Baaŋ mɔ menyi kena to ŋko ŋ gberge menyi n yɔ kenyaya to. Ama amo nɛ amo kikɛ, Enyɛnpe Ebɔrɛ na be agbo maaŋ wushi. E kraa beeŋ baa sha kegberge menyi kusoe n ti so.
Enyɛnpe Ebɔrɛ na beeŋ baa keni betirpo nɛ b wɔ mbe basa Israɛlebi to so fanɛ kananɛ mbolpɔkpapo bee keni mbe mbolpɔ so na. E beeŋ shin nɛ b baa wɔtɔ nɛ shɛŋ maaŋ naa tɔrɔ bumo. Ama mo alɛ beeŋ shin nɛ akoŋgboŋ e tɔr menyi Filistiebi so nɛ menyi be ekama maaŋ pete.
To, Enyɛnpetale Ebɔrɛ na bee shin nɛ e lara kusɔ kama nɛ esa kama nɛ basa ta bumo be anishi n yuu so ashi Jerusalɛm to nɛ Juda be efuli so nna. E bee shin nɛ e lara bumo be ajibi jiso nɛ nchu nuuso,
Mo alɛ beeŋ shin nɛ bumo nɛ baa mɛaŋ menyi na gbagba e mɔ abar nsaa wora asheŋ fanɛ b ka boo na. Saŋɛ na so ekama beeŋ pin fanɛ Enyɛnpe Ebɔrɛ na e la anyi be emɔlgapo. Bumo alɛ beeŋ naŋ pin fanɛ Israɛl be Ebɔrɛ lempo na e kɔ n sɔ mbe basa n yige.”
Enyɛnpe Ebɔrɛ na nya agbo ga nna n wɔtɔ mbe basa nsaa shin nɛ e gberge bumo kusoe kenishipereso. Abee beeŋ gbuŋgbuŋ nɛ basa e wu n dese agbembiana so fanɛ epi na. Ama amo nɛ amo kikɛ Enyɛnpe Ebɔrɛ na be agbo kraa maaŋ wushi. E kraa beeŋ baa sha kegberge menyi kusoe n ti so.
Kumu lubi be ntuŋ anyɔ e tu menyi. Menyi be kasawule mur ŋkpal kena so, nɛ akoŋ malɛ naŋ mur menyi be basa. Esa kikɛ malɛ maŋ wɔtɔ nɛ e shu menyi so n lolo menyi.
Baaŋ maŋ amu so ŋ keni esoso ŋko n to anishi ŋ keni kasawule, bumo alɛ maaŋ wu shɛŋ she etɔrɔ nɛ tentembiri. Tentembiri mina nɛ k bee da kufu ga na to nɛ baa yɔ.”
Kumo be kaman nɛ n ta bumo ŋ ŋmɛa abar fanɛ mpuya nɛ b bure. M maaŋ wu basakpar ŋko mbifɔlbi kikɛ kuwɔr. Bumo kikɛ beeŋ wu m mur. Ma, Enyɛnpe Ebɔrɛ e kaŋɛ na.”
Bedoŋ beeŋ ba kulti kadegboŋ na n wɔtɔ a fin kebure egbalana n luri m mɔ kumo to be basa. Ajibi beeŋ loge kadegboŋ na to nɛ basa na e baa mɔ bumo braana nɛ bumo be mbia gba a we ŋkpal akoŋ so.”
Menyeeŋ ji ajibi, ama menyi alɛ maaŋ moɛ. Menyeeŋ chala asɔ n yili, ama menyi alɛ maaŋ baa kɔ mpetɛ nɛ a yil. Ma, Enyɛnpe Ebɔrɛ na beeŋ shin nɛ bedoŋ e ba kɔ n suge amo kikɛ.
Kumo be kaman nɛ ŋ kaŋɛ mbolpɔ na le: “M maaŋ naa la menyi be ekenipo. Bumo nɛ baaŋ wu, b wu. Bumo nɛ baaŋ mur malɛ e mur. Bumo nɛ baaŋ ka malɛ e baa pɛ abar a we.”