Aizaaya 9:5 - EBƆRƐ BE KAWƆL

⁵ Benapo nɛ b bɛ abar so a nite be asɛbtagboŋ nɛ bumo be asɔbuuso nɛ ŋklaŋ gbiti na kikɛ beeŋ chɔɔ edɛ to m mur.

Aizaaya 9:5 ပူးပေါင်းရင်းမြစ်များ

Jɛnesis 32:30

Amoso nɛ Jeekɔb daŋ nase kaboŋ na be ketre Peniyɛl na, ŋkpal manɛ so, e yɛ: “N wu Ebɔrɛ kenishiso nfe nna, ma alɛ maŋ wu.”

Nshɛ 46:9

E shin nɛ kena loge durnya to. E buri benapo be atanyembi nɛ akpa to nseŋ chɔɔ bumo be asɔ kuŋso kikɛ.

Nshɛ 72:3

Shin nɛ kayurwushi nɛ keji asheŋ nɛ amo be ekpa so e baa wɔ basa nɛ b tase abeegboŋ nɛ abeebi kikɛ so.

Ɛksodɔs 23:21

Men baa kaŋ kusoe a nu mbe ebɔl nsaa wora mo kasonu. Men sa maŋ kaŋ wora kulubi kikɛ ŋ gbiti mo. Nɛ men baŋ wora kulubi ŋ gbiti mo, e maaŋ yige m paŋ menyi, ŋkpal manɛ so, ma eleŋ wɔ mo so nna.

Aizaaya 13:4

Men kaŋ asoe n nu, awɔr ka bee gbri abee so fanɛ jimaŋ damta na! K du fanɛ efuliana nɛ kuwurgboŋana e naa gama abar so! Enyɛnpetale Ebɔrɛ na e naa gama benapo abar so nɛ b kɔ kena.

Aizaaya 2:4

Enyɛnpe Ebɔrɛ na beeŋ naŋ lɔŋɛ efuligboŋana nɛ kelantokɔ wɔ amo be basa to na nɛ b naaŋ nyalɛ abar so. Kumo be kaman nɛ b ta bumo be etokobi m bɛl ntekpa nseŋ ta bumo be akpa malɛ m bɛl eloji. Efuliana na maaŋ naa ŋini bumo be basa kena be kekɔ kikɛ, ŋko n naaŋ kɔ abar kena gba kuraa.

Aizaaya 30:33

Dra dra na kikɛ nɛ Enyɛnpe Ebɔrɛ na bela kakpa nɛ edɛgboŋ beeŋ chɔ Asiriya be ewurgboŋ m mɔ na ase n yili. Ndoŋ la kakpa chiŋgeliŋ nsaa wɔ mpar nna nɛ ndibi biti abar so kumo to. Enyɛnpe Ebɔrɛ na e naaŋ fute edɛ be adondulombi n wɔtɔ ndibi na to nɛ a suseso.

Aizaaya 37:36

Ade kikɛ be kaman nɛ Enyɛnpe Ebɔrɛ na shin nɛ mbe malaika yɔ Asiriya be basa be keeyi to n ya mɔ benapo ŋgboŋ kalfa nɛ aduburwa nɛ anu. Kare ka chɛ kachipurdidi, nɛ bumo kikɛ wu a dese!

Aizaaya 4:4

Enyɛnpe Ebɔrɛ na beeŋ bɔla mbe eleŋgboŋ so n ji efuli na demu nseŋ fɔr Jerusalɛm be kewora n jija nɛ basa nɛ b mɔ na be ŋklaŋ n lɛ nɛ efuli na e naaŋ nyalɛ so ashi asheŋ lubi be kaplɛa so.

Aizaaya 9:4

Ŋkpal manɛ so, fo e pɔɔ basa nɛ b ta fo basa ŋ ki anya a kɔrfɛ bumo ŋkpal eleŋ nɛ b kɔ so na so. Fo e kɔ n sɔ bumo fanɛ kananɛ dra na fo mɔlga fo basa ashi Midian be efuli so be benapo be enɔ to na.

Aizaaya 9:6

Ebɔrɛ sa anyi ebi ko! E sa anyi ebinyɛn! Mo e naŋ baa la anyi be ewura. Baaŋ tre mo Mamachi be asoetojipo, nɛ Ebɔrɛ Lempo nɛ Etuto nɛ e wɔtɔ Mbaanaayɔ nɛ Kayurwushi be Ewurbi.

