Aizaaya 9:6 - EBƆRƐ BE KAWƆL

⁶ Ebɔrɛ sa anyi ebi ko! E sa anyi ebinyɛn! Mo e naŋ baa la anyi be ewura. Baaŋ tre mo Mamachi be asoetojipo, nɛ Ebɔrɛ Lempo nɛ Etuto nɛ e wɔtɔ Mbaanaayɔ nɛ Kayurwushi be Ewurbi.

Aizaaya 9:6 ပူးပေါင်းရင်းမြစ်များ

2 Samuɛl 7:13

Mo e naŋ pɔr ma bɔrɛlambu n sa ma. Mo alɛ be kuwurji maaŋ loge kikɛ.

2 Samuɛl 7:16

Fo alɛ Deevid be kenana maa ba nɛ k mur kikɛ. Fo kuwurji beeŋ baa wɔtɔ hale mbaanaayɔ.”

1 Bewura 10:9

Kemaŋkura e baa la Enyɛnpe fo Ebɔrɛ na peya. Mbe kagbene fuli fo so ga nna so nɛ e ta fo ŋ ki Israɛlebi be ewura nɛ fo baa ji bumo so eleŋ. Ŋkpal kasha nɛ e kɔ n sa mbe basa Israɛlebi na ka maŋ kɔ ekar so, nɛ e ta fo ŋ ki bumo be ewura nɛ fo baa ji asheŋ nɛ amo be ekpa so nsaa wora asɔ nɛ a niŋi ekpa a sa bumo na.”

1 Bewura 2:33

Jɔab nɛ mbe kaman to ebi beeŋ nya kasogberge mbaanaayɔ ŋkpal kusɔ nɛ e wora ere so. Ama ewura Deevid nɛ mbe kaman to ebi bre, Enyɛnpe Ebɔrɛ beeŋ shin nɛ b baa ji kuwura kayurwushiso.”

1 Bewura 2:45

Ama Enyɛnpe Ebɔrɛ beeŋ nɛfa ma nseŋ lɔŋɛ n tuto ewura Deevid be kuwurji n yili to kpakpa hale mbaanaayɔ.”

Nehemaya 9:32

O, anyi be Ebɔrɛ mo nɛ eleŋ kikɛ bɔɔ fo enɔ, nɛ fo asheŋ kɔ kufu; fo maa lar fo kamalga kaman kikɛ, kasha malɛ bɔlɔ fo to kiŋkiŋ. Nyiŋi awurfoŋ nɛ k ba anyi nɛ anyi be bewura nɛ bejuŋkparpo nɛ bɔrɛmatapoana nɛ anebiana nɛ an nanaana nɛ anyi be basa kikɛ so, yili Asiriya be ewura be jemanɛ kikɛ so m ba fo kabre.

Nshɛ 45:3

Ewurgboŋ, kemaŋkura wura nɛ ejuŋkparpo, ta fo tokobi n wɔtɔ kumo be efar to ŋ kre kashɛr to.

Nshɛ 45:6

Kuwurji nɛ Ebɔrɛ sa fo na beeŋ baa wɔtɔ mbaanaayɔ. Nɛ fo baa ji basa be asheŋ nɛ amo be ekpa so.

Nshɛ 45:7

Fee sha asɔ nɛ a niŋi ekpa nna nseŋ ŋ kishi alubi. Amoso nɛ fo Ebɔrɛ lara fo, nseŋ sa fo kagbenefuli nɛ k chɔ fo braana peya na.

Nshɛ 50:1

Enyɛnpetale Ebɔrɛ, elempo na, bee tre durnya to be basa kikɛ nɛ b wɔ epeŋitɔrkpa nɛ epeŋilarkpa na nna fanɛ b shɛr.

Nshɛ 72:17

Shin nɛ basa e baa nyiŋi ewura na be ketre mbaanaayɔ, n shin nɛ mbe kemaŋkura e baa fulto fanɛ epeŋi. Shin nɛ efuliana na be basa e bɔla mo so n dii kedama nseŋ kule Ebɔrɛ be nɛfa n sa mo.

Nshɛ 72:3

Shin nɛ kayurwushi nɛ keji asheŋ nɛ amo be ekpa so e baa wɔ basa nɛ b tase abeegboŋ nɛ abeebi kikɛ so.

