Aizaaya 9:18 - EBƆRƐ BE KAWƆL

¹⁸ Basa na be kumu kpakpaso bee salga to fanɛ edɛ nɛ k bee chɔɔ kiyi a ji afitiri wɔlso a mur na nna. K du fanɛ edɛ ka ji kupo n loge nɛ edishi bee kaa na nna.

Aizaaya 9:18 ပူးပေါင်းရင်းမြစ်များ

1 Bewura 16:21

Ewura Zimri ka wu be kaman, nɛ Israɛlebi na barga to. Bumo be beko daa sha Ginaaf pibinyɛn Tibni ka ki ewura nna nɛ beko malɛ daa sha Omri ka ki ewura.

Nshɛ 37:20

Ama belubiworapo, nɛ b la Ebɔrɛ mo doŋana na bre, beeŋ foe fanɛ kananɛ edishi bee shi edɛ to a lar a foe na.

Nshɛ 68:2

Shin nɛ b pesaŋ to fanɛ edishi. Shin nɛ b ŋalga fo anishito fanɛ kananɛ kemushoŋmar bee ŋalga edɛ to na.

Nshɛ 83:14

Kananɛ edɛ baa ji kupo na, ŋko a suse abee so na,

Aizaaya 1:31

Kananɛ edɛbi beeŋ tiŋ n shin nɛ afitiri wɔlso e chɔɔ m mur na nɛ menyi to be bejuŋkparpo lempoana gbagba be asheŋ lubi beeŋ mur bumo nɛ esa kikɛ maaŋ tiŋ n chɛ bumo to.

Aizaaya 1:7

Menyi be efuli na kikɛ mur nɛ esa kikɛ maŋ naa wɔ kumo so nɛ kumo be ndegboŋana na chɔɔ a dese fuloŋ. Men yil a keni nna nɛ befɔ ta menyi be kasawule nseŋ mur kusɔ kama cheche.

Aizaaya 26:11

Enyɛnpe Ebɔrɛ, fo doŋana maŋ nyi fanɛ feeŋ gberge bumo kusoe. Shin nɛ b wu fanɛ fee sha kebaachɛ fo basa to saŋkama nna, nɛ anishinyɔr e pɛ bumo. Shin nɛ edɛ nɛ fo bela ase a jo fo doŋana na e chɔɔ bumo m mur.

Aizaaya 27:4

Kumo be kaman, m maŋ naŋ nya agbo n wɔtɔ ndibi sɔrso be kudɔ na. Nɛ fanɛ ewi be yiri yiri kɔr kumo to gba, meeŋ tia amo kikɛ n chɔɔ m mur cheche.

Aizaaya 3:5

Basa beeŋ baa kɔrfɛ abar. Mbifɔlbi maaŋ baa sa bumo be benimuana bunyaŋ. Basa jiga maaŋ naa bunyaŋ basa nɛ b daga bunyaŋ.

Aizaaya 30:30

Enyɛnpe Ebɔrɛ na beeŋ shin nɛ ekama e nu mbe ebɔlgboŋ nɛ k kɔ kufu na nɛ mbe agbogboŋ nɛ k du fanɛ edɛ wuloŋ wuloŋ nɛ bɔrɛfugboŋ nɛ abɔrɛjembubi nɛ bɔrɛchu damta na be asheŋ.

Aizaaya 30:33

Dra dra na kikɛ nɛ Enyɛnpe Ebɔrɛ na bela kakpa nɛ edɛgboŋ beeŋ chɔ Asiriya be ewurgboŋ m mɔ na ase n yili. Ndoŋ la kakpa chiŋgeliŋ nsaa wɔ mpar nna nɛ ndibi biti abar so kumo to. Enyɛnpe Ebɔrɛ na e naaŋ fute edɛ be adondulombi n wɔtɔ ndibi na to nɛ a suseso.

Aizaaya 33:12

Menyeeŋ chɔɔ ŋ ki nsunɔ fanɛ afitiri wɔlso ka ji edɛ na.

Aizaaya 33:14

Kufugboŋ beeŋ tɔr Jerusalɛm be basa lubi nɛ b maa ŋana Ebɔrɛ na so nɛ b baa chicha. B yɛ: “Ebɔrɛ be demuji du fanɛ edɛ nɛ k bee chɔ a maa duŋ nna. Anyi to be beko beeŋ tiŋ n luri edɛ ere to n lar nɛ anyi maaŋ wu a?”