Jɛremaya 23:5

Nɛ Enyɛnpe Ebɔrɛ na naŋ kaŋɛ le: “Kachako bee ba nɛ n lara ewura nɛ e niŋi nseŋ shi Ewura Deevid be kanaŋ to. Loŋ be ewura na beeŋ ta kanyiasheŋ n ji kuwura, nseŋ wora asheŋ niŋiso ashi ekpa nɛ k daga so ashi kasawule na kikɛ so.

Jɛremaya 47:3

Baaŋ nu egbaŋɛ be aya ka bee gbri kasawule so, nseŋ nu egbaŋɛturko be egbri gba kasawule so. Betuto nɛ benio maaŋ naŋ bɛta n ya ta bumo be mbia; ŋkpal manɛ so baaŋ paŋ kenyɛn nseŋ chɛl nɛ bumo be mbre maaŋ naa kɔ eleŋ.

Jowɛl 2:5

B baa wɔ abee so a tɛ, bumo be egbri du fanɛ egbaŋɛturko be egbri nna, a shin nɛ kaplɛkama bee gbri waa fanɛ kananɛ edɛ bee chɔɔ afitiri wɔlso nɛ a bee gbri na. Baa pɛ abar a yɔ kena to nna.

Levitikɔs 3:11

bɔrɛmatapoana na be eko nɛ e chɔɔ amo kikɛ bɔrɛsure na so n lara ajibi be sarga n sa Enyɛnpe Ebɔrɛ na.

Levitikɔs 3:16

Bɔrɛmatapo na beeŋ chɔɔ amo kikɛ bɔrɛsure na so fanɛ ajibi be sarga nɛ k bee par Enyɛnpe Ebɔrɛ na. Nfɔ na kikɛ la Enyɛnpe Ebɔrɛ na peya nna.

Maika 5:1

Jerusalɛmebi, men gama men be benapo abar so n wora shiriya, ŋkpal manɛ so, bedoŋ kulti anyi nna n wɔtɔ! Baa fin kekɔ Israɛlebi be ewura kena ŋ ŋe mbe ketaya kedibi nna.

Nahum 3:2

Kusɔ nɛ k beeŋ ba kumo so nde: Achuchɔ beeŋ gbelge kumo basa so, nɛ ekama e nu egbaŋɛ nɛ egbaŋɛturko be eshile be egbri nɛ a beeŋ sɔ kumo kikɛ to na.

Zakareya 6:13

Mo e naŋ pɔr kumo n nya kemaŋkura fanɛ ewura na nseŋ ji mbe basa so kuwura. Mo nɛ bɔrɛmatapo ko beeŋ wora kɔnɔkoŋwule n chɛ abar to n shuŋ kayurwushiso.’

Matiu 3:11

Nchu nɛ ma ere kɔ a bɛr menyi kabɔrɛbɛr a ŋini fanɛ men lar menyi be alubi to, ama emo nɛ e wɔ ma kaman a ba na beeŋ shin nɛ Kiyoyu Cheeŋ na nɛ edɛ e gbelge menyi so. E chɔ ma ga, hale m maŋ fo mbe aya to be shishɛr gba so.

Ashuŋ Shunso 2:19

Meeŋ wora emamachisheŋ ebɔrɛso nɛ Ebɔrɛ be asheŋ ŋiniso kasawule so. Baaŋ wu ŋklaŋ nɛ edɛ nɛ edishi damta.

Ashuŋ Shunso 2:3

Ndoŋ nna nɛ b wu adonduloŋ fanɛ edɛ be adondulombi nɛ a ba barga to nɛ amo be kekama yɔ beyirdapoana na be ekama so.

2 Tɛsalɔnikaebi 1:8

m ba gberge basa nɛ b maŋ nyi Ebɔrɛ nɛ bumo nɛ b maa bɛ an Nyɛnpe Yesu be baru lela na so kusoe.

Demujipoana 13:18

Nɛ malaika na bishi mo le: “Manɛ nna nɛ fee sha kepin ma ketre? K la mamachi be ketre nna. Ŋ kaŋɛ fo kumo gba fo maaŋ pin to.”

1 Samuɛl 14:19

Saŋɛ nɛ Sɔɔl bee malga bɔrɛmatapo na kutɔ na nɛ kebagato nɛ k wɔ Filistiebi na be keeyi to na bee wora keshi a ti so. Ndoŋ nna nɛ Sɔɔl kaŋɛ le: “Yige, ŋkpal manɛ so saŋɛ maŋ naa wɔtɔ nɛ fo bishi Enyɛnpe Ebɔrɛ kusɔ nɛ anyeeŋ wora.”