Aizaaya 9:3 - EBƆRƐ BE KAWƆL

³ Enyɛnpe Ebɔrɛ, fo shin nɛ fo basa wora keshi n ti so; fo alɛ nseŋ shin nɛ bumo be ŋgbene fuli bumo. Baa ji eyur kagbenefuliso ashi kusɔ nɛ fo wora to nna, fanɛ kananɛ basa nɛ b teŋi ayu be ŋgbene bee fuli bumo na, ŋko fanɛ basa nɛ b kɔ n suge asɔ kena to nsaa barga amo to na.

Aizaaya 9:3 ပူးပေါင်းရင်းမြစ်များ

Nehemaya 9:23

Fo daŋ bar bumo kasawule nɛ fo nase kumo be kɔnɔ n sa bumo nanaana na so nna. Kumo be kaman nɛ fo nɛfa bumo nɛ k wora fanɛ bumo be efuli so be basa ka daa shi a chɔ achɛkpabi nɛ e wɔ awɔlpa to na.

Job be kawɔl 12:23

Mo e naa shin nɛ efuli bee ki efuligboŋ nsaa nya eleŋ, kumo be kaman nɛ e naŋ pɔ amo so m mur amo na.

Nshɛ 107:38

Enyɛnpe Ebɔrɛ na beeŋ nɛfa menyi, nseŋ shin nɛ menyi be mbia e wora keshi; mo alɛ maaŋ shin nɛ menyi be ana e duga so.

Nshɛ 119:162

Fo nnɔ naseso bee fuli ma kagbene nna fanɛ esa nɛ e nya yawu kpakpaso be asɔ lela kena to nna.

Nshɛ 4:7

Kagbenefuli nɛ fo sa ma na chɔ kumo nɛ aboyu damta be keburi ŋko nsa damta be kenya bee sa basa ga.

Aizaaya 10:26

Ma, Enyɛnpetale Ebɔrɛ na gbagba e naaŋ ta ma kuchuchɔ ŋ kuya bumo so, fanɛ kananɛ n daŋ wora Midian be efuli so ebi ashi kefalta nɛ k wɔ kakpa nɛ baa tre Ɔrɛb na. Ma alɛ beeŋ ŋini ma eleŋgboŋ nɛ n daŋ ŋini nseŋ shin nɛ ekpa dese Teku Peper na to ashi Ijipt be efuli so na.

Aizaaya 12:1

Kachako bee ba nɛ basa e boŋ kashɛ ŋ kaŋɛ le: “Mee kpaŋ fo nna, Enyɛnpe Ebɔrɛ! Fo daŋ nya agbo nna n wɔtɔ ma, ama fo yige fo kanya agbo na nsaa lɔlɔ ma.

Aizaaya 14:5

Enyɛnpe Ebɔrɛ na shin nɛ bewura lubiana nɛ baa nya agbo ga a kɔrfɛ basa nsaa tɔrɔ efuliana nɛ b kɔ m pɔɔ so na be eleŋgboŋana fo ekar.

Aizaaya 25:9

Jemanɛ na kaŋ fo, ekama beeŋ kaŋɛ le: “Mo e la anyi be Ebɔrɛ! An ta anyi be yirda n deŋi mo so, nɛ e mɔlga anyi. Mo e la Enyɛnpe Ebɔrɛ na! An ta anyi be yirda n deŋi mo so, nɛ anyi be ŋgbene fuli nɛ an nya kagbenewushi ŋkpal e ka mɔlga anyi so.”

Aizaaya 26:15

Enyɛnpe Ebɔrɛ, fo e shin nɛ anyi be basa wora keshi, fo e kpalga anyi be efuli be egbaŋ kaba kama so; nɛ kumo be loŋ bar fo kemaŋkura.

Aizaaya 35:10

Baaŋ ta kagbenefuli nɛ nshɛ n wora awɔr n ya luri Jerusalɛm to. Bumo alɛ be ŋgbene beeŋ fuli bumo mbaanaayɔ; ŋkpal manɛ so, kagbenejija nɛ kafɔŋ maaŋ naa wɔtɔ.