Aizaaya 5:24

Kananɛ atuweklaŋ nɛ afitiri bee wɔl nsaa ji edɛ na nɛ menyi alɛ gba beeŋ ji edɛ nɛ menyi be nliŋi e bɛ nɛ menyi be atoto malɛ e wɔl nɛ afu e gbaŋgbaŋ amo n lɛ! Ŋkpal manɛ so, men kini kesɔ Enyɛnpetale Israɛl be Ebɔrɛ cheembi na be keŋini na.

Aizaaya 50:11

Menyi kama nɛ menyee kre men braana kemur be nia na, menyi gbagba be ŋkre e naaŋ mur menyi. Enyɛnpe Ebɔrɛ na beeŋ gberge menyi kusoe n shin nɛ men ji awurfoŋ.

Jɛremaya 9:3

Jemanɛ kikɛ b wora shiriya nɛ b baa ku efɛ nna. Kapuni e naa ji kuwura kasawule na so, mannɛ kashenteŋ. Ndoŋ nna nɛ Enyɛnpe Ebɔrɛ na kaŋɛ le: “Ma basa baŋ lar kulubi ko to baa luri kenyɔsopo to nna, bumo alɛ maŋ nyi fanɛ ma e la bumo be Ebɔrɛ na.”

Hoziya 13:3

Amoso bumo kikɛ beeŋ foe fanɛ kachipurso be kenyɔlɔ na ŋko kananɛ bunyaŋ bee tɔr nsaa kpata to kachipurdidi na. Baaŋ baa du fanɛ b ka bee chela asɔ kugooro so nɛ afu ta amo be amimi a yɔ ŋko kananɛ edishi bee bɔla tokuro to a lar kowu na nna.

Jowɛl 2:20

Meeŋ ju benapo be katuŋgboŋ, nɛ b shi kelarga to be esoso m ba fanɛ elotɔr na, ashi menyi to n ya lɛ keshishɛrsawule so kiyi to chil. Meeŋ ju bumo be bejuŋkparpoana n yɔ Teku Wuso na to nseŋ shin nɛ bumo be bemantopo na malɛ e yɔ Mɛditerenia be teku to, n ya wu mbɛ a dufɛ.”

Jowɛl 2:3

Baaŋ jija kusɔ kama nyam fanɛ kananɛ edɛ bee ji asɔ na. Kasawule kama nɛ k wɔ bumo be anishito du fanɛ kudɔbi nɛ baa tre Iden na nna. Ama kumo nɛ k wɔ amo be kaman to bre du fanɛ keshishɛrsawule, nɛ shɛŋ maŋ wɔ kumo so na nna. Shɛŋ shɛŋ malɛ maaŋ tiŋ ŋ gelge bumo.

Eemɔs 7:4

Bɔrɛdare ere to Enyɛnpetale daŋ kaŋɛ nna fanɛ mbe demuji beeŋ ba mbe basa so, nɛ edɛ e ba chɔɔ kusɔ kama ashi kasawule ere so n ta tekugboŋ na gba n tiso.

Obadaya 1:18

Jeekɔb be kanaŋ to ebi beeŋ baa du fanɛ edɛ suse so nna nɛ Isɔɔ malɛ be kanaŋ to ebi e baa du fanɛ afitiri wɔlso nɛ baaŋ chɔɔ. Isɔɔ be kanaŋ to be ekama maaŋ naŋ ji efute. Ma, Enyɛnpetale na e kaŋɛ loŋ na.

Nahum 1:10

Baaŋ baa du fanɛ besanuupo nɛ b nuu nsa ga nɛ a pɔɔ bumo so nna; ŋko ajinjɛ nɛ atuweklaŋ nɛ a mel abar to nɛ edɛ chɔɔ amo m mur na nna.

Nahum 1:6

E baŋ nya agbo, esa kikɛ maaŋ pete. Esa kikɛ maaŋ tiŋ ŋ gelge mbe agbogboŋ na. Mbe agbo du fanɛ edɛ nna a pante afalta nɛ a bee bure to a ki eshishɛr.

Malakai 4:1

Enyɛnpetale na yɛ: “Kachako bee ba nɛ basa nɛ b kpeŋ nɛ belubiworapoana kikɛ e chɔɔ fanɛ atuweklaŋ. Kumo be kachɛ na baaŋ chɔɔ m mur cheche nɛ bumo be kusɔ kama maaŋ ka.

Matiu 25:41

Ade be kaman nɛ ŋ kaŋɛ bumo nɛ b wɔ ma bena so na le: ‘Basa lubi ere, men shile ma so n yɔ edɛ nɛ b puga n yili Setani nɛ mbe emalaika na to. Edɛ na maa duŋ kikɛ.

Ditɛronɔmi 32:22

Kumo be kaman nɛ ma agbo e suse fanɛ edɛ n chