Aizaaya 9:4 - EBƆRƐ BE KAWƆL

⁴ Ŋkpal manɛ so, fo e pɔɔ basa nɛ b ta fo basa ŋ ki anya a kɔrfɛ bumo ŋkpal eleŋ nɛ b kɔ so na so. Fo e kɔ n sɔ bumo fanɛ kananɛ dra na fo mɔlga fo basa ashi Midian be efuli so be benapo be enɔ to na.

Aizaaya 9:4 ပူးပေါင်းရင်းမြစ်များ

Jɛnesis 27:40

Fo tokobi so nɛ feeŋ baa bɔla a ji; fo alɛ beeŋ baa la fo sipo be kayɛrbi nna. Ama kachɛ nɛ fo ba diewu bre, feeŋ sɔ fo kumu ashi mbe enɔ to.”

Nshɛ 125:3

E maaŋ shuli n shin nɛ kumukpakpasowuraana e ji kuwura mbe basa so, ŋko n fule bumo nɛ b wora alubi.

Nshɛ 81:6

“Ma e daŋ bɛge esulɔ gbɛgbɛso na ashi menyi so, nseŋ sɔ nlantaŋɛ gbɛgbɛso na menyi be enɔana to.

Aizaaya 10:16

Enyɛnpetale Ebɔrɛ na beeŋ shin nɛ kulɔ lubi e tɔr fo nɛ fo benapo so nseŋ shin nɛ fo eyur e bel edɛ fanɛ k ka bee suse ashi fo kuwurpiŋi to na.

Aizaaya 10:5

Ndoŋ nna nɛ Enyɛnpe Ebɔrɛ na kaŋɛ: “N ta Asiriya fanɛ kaprɛ nna nɛ ŋ gberge basa nɛ n nya agbo n wɔtɔ na kusoe.

Aizaaya 14:25

Meeŋ mur Asiriya be efuli so be basa ashi ma kasawule nɛ k la Israɛl be fuli na so nseŋ chichi bumo so ashi ma abee so. Ma alɛ beeŋ mɔlga ma basa ashi bumo be etɔrɔ kikɛ nɛ bumo be kebaala Asiriyaebi be anya to.

Aizaaya 16:4

Men shin nɛ an chena menyi be kasawule so nɛ men baa kuŋ anyi ashi basa nɛ baa sha kemur anyi na kutɔ.” Mowabebi, men doŋana nɛ b maa wu kuwɔr nsaa kɔrfɛ menyi na maaŋ naa wɔtɔ. B maaŋ naaŋ kɔ menyi m mur menyi be efuli.

Aizaaya 47:6

N daŋ nya agbo n wora ma basa nna, nseŋ daŋ wora bumo fanɛ b ka maŋ naa la ma basa. Ŋkpal loŋ so nɛ n ta bumo m bɔɔ menyi enɔ, menyi alɛ daa maŋ wu bumo kuwɔr. Men daa ŋmenyaŋ bumo to be basakpar na gba nna.

Aizaaya 49:26

Mo alɛ beeŋ shin nɛ bumo nɛ baa mɛaŋ menyi na gbagba e mɔ abar nsaa wora asheŋ fanɛ b ka boo na. Saŋɛ na so ekama beeŋ pin fanɛ Enyɛnpe Ebɔrɛ na e la anyi be emɔlgapo. Bumo alɛ beeŋ naŋ pin fanɛ Israɛl be Ebɔrɛ lempo na e kɔ n sɔ mbe basa n yige.”

Aizaaya 51:13

Men teŋ Enyɛnpe Ebɔrɛ nɛ e to menyi nseŋ to esoso nɛ kasawule kikɛ na so nna a? Nɛ manɛ nna nɛ menyee ŋana kufu ŋkpal basa nɛ baa kɔrfɛ menyi nsaa sha kemur menyi agbo so na? Bumo be kanya agbo maaŋ tiŋ n wora menyi shɛŋ.

Aizaaya 52:2

Jerusalɛm to ebi, men lar menyi be asheŋ lubi to! Men lar men be asheŋ lubi nɛ a du fanɛ efɔl ŋkre menyi be ebɔ to na to.

Aizaaya 54:14

Fo basa be kewora kusɔ nɛ k daga nɛ bumo be kewora asheŋ nɛ amo be ekpa so beeŋ shin nɛ fo baa kɔ eleŋ. Ma alɛ beeŋ lara bumo be kafɔŋ kikɛ ashi fo to, nɛ a maa naŋ taga fo to gba kuraa.

Aizaaya 9:5

Benapo nɛ b bɛ abar so a nite be asɛbtagboŋ nɛ bumo be asɔbuuso nɛ ŋklaŋ gbiti na kikɛ beeŋ chɔɔ edɛ to m mur.

Jɛremaya 30:8

Kumo be kaman nɛ Enyɛnpetale Ebɔrɛ na kaŋɛ le: “Jemanɛ na kaŋ fo, meeŋ buri kubɔ to be kebarga nɛ k deŋ menyi be abɔ so na to nseŋ tuge ŋgbɛlɛbi nɛ a chɛ men be mbre nɛ aya kikɛ na, saŋɛ na so menyi maaŋ naa la anya n sa efuli pɔtɛana so be basa.

Jɛremaya 48:17

nɛ menyi efuliana nɛ men taga Mowab be efuli so to na, nɛ menyi kikɛ nɛ men nyi kananɛ k daa du na e shu n sa kumo. Menyeeŋ kaŋɛ le: ‘Kumo be eleŋgboŋ nɛ k kɔ a ji kuwura na nɛ kumo be kemaŋkura nɛ yuku na kikɛ maŋ naa wɔtɔ.’ ”

Levitikɔs 26:13

Ma Enyɛnpe menyi be Ebɔrɛ na e lara menyi ashi Ijipt be efuli so m ba saŋɛ na so menyi maaŋ naa la anya. Ma e kɔ m pɔɔ eleŋ kama nɛ k daa ji menyi so na so, saŋɛ na so, menyi maŋ naa fɔŋ shɛŋ so na.”

Nahum 1:13

Meeŋ shin nɛ Asiriyaebi be eleŋ nɛ baa ji menyi so na e ba ekar, nɛ n tuge ŋgbɛlɛbi nɛ b ta ŋ kre menyi na to.”