Aizaaya 35:2

Kiyi beeŋ purge kaplɛkama nseŋ boŋ kagbenefuli be nshɛ. K beeŋ baa walɛ fanɛ Lebanɔn be abee nsaa kɔ eleŋ fanɛ kebee nɛ baa tre Kamɛl na, ŋko ketaŋɛ nɛ baa tre Sharɔn na be adɔsawule. Kumo be kaman nɛ ekama e wu Enyɛnpe Ebɔrɛ na be kemaŋkura, nɛ mbe keshi nɛ eleŋgboŋ.

Aizaaya 54:1

Jerusalɛm, fo daa du fanɛ egbentepo nna, ama naniere feeŋ tiŋ m boŋ nshɛ kagbenefuliso Naniere bre feeŋ nya mbia damta a chɔ eche kurgepo nɛ e kɔ ekul gba.

Aizaaya 55:12

Kagbenefuli nɛ menyeeŋ ta n lar Babilɔn be efuli so, nseŋ lar kadegboŋ na to nɛ kayurwushi. Abeegboŋ nɛ abeebi beeŋ baa boŋ nshɛ a sa menyi, nɛ ndibi malɛ e baa kpla enɔ a wɔtɔ.

Aizaaya 61:10

Jerusalɛm bre bee ji eyur kagbenefuliso nna ŋkpal kusɔ nɛ Enyɛnpe Ebɔrɛ na wora so. K du fanɛ kejafɔche ka ta mbe kejafɔ to be asɔbuuso m buu mbe kejafɔachɛ na nna. Ebɔrɛ ta kumɔlga nɛ kekɔmpɔɔso m buu Jerusalɛm nna fanɛ piŋi.

Aizaaya 61:7

Bumo be anishinyɔr nɛ ŋaba beeŋ fo ekar. Baaŋ chena bumo gbagba be kasawule so nɛ bumo be kanya nɛ kedama e daŋɛ so ntuŋ anyɔ so. Bumo be kagbenewushi beeŋ baa wɔtɔ mbaanaayɔ.

Aizaaya 65:14

Ma nyɛrbi beeŋ baa mushe nsaa boŋ nshɛ kagbenefuliso, ama menyi ere be ŋgbene beeŋ jija menyi nɛ men baa shu.

Aizaaya 65:18

Meeŋ shin nɛ menyi be ŋgbene e fuli menyi nɛ men baa ji eyur hale mbaanaayɔ ŋkpal asɔ nɛ meeŋ to so. Kagbenefuli beeŋ bɔlɔ Jerusalɛm popɔr nɛ meeŋ to na to nɛ kumo to be basa be ŋgbene e fuli bumo.

Aizaaya 66:10

Menyi kikɛ nɛ menyee sha Jerusalɛm be kadegboŋ be asheŋ, men tu kumo n ji eyur! Menyi nɛ menyi be ŋgbene jija ŋkpal kumo so na e tu kumo n ji eyur naniere!

Jɛremaya 31:7

Kede be kaman, nɛ Enyɛnpe Ebɔrɛ na naŋ kaŋɛ le: “Men boŋ kagbenefuli be nshɛ n sa Israɛl be efuli, nɛ k la efuligboŋ ashi efuliana na kikɛ to na. Men boŋ nshɛ ŋ kpaŋ ma ŋ kaŋɛ le: ‘Enyɛnpe Ebɔrɛ na mɔlga mbe basa; mo e kɔ n sɔ bekama nɛ b ka na.’

Hoziya 4:7

Kananɛ bɔrɛmatapoana na bee wora kishi a ti so, loŋ koŋwule nɛ baa wora alubi a gbiti ma a ti so. Ŋkpal loŋ so, meeŋ shin nɛ men be kemaŋkura nɛ men kɔ na e ki anishinyɔr n sa menyi.