Nshɛ 72:7

Shin nɛ ewura na e baa ji asheŋ nɛ amo be ekpa so a sa ekama, nseŋ shin nɛ kayurwushi nɛ kedamaya e sɔ kaplɛkama hale nɛ kufɔl e ya wu.

Nshɛ 85:10

Kasha nɛ kashenteŋji beeŋ ba abar so, nɛ alelasheŋ nɛ kayurwushi malɛ e ki kukoŋwule.

Nshɛ 89:5

O Enyɛnpe Ebɔrɛ, shin nɛ asɔ nɛ a wɔ ebɔrɛso e baa kpaŋ fo emamachisheŋ, nseŋ shin nɛ fo emalaika e baa kpaŋ fo kashenteŋji.

Aŋasa 8:23

Sososo kikɛ nɛ e to ma. N wɔtɔ nna pɔɛŋ nɛ durnya fara.

Aizaaya 10:21

Israɛlebi na daa shi nna ga fanɛ teku ase be eshishɛr, ama bumo to be gbrɛbi e naaŋ ji efute nseŋ bɛta m ba Israɛl be Ebɔrɛ lempo na kutɔ. Ŋkpal manɛ so, e daŋ yili kumo nna fanɛ e beeŋ mur bumo be efuli na, kumo be loŋ malɛ daga bumo nna.

Aizaaya 11:5

Kashenteŋji nɛ keji asheŋ nɛ amo be ekpa so nɛ e beeŋ ta n ji kuwura mbe basa so.

Aizaaya 16:5

Kumo be kaman, Deevid be kaman to ebi to be eko beeŋ ba ki ewura nseŋ ta kashenteŋji nɛ kasha a keni basa so. E beeŋ nya manaŋ n wora kusɔ nɛ k daga nseŋ keni so n ji asheŋ nɛ amo be ekpa so.

Aizaaya 26:12

Enyɛnpe Ebɔrɛ, fo e naaŋ sa anyi kedamaya nɛ kayurwushi, ŋkpal manɛ so, kusɔ kama nɛ anyee wora, fo eleŋ to nɛ anyee tiŋ a wora kumo.

Aizaaya 26:3

Enyɛnpe Ebɔrɛ na e naa sa basa nɛ bumo be yirda yil to kpakpa na kayurwushi gbagba.

Aizaaya 28:29

Kanyiasheŋ ere kikɛ shi Enyɛnpetale Ebɔrɛ na kutɔ nna. Ebɔrɛ bee kre ŋkre kanyiasheŋ so nna, nɛ amo alɛ bee wora a bɔlɔ so jemanɛ kikɛ!

Aizaaya 32:1

Kachako bee ba nɛ ewura ko e ba ta kashenteŋji a ji kuwura nɛ efuli na be benimu malɛ e baa ji asheŋ nɛ amo be akpa so.

Aizaaya 37:32

Basa ko beeŋ ji efute ashi Jerusalɛm to nɛ Zayɔn be kebee so, ŋkpal manɛ so, Enyɛnpetale Ebɔrɛ na gbagba e naŋ shin nɛ loŋ e wora.

Aizaaya 53:10

Kumo be kaman nɛ Enyɛnpe Ebɔrɛ na kaŋɛ le: “Ma keparso nɛ ma kenya bee ji awurfoŋ. Mbe luwu na la sarga nɛ k beeŋ bar alubi be ketampaŋ m ba sa basa pɔtɛ nna. Amoso e beeŋ naŋ wu mbe kaman to ebi kenishiso nsaa wɔ ŋkpa to n chɛr. Mo so nɛ kusɔ nɛ ŋ kre kikɛ beeŋ wora m bɔlɔ so nɛnɛ.

Aizaaya 53:2

Enyɛnpe Ebɔrɛ na gbagba be keparso nɛ mbe kenya daŋ ki fanɛ kusɔduuso nɛ k mur achin kasawule wɔlso so. E daa maŋ walɛ keyɛrbi ŋko a la esagboŋ ko nɛ basa nyi mbe asheŋ ŋko a keni mo a bɔlɔ kenishi. Mbe kapɔr be shɛŋ daa maa par basa, nɛ k shin nɛ basa e baa firgi a taga mo to.

Aizaaya 53:5

Anyi ere be asheŋ lubi so nɛ b beri mo nɛ e doro. Kasogberge nɛ e nya na so nɛ an nya kayurwushi nɛ mbe edoro na malɛ shin nɛ an nya kechɛ.

Aizaaya 63:16

Fo e la an tuto. K wora fanɛ Eebraham nɛ Jeekɔb nɛ b la an nananyɛnana na maŋ naa nyiŋi anyi be asheŋ. Ama fo, Enyɛnpe Ebɔrɛ nɛ fo la an tuto na e naa kuŋ anyi dra kikɛ hale m ba fo kabre.

Aizaaya 66:12

Kusɔ nɛ Enyɛnpe Ebɔrɛ naŋ kaŋɛ nde: “Meeŋ shin nɛ efuli pɔtɛana so be asɔ lela e ba bɔlɔ Jerusalɛm to nɛ k dii dama fanɛ kananɛ lɔr bee bɔlɔ nchu a dii kepla so na. Menyeeŋ baa du fanɛ kebia nɛ mo nio bee nyipo mo nsaa ŋini mo kasha na nna.

Aizaaya 7:14

To, kumo ere Enyɛnpe Ebɔrɛ na gbagba e naaŋ sa anyi tɔɔnɛ. Kasuŋgurbia nɛ e maŋ nyi enyɛn ŋ ku so beeŋ di kedampo ŋ kurge ebinyɛn nseŋ nase mo ketre Immanuɛl. Kumo be kifito e la fanɛ Ebɔrɛ wɔ anyi kutɔ.

Aizaaya 8:18

Ma nɛ mbia nɛ Enyɛnpe Ebɔrɛ na sa ma na nde. Enyɛnpetale Ebɔrɛ nɛ mbe kuwurputi wɔ kebee nɛ baa tre Zayɔn na so na e shuŋi anyi fanɛ kasokpele be tɔɔnɛ n sa Israɛl be basa.

Jɛremaya 31:22

Saŋɛ mo nɛ menyeeŋ chɛrga a ji kashenteŋ? Kachako meeŋ shin nɛ asheŋ e baa kɔr to, kumo e la fanɛ eche ka beeŋ baa kuŋ enyɛn.”

Danɛl 2:44

Kuwurgboŋ nasopo na be bewura be jemanɛ so, Ebɔrɛ nɛ e wɔ esoso na beeŋ shin nɛ kuwurgboŋ nɛ k maaŋ tɔr kikɛ na e yili nsaa wɔtɔ mbaanaayɔ. Shɛŋ shɛŋ maaŋ tiŋ ŋ kɔ m pɔ kumo so, ama kumo ere beeŋ pɔɔ bewurgboŋ ana na kikɛ so m mur bumo cheche.

Danɛl 7:14

B daŋ ta eleŋ nɛ bunyaŋ nɛ kuwurji be eleŋ nna m bɔɔ mo enɔ, saŋɛ na so efuliana kikɛ be basa nɛ eyiriana nɛ ŋgbarana be nnaŋ to kikɛ beeŋ shuŋ mo. Mbe eleŋ nɛ e kɔ na beeŋ baa wɔtɔ mbaanaayɔ nɛ mbe kuwurji malɛ maaŋ loge kikɛ.

Heegai 2:9

Bɔrɛlambu popɔr ere beeŋ lar kebita a chɔ kedra na, nɛ n shin nɛ ma basa e nya kayurwushi nɛ kedamaya nfe ashi.” Ma, Enyɛnpetale Ebɔrɛ na e malga na.

Matiu 1:1

Kananɛ Yesu Kristo nɛ e shi Ewura Deevid nɛ mo alɛ shi Eebraham be kanaŋ to kikɛ lar nde.

Matiu 1:23

E yɛ: “Kasuŋgurbia nɛ e maŋ nyi enyɛn beeŋ di kedampo ŋ kurge ebinyɛn nɛ b nase mo ketre Emanuɛl. Kumo be kifito e la fanɛ Ebɔrɛ wɔ anyi kutɔ.”

Matiu 11:27

Kede be kaman nɛ Yesu naŋ kaŋɛ le: “N Tuto ta kusɔ kama nna m bɔɔ ma enɔ. Esa kama maŋ nyi esa nɛ e la Ebinyɛn na she Etuto na, esa kikɛ malɛ maŋ naa nyi Etuto na she Ebinyɛn na nɛ bumo nɛ Ebinyɛn na bee sha keta Etuto na ŋ ŋini na nawule.

