Eemɔs 1:1 - EBƆRƐ BE KAWƆL

¹ Mmalaga nɛ Eemɔs nɛ e la mbolpɔkpapo nseŋ shi Tekua be kade to kaŋɛ fanɛ Enyɛnpe Ebɔrɛ ta n sa mo nfɛ anyɔ pɔɛŋ nɛ kasawule daŋ gbuŋgbuŋ na, nɛ jemanɛ nɛ Uziya daa la Juda be efuli so be ewura nɛ Jehɔash pibinyɛn Jeroboam malɛ daa ji Israɛl be efuli so be kuwura na nde.

Eemɔs 1:1 ပူးပေါင်းရင်းမြစ်များ

2 Samuɛl 14:2

Amoso e daŋ shuŋi n tre kache nyiashempo ko nna ashi kade nɛ ba tre Tekua na nna. E ka ba nɛ e kaŋɛ mo le: “Wora fanɛ fo ka nya keeli na, nseŋ buu keeli to be ewajɛ, nsaa maŋ kaŋ m mɔ fo emin to. Wora fanɛ fo ka shu keeli na n chɛr ga na.”

1 Bewura 19:19

Anebi Elaija ka lar a yɔ nɛ e ya tu Shafat pibinyɛn Elaisha nɛ e kɔ ana dɔso a dɔ: Ana dɔso nɛ b chɛ m mata abar benyɔnyɔ kudukako e daŋ juŋkpar mo a dɔ. Nɛ mo alɛ keta katuŋ kuduanyɔsopo na a bɛ so. Ndoŋ nna nɛ anebi Elaija lara mbe piŋi n deŋi Elaisha so.

2 Bewura 14:21

Kumo be kaman nɛ Juda be basa buu mo pibinyɛn Uziya nɛ e ji nfɛ kuduashe na kuwura.

2 Bewura 14:23

Jɔash pibinyɛn Amaziya ka ji Juda be kuwura be nfɛ kuduanu to, nɛ Jehɔash malɛ pibinyɛn Jeroboam nyɔsopo ki Israɛl be ewura nseŋ chena Samɛria n ji kuwura nfɛ adena nɛ kako.

2 Kronikɛls 11:6

Amo ale Bɛtlɛhɛm nɛ Etam nɛ Tekua

2 Kronikɛls 20:20

Ŋklade kachipurdidi saŋɛ so nɛ ekama lar a yɔ keshishɛrsawule nɛ k mata Tekua na, nɛ ewura Jehoshafat niŋi to ŋ kaŋɛ jimaŋ na le: “Menyi Juda nɛ Jerusalɛm ebi! Men ta men be yirda n deŋi Enyɛnpe nɛ e la menyi be Ebɔrɛ na so nsaa yili to kpakpa. Men yirda kusɔ nɛ mbe anebiana na kaŋɛ menyi na saŋɛ na so asheŋ beeŋ nyalɛ n sa menyi.”

Ɛksodɔs 3:1

Mosis daa kpa mo shanyɛn Jetro nɛ e daa la Midian be bɔrɛmatapo na be mbolpɔ nna. Kachako nɛ e kpa bumo m bɔla kiyi to n ya fo Ebɔrɛ be kebeegboŋ nɛ baa tre Sainai na ase.

Aizaaya 1:1

Kubɔya nɛ Ebɔrɛ lara ŋ ŋini Aizaaya, nɛ e la Amɔz pibinyɛn, a laŋɛ Juda be efuli nɛ kadegboŋ nɛ baa tre Jerusalɛm na be kaplɛa so jemanɛ nɛ Uziya nɛ Jotam nɛ Ahaz nɛ Hɛzekaya daa ji kuwura Juda be efuli so na, e wɔ kawɔl ere to na.

Jɛremaya 1:1

Jɛremaya nɛ e la Hilkiya pibinyɛn nseŋ shi bɔrɛmatapoana be kanaŋ to ashi kade nɛ baa tre Anatɔf nɛ k wɔ Bɛnjamin be yiri to ebi be kasawule so na be mmalga nɛ e wɔ kawɔl ere to nde.

Jɛremaya 28:8

dra dra pɔɛŋ nɛ b kurge anyi na nɛ anebiana na bee kaŋɛ fanɛ kena nɛ jɛrbi nɛ alɔ beeŋ ba efuli damtaana nɛ kuwurjiana nɛ e kɔ eleŋ ga na so.

Jɛremaya 6:1

Bɛnjamin be yiri to be basa, men shile m mɔlga menyi be amu. Men ŋana n lar Jerusalɛm be kadegboŋ na to. Men shin nɛ b foŋ kabel ashi kade nɛ baa tre Tekua na to nseŋ puga tɔɔnɛ be edɛ ashi kakpa nɛ baa tre Bɛf Hakkerɛm na nɛ e baa sa basa kubɔya. Ŋkpal manɛ so, jɛrbi gboŋgboŋi nɛ kemur beeŋ shi kelargato be esoso m ba menyi so.

Jɛremaya 7:27

Ŋkpal loŋ so, Jɛremaya, fo kaŋɛ ma basa mmalga ere kikɛ gba, b maaŋ nu n sa fo. Fo tre bumo gba, b maaŋ shuli so.

Hoziya 1:1

Saŋɛ so nɛ Uziya, nɛ Jotam nɛ Ahaz nɛ Hɛzekaya daa ji Juda be efuli so be kuwura, nɛ saŋɛ so nɛ Jehɔash malɛ pibinyɛn Jeroboam daa ji Israɛl be efuli so be kuwura na, nɛ Enyɛnpe Ebɔrɛ ta kubɔya ere n sa Beeri pibinyɛn Hoziya.

Eemɔs 7:14

Nɛ Eemɔs malɛ kaŋɛ Amaziya le: “Ma ere maŋ la anebi, ŋko anebi pibi. N la mbolpɔkpapo nna nsaa keni efigidibi be ndɔ so.”

Maika 1:1

Kamalga ere nɛ Enyɛnpe Ebɔrɛ daŋ ta n sa Maika nɛ e daŋ shi kade nɛ baa tre Moreshɛf na. E yɛ: “Jemanɛ nɛ Jotam nɛ Ahaz nɛ Hɛzekaya daŋ ji Juda be efuli so be kuwura na, nɛ Enyɛnpetale Ebɔrɛ daŋ lara loŋ be asheŋ ere ŋ ŋini Maika a laŋɛ ndegboŋ nɛ baa tre Samɛria nɛ Jerusalɛm na be kaplɛa so.

Zakareya 14:5

Kumo be kaman nɛ men bɔla ketaŋɛ nɛ kebee na baŋɛ to anyɔ n dese n ya fo kakpa nɛ baa tre Azɛl na n shile. Kananɛ men nanaana daŋ shile saŋɛ nɛ kasawule daŋ gbuŋgbuŋ Juda be ewura Uziya be jemanɛ so na gbagba chap nɛ menyi alɛ gba beeŋ shile m mɔlga menyi be amu. Kumo be kaman nɛ Enyɛnpe Ebɔrɛ na nɛ mbe emalaika kikɛ e ba.

Matiu 4:18

Yesu ka na Galili be kepagboŋ na ase nɛ e wu benyɛn anyɔ ko, Saimɔn nɛ baa tre Pita na nɛ mo sipo Andru ka bee lɛ keshewu kepagboŋ na to, ŋkpal manɛ so, b daa la ekɔrɔtɔpɛpoana nna.

1 Kɔrintebi 1:27

Ama Ebɔrɛ lara durnya ere to be asɔ wuliso nna nɛ e ta anishinyɔr m pɛ benyiashempo. E lara durnya ere to be asɔ pɔso nna nɛ anishinyɔr e pɛ belempo.