Eemɔs 1:12 - EBƆRƐ BE KAWƆL

¹² Amoso meeŋ shin nɛ edɛ e ya chɔɔ Edɔm be efuli so be nde nɛ baa tre Teman na, nɛ Bozra be kumɔlga be mboŋ na kikɛ cheche.”

Eemɔs 1:12 ပူးပေါင်းရင်းမြစ်များ

Jɛnesis 36:11

Elifas malɛ be mbinyɛnbi nde: Teman nɛ Omaa nɛ Zefo nɛ Gatam nɛ Kenas.

Jɛnesis 36:33

Bela ka wu nɛ Jobaab nɛ e la Zera nɛ e shi Bozra na pibi ta kuwura na.

Aizaaya 34:5

Enyɛnpe Ebɔrɛ na kaŋ ta mbe tokobi n wora awɔlpa so be asɔ kusɔ nɛ e bee sha n loge, k beeŋ gbelge efuli nɛ baa tre Edɔm na be basa nɛ Enyɛnpe Ebɔrɛ na yili kumo fanɛ baaŋ mur na so.

Aizaaya 34:6

Bumo be ŋklaŋ beeŋ gbiti Enyɛnpe Ebɔrɛ na be tokobi na fanɛ kananɛ mbolpɔ fɔlbi nɛ mboe nɛ b ta n lara esarga be ŋklaŋ bee gbiti nsaŋɛbi na. Ŋkpal manɛ so, Enyɛnpe Ebɔrɛ na beeŋ mɔ basa damta n ta bumo n lara sarga ashi kadegboŋ nɛ baa tre Bozra na nɛ Edɔm be efuli so be kaplɛkama.

Aizaaya 63:1

Wanɛ e shi Edɔm be efuli so be kadegboŋ nɛ baa tre Bozra na ŋ kre to nɛnɛ m buu epiŋi peper a tia aya eleŋ so a ba ere? Enyɛnpe Ebɔrɛ nɛ e kɔ eleŋ ga nɛ e tiŋ m mɔlga basa na e naa ba nɛ e ba bɔ mbe kekɔmpɔɔso be kubɔya.

Jɛremaya 49:13

Ŋ gbagba e bɔ ntaŋ fanɛ Bozra nɛ k la Edɔm be efuli so be kadegboŋ na beeŋ ki keshishɛrsawule nɛ basa e wu kumo nɛ k chinchiŋ bumo nseŋ keta bumo kufu. Basa beeŋ baa wora kumo eyurto nsaa ta kumo be ketre a shoduu basa. Ndekarso nɛ a kulti kumo na kikɛ beeŋ ki alambure a dese mbaanaayɔ. Ma, Enyɛnpe Ebɔrɛ e kaŋɛ na.”

Jɛremaya 49:20

Amoso men nu kusɔ nɛ ŋ kre a laŋɛ Edɔm be basa be kaplɛa so nseŋ naŋ nu kusɔ nɛ mee sha kewora basa nɛ b wɔ kadegboŋ nɛ baa tre Tɛman na to na. Bedoŋ beeŋ pɛ menyi be mbia katinso ŋ gberge bumo n yɔ efuli pɔtɛana so nɛ menyi be efuli na e mur.

Jɛremaya 49:22

Bedoŋ na beeŋ ba kɔ Bozra be basa eleŋso fanɛ kusore ka ber atɛ to ŋ gbelge m ba kasawule so eleŋso na. Kachɛ na kaŋ fo, Edɔm be benapo be ŋgbene beeŋ jija bumo ga fanɛ eche nɛ kakurge ta mo na.”

Jɛremaya 49:7

Kusɔ nɛ Enyɛnpetale Ebɔrɛ na kaŋɛ a laŋɛ Edɔm be efuli so nde: “Edɔm be basa maŋ kɔ nfɛra nna a? Basa nɛ baa ji bumo asoeto na maa kaŋɛ bumo kusɔ nɛ baaŋ baa wora nna a? Bumo be kanyiasheŋ kikɛ loge nna a?

Ezikɛl 25:13

Amoso meeŋ gberge Edɔm be basa kusoe nseŋ mɔ bumo be basa nɛ asɔbɔya kikɛ kena to nɛ kasawule nɛ k yili kadegboŋ nɛ baa tre Tɛman n dese n ya fo kumo nɛ baa tre Dedan na e dese jiga.

Obadaya 1:1

Kusɔ nɛ Enyɛnpetale Ewurgboŋ na kaŋɛ a laŋɛ Edɔm be kaplɛa so nɛ an nu nde: “Men koso n shin nɛ an yɔ nɛ anyi nɛ Edɔmebi e ya kɔ abar kena.”

Habakuk 3:3

Fo e la Ebɔrɛ cheembi nɛ fo shi kadegboŋ nɛ baa tre Tɛman ashi Edɔm be keshishɛrsawule so nɛ kebee nɛ baa tre Paran na so a ba na. Fo kela nɛ kemaŋkura parga to m buu esoso kikɛ so nna, nɛ fo kapandi malɛ sɔ kasawule so be kaplɛkama.