Levitikɔs 26:13

Ma Enyɛnpe menyi be Ebɔrɛ na e lara menyi ashi Ijipt be efuli so m ba saŋɛ na so menyi maaŋ naa la anya. Ma e kɔ m pɔɔ eleŋ kama nɛ k daa ji menyi so na so, saŋɛ na so, menyi maŋ naa fɔŋ shɛŋ so na.”

Zakareya 10:8

Meeŋ tre ma basa m ba gama abar so, ma alɛ beeŋ mɔlga bumo nseŋ shin nɛ b wora keshi a du fanɛ kananɛ b daa sa na.

Zakareya 2:11

Loŋ be saŋɛ na efuli damtaana beeŋ ba Enyɛnpe Ebɔrɛ na kutɔ m ba ki mbe basa. E beeŋ ba chena menyi to nɛ men pin fanɛ mo e shuŋi ma menyi kutɔ.

Zakareya 8:23

Loŋ be jemanɛ na so, eyiri pɔtɛ nɛ efuli pɔtɛana so be basa kudu beeŋ pɛ Israɛl be esa koŋwule be kale to nsaa kaŋɛ mo le: Shin nɛ an bɛ fo so a yɔ, ŋkpal manɛ so, an nu fanɛ Ebɔrɛ wɔ men kutɔ nna.”

Luuk 11:22

Ama nɛ elempo ko nɛ e chɔ mo eleŋ ba tu mo m bile nseŋ pɔɔ mo so, amodoŋwura bee sulɔ asɔ na wura be kena to be asɔ nɛ e daŋ ta mbe yirda kikɛ n wɔtɔ na nna n yɔ nseŋ barga asɔ nɛ e daŋ yuri na to.

Ashuŋ Shunso 8:8

Amoso, kagbenefuli daŋ bɔlɔ Samɛria be kade na to kikɛ nna.

Filipaiebi 4:4

Men shin nɛ men be ŋgbene e baa fuli menyi ashi Enyɛnpe to saŋkikɛ. Kashenteŋto, meeŋ naŋ lɔŋɛ ŋ kaŋɛ loŋ fanɛ: Men shin nɛ men be ŋgbene e baa fuli menyi.

1 Pita 1:8

Men maŋ naŋ wu mo nna na pɔɛŋ ŋkaa sha mo na. Men maŋ naŋ wu mo naniere, ama menyi alɛ yirda mo nsaa kɔ kagbenefuli damta nɛ esa maaŋ tiŋ n ji kumo be asheŋ nɛ kemaŋkura wɔ kumo to na e bɔlɔ menyi to nna.

Demujipoana 5:3

Bewura, men nu nfe! Bewurjipo, men kaŋ asoe n nu! Ma ere beeŋ laŋ alaŋsɔ m boŋ kashɛ n sa Enyɛnpe, Israɛl be Ebɔrɛ na.

Demujipoana 7:22

Gidiɔn nɛ mbe benapo alfa asa na ka foŋ bumo be mbel na nɛ Enyɛnpe Ebɔrɛ na shin nɛ keyeŋiyeŋi tɔr bumo doŋana na so nɛ b pee etokobi a kɔ abar, nseŋ fara a shile a yɔ Bɛf Shitta nɛ k wɔ Zarera be kaba so na. B daŋ shile hale n ya fo Abel Mɛhola nɛ k taga Tabat to na.

Demujipoana 8:12

Nɛ Zeba nɛ Zalmuna nɛ b la Midian be bewura na shile, nɛ Gidiɔn ju m buu bumo so hale n ya pɛ bumo nɛ keyeŋiyeŋi tɔr Midian be benapo na kikɛ so nɛ baa shile.

1 Samuɛl 30:16

Ndoŋ nna nɛ e yɛr Deevid Amalɛkebi na kutɔ. B ka yɔ bumo kutɔ nɛ baa ji a nuu nseŋ pesaŋ to n sɔ kaplɛkama a ji bumo be eyur ŋkpal b ka ya kɔ Filistiebi nɛ Judaebi kena m pɔɔ bumo so nseŋ ta bumo be asɔ damta so.