Eemɔs 1:11 - EBƆRƐ BE KAWƆL

¹¹ Enyɛnpe Ebɔrɛ yɛ: “Edɔm be basa wora alubi n ya baŋ so. Amoso abaanaaworashɛŋ meeŋ gberge bumo kusoe. B ju m buu bumo kurgepoana Israɛlebi so n ya mɔ bumo. B daŋ maŋ wu bumo kuwɔr ŋkpal bumo be asheŋ ka daa pɛ bumo agbo nɛ b nya agbo n wɔtɔ bumo ga so.

Eemɔs 1:11 ပူးပေါင်းရင်းမြစ်များ

2 Kronikɛls 20:10

Naniere Ammɔn nɛ Mowab nɛ Edɔm be basa ba nɛ b ba kɔ anyi kena. An nananyɛnana ka lar Ijipt be efuli so a ba na, fo daa maŋ shuli nɛ b kɔ n sɔ loŋ be nsawule na, ŋkpal loŋ so an nananyɛnana daŋ maŋ mur bumo.

2 Kronikɛls 20:11

Kukɔ nɛ baa ka anyi a tal to nna na. B ba nɛ b ba ju anyi ashi kasawule nɛ fo ta n sa anyi na so nna.

Nshɛ 137:7

O Enyɛnpe Ebɔrɛ, nyiŋi kusɔ nɛ Edɔmebi na wora kachɛ nɛ Jerusalɛmebi kɔ n tɔr na. B yɛ: ‘Men bure kadegboŋ na! Men mur kumo kikɛ kuraa!’

Nshɛ 85:5

Feeŋ nya agbo n wɔtɔ anyi nɛ anyi be nnaŋ to ebi mbaanaayɔ a?

Kaŋinichiŋgeliŋ 7:9

Bewulpo e naa nya agbo manaŋ manaŋ nsaa ta asheŋ a wɔtɔ kagbene to.

Aizaaya 57:16

M maaŋ naaŋ nya agbo n wɔtɔ ma basa a wu bumo kulubi mbaanaayɔ. Ŋkpal manɛ so, ma e to bumo nsaa maa sha fanɛ bumo be aba e pɔ bumo.

Hoziya 8:3

ama b kini kusɔ nɛ k walɛ. Ŋkpal loŋ so, bumo doŋana beeŋ ju m buu bumo so.

Jowɛl 3:19

Ijipt be kasawule beeŋ ki kiyi to chil, kakpa nɛ basa maaŋ baa wɔ, nɛ Edɔm be kasawule malɛ kikɛ e jija ŋ ki keshishɛrsawule ŋkpal b ka kɔ Juda be efuli so ebi kena nseŋ mɔ basa nɛ b maŋ wora alubi na so.

Maika 7:18

O Enyɛnpetale Ebɔrɛ, Ebɔrɛ kikɛ maŋ naa wɔtɔ a du fanɛ fo. Fo e naa ta fo basa be alubi a paŋ bumo. Fo alɛ be agbo maa wɔtɔ a yɔ. Kuwɔrwu e naa fuli fo kagbene.

Zakareya 1:15

ama n nya agbo nna n wɔtɔ efuliana nɛ a wɔ kayurwushi to na ŋkpal manɛ so, n daŋ nya agbo gbrɛbi nna n wɔtɔ ma basa, nɛ loŋ be efuliana shin nɛ ma basa be awurfoŋ wora keshi n ti so.

Malakai 1:2

E yɛ: “Israɛlebi, saŋkama, ma kasha wɔ menyi so nna ga.” Ama le nɛ bumo alɛ daŋ kaŋɛ: “Ekpa mo so nɛ fo ŋini anyi kasha?” Ndoŋ nna nɛ Enyɛnpe Ebɔrɛ kaŋɛ: “Isɔɔ nɛ Jeekɔb la esa nɛ mo sipo nna, ama Jeekɔb nɛ mbe kaman to ebi nɛ n lara a sha ga,

Malakai 1:4

Hale nɛ Isɔɔ be kaman to ebi nɛ b la Edɔm be efuli so ebi na kaŋɛ le gba: “Anyi be nde kikɛ mur, ama anyi alɛ beeŋ naŋ lɔŋɛ m pɔr amo.” Ma Enyɛnpe Ebɔrɛ na malɛ beeŋ kaŋɛ bumo le: “Nɛ men lɔŋɛ m pɔr amo gba meeŋ naŋ bure amo nɛ basa e baa tre ndoŋ ‘Belubiworapoana be efuli nɛ Enyɛnpe Ebɔrɛ be agbo wɔ kumo so mbaanaayɔ.’ ”

Ɛfesesebi 5:1

Ŋkpal men ka la Ebɔrɛ be mbia shaso so, men wora ania a du fanɛ mo gbagba.

Ditɛronɔmi 23:7

Ama Edɔmebi bre la men kurgepoana nna nɛ menyi alɛ daa la befɔ Ijipt be efuli so. Amoso men sa maa keni Edɔmebi nɛ Ijiptebi na jiga.