŋ mur menyi kuraa nɛ men maaŋ naa la efuli a kɔ menyi gbagba be kasawule a wɔtɔ. Ndoŋ nɛ menyeeŋ pin fanɛ ma, e la Enyɛnpe Ebɔrɛ na.”

Danɛl 11:40

Siriya be efuli so be ewura na be lalaloge be saŋɛ kaŋ taga to, Ijipt be efuli so be ewura na beeŋ ba kɔ mo kena, nɛ mo alɛ e ta egbaŋɛturko nɛ egbaŋɛdiipoana nɛ nchu so be ekuloŋgboŋ damta n tu mo ŋ kɔ kena na. Siriya be ewura beeŋ kɔ n sɔ efuli damtaana fanɛ kananɛ nchu bee bɔlɔ a sɔ kaplɛkama na.

Eemɔs 2:2

Amoso meeŋ shin nɛ edɛ e ya chɔɔ kade nɛ baa tre Kiriɔf nɛ k wɔ Mowab be efuli so na be kumɔlga be mboŋ lempo na. Kena to be awɔr beeŋ cha n nɛ b baa foŋ kena to be mbel saŋɛ nɛ mee mur Mowabebi na.

Zakareya 7:14

N daŋ pesaŋ bumo to nna n ya lɛ efuli pɔtɛana so fanɛ kananɛ afugboŋ bee pesaŋ asɔ to n ya kaa lɛ na, nɛ bumo be kasawule lela na dese fuloŋ nɛ esa kikɛ daa maŋ naa wɔ kumo so.

Ditɛronɔmi 3:11

(Ewura Ɔg e daŋ ka edimɛdi be yiri nɛ baa tre Refaebi na be esa lalalogesopo. Kejembu nɛ b daŋ ta n lɔŋɛ deka nɛ b ta m puli mo na. Kumo be nteŋ daa sa fanɛ ayadra kuduana nɛ kumo be mparto malɛ daa sa fanɛ ayadra ashe, nɛ esa kraa beeŋ wu kumo ashi Ammɔnebi be kadegboŋ nɛ baa tre Rabba na to.)