Matiu 28:18

Nɛ Yesu firgi n taga bumo to ŋ kaŋɛ le: “B ta ebɔrɛso nɛ kasawule so be eleŋ kikɛ nna m bɔɔ ma enɔ.

Luuk 1:35

Nɛ malaika na shuli so ŋ kaŋɛ: “Kiyoyu Cheeŋ na e naaŋ gbelge fo so nɛ Ebɔrɛ be eleŋ e ba buu fo so. Amoso, baaŋ tre kebia cheembi nɛ feeŋ kurge na Ebɔrɛ Pibinyɛn.

Luuk 2:11

Kabre be kachɛ ere b kurge men be Emɔlgapo Kristo Enyɛnpe ashi Deevid be kade to.

Luuk 2:14

“Kemaŋkura e baa la Ebɔrɛ nɛ e wɔ esoso na peya nɛ kagbenewushi e baa wɔ mbe kepar be basa kikɛ to ashi kasawule so.”

Luuk 21:15

Ŋkpal manɛ so, meeŋ bugi menyi be nnɔ nɛ men doŋana e pɔɔ menyi so ŋ gben ŋko n ji m bri menyi ŋ gben.

Baru lela nɛ Jɔn kute na 1:14

Esa nɛ baa tre Kamalga na daŋ ki dimɛdi nna m ba kaa wɔ anyi to. An wu mbe kemaŋkura nɛ kuwɔr be kakɛ nɛ kashenteŋ bɔlɔ kemaŋkura na to. Le be kemaŋkura ere la mo peya nna ŋkpal e ka la Ebɔrɛ Pibinyɛn koŋwule na so.

Baru lela nɛ Jɔn kute na 1:16

Mbe kuwɔr be kakɛ nɛ k bɔlɔ mo to felɛlɛ na to nɛ e nɛfa anyi nseŋ kraa wɔtɔ a nɛfa a nɛfa anyi.

Baru lela nɛ Jɔn kute na 14:27

Kagbenewushi nɛ mee yige a sa menyi na, kagbenewushi nɛ k shi ŋ gbagba kutɔ. Kumo alɛ mannɛ fanɛ kananɛ durnya bee sa kumo na nɛ ŋ kɔ kumo a sa menyi. Amoso, men sa maŋ shin nɛ menyi be ŋgbene e baa jija menyi ŋko nɛ kufu e baa kɔ menyi.

Ashuŋ Shunso 10:36

E maa keni yiri nɛ k la mo. Men nyi kubɔya nɛ e sa Israɛlebi a kaŋɛ baru lela na be asheŋ fanɛ anyeeŋ tiŋ n nya kagbenewushi Ebɔrɛ kutɔ ashi Yesu Kristo nɛ e la basa kikɛ be Enyɛnpe na to be asheŋ.

Ashuŋ Shunso 20:28

Men baa de men gbagba be amuana so nsaa de basa nɛ Kiyoyu Cheeŋ na ta m bɔɔ menyi enɔ na so. Men baa keni Ebɔrɛ be asɔriebi nɛ e ta ŋ ki mo peya ashi mo gbagba Pibinyɛn be luwu na so fanɛ kananɛ asɔbɔyakpapo bee keni mbe asɔbɔya so na.

Romebi 8:32

Esa nɛ e maŋ mɔn anyi mo gbagba Pibinyɛn nseŋ ta mo m bɔɔ basa enɔ ŋkpal anyi kikɛ so na, manɛ nna nɛ e maaŋ bugi kagbene n sa anyi kusɔ kikɛ n ti mo Pibi so?

Romebi 9:5

B shi benananyɛngboŋana na be kanaŋ to nna. Dimɛdi malɛ be kaplɛa so Kristo na shi bumo to nna. Epaŋ be kedi e baa la Ebɔrɛ nɛ e chɔ kusɔ kama kuwura na peya. Amɛn.

1 Kɔrintebi 1:30

Mo nawule e shin nɛ menyi nɛ Kristo Yesu ba ki kukoŋwule, mo alɛ e shin nɛ Kristo shin nɛ an pin kanyiasheŋ gbagba. Kristo na malɛ gba so e shin nɛ Ebɔrɛ bee ta anyi fanɛ basa niŋiso nɛ basa cheembi, basa nɛ b fɔr so n nyalɛ so nɛ b nya kumɔlga.

1 Kɔrintebi 15:25

Ŋkpal manɛ so, a daga fanɛ e baa ji kuwura loŋ n ya fo saŋɛ nɛ Ebɔrɛ beeŋ ta mo doŋana kikɛ n wɔtɔ mbe enɔ to na.

2 Kɔrintebi 5:19

Kumo e la fanɛ Kristo so nɛ Ebɔrɛ daŋ bɔla ŋ kplaŋ durnya be alubi so nseŋ shin nɛ mo nɛ basa naŋ nyalɛ. Ama kananɛ e bee shin nɛ mo nɛ basa bee nyalɛ be kubɔya nɛ e ta m bɔɔ anyi enɔ.

Ditɛronɔmi 10:17

Enyɛnpe menyi be Ebɔrɛ na e la Ebɔrɛ nɛ e kɔ eleŋ a chɔ agbirana kikɛ nseŋ naa la benyɛnpe to be Enyɛnpe, Ebɔrɛ lempo nɛ mbe asheŋ shi nsaa kɔ kufu. Mo alɛ maa kpɛa to ŋko a tu basa a sɔ asɔ pɔɛŋ nsaa wora asheŋ a sa bumo.

Kɔlɔsiebi 2:3

Wulo na e la fanɛ Ebɔrɛ lara Yesu Kristo nɛ mo nawule shin nɛ an nya kanyiasheŋ kashenteŋto nseŋ shin nɛ an pin kashenteŋ na kikɛ.

1 Timoti 3:16

Kashenteŋto, esa kikɛ maaŋ tiŋ ŋ kaŋɛ anyi be keŋini ere nɛ Ebɔrɛ lara ŋ ŋini ere maŋ la keŋinigboŋ, ŋkpal manɛ so, k bee ŋini esa nɛ e ta nyiŋgbasa be eyur nna n shi ebɔrɛso m ba durnya to be asheŋ. Mo nɛ Kiyoyu Cheeŋ na daŋ kaŋɛ anyi fanɛ e maŋ kɔ kulubi na, emalaika daŋ wu mo nɛ basa bɔ mbe kubɔya nnyamase to nɛ durnya to be basa yirda mo. Mo koŋwule na nɛ Ebɔrɛ daŋ shin nɛ e luri to n yɔ kemaŋkura be ŋkpa na to.

Taites 2:13

An baa wɔ amo to nsaa jo kachɛ nɛ b nɛfa nɛ anyi be tama wɔ kumo so na. Kumo be kamɔnchɛ nɛ an be Ebɔrɛ Gboŋ, Emɔlgapo Yesu Kristo na be kemaŋkura beeŋ lar efuli.

Hibruwebi 1:8

Ama Ebinyɛn na bre be asheŋ, le nɛ Ebɔrɛ kaŋɛ: “O Ebɔrɛ, fo kuwura beeŋ baa wɔtɔ mbaanaayɔ. Kashenteŋ malɛ nɛ feeŋ baa kɔ a ji kuwura fo basa so ashi fo kuwura na to.

Hibruwebi 13:20

Ebɔrɛ bɔla ŋklaŋ nɛ a bee ti kɔnɔkoŋwule be ŋkre nɛ k maŋ kɔ ekar na so n tiŋi an Nyɛnpe Yesu nɛ e la mbolpɔkenipogboŋ nɛ e bee keni mbe mbolpɔ so na ashi luwu to.

1 Jɔn 5:20

Anyi alɛ nseŋ naa nyi Ebɔrɛ Pibinyɛn na ka ba m ba sa anyi nfɛra nɛ an pin kashenteŋ be Ebɔrɛ na, anyi alɛ wɔ mo kashenteŋ be Ebɔrɛ na to nna, hale mo Pibinyɛn Yesu Kristo na to. Mo e la kashenteŋ be Ebɔrɛ na, nɛ ŋkpa nɛ k maŋ kɔ ekar na.

Kelaraŋŋini 19:16

Ketre mo nɛ k daa deŋ mbe piŋi nɛ mbe kebembi so e la: “BEWURA TO BE EWURA NƐ BENYƐNPE TO BE ENYƐNPE.”

Demujipoana 13:18

Nɛ malaika na bishi mo le: “Manɛ nna nɛ fee sha kepin ma ketre? K la mamachi be ketre nna. Ŋ kaŋɛ fo kumo gba fo maaŋ pin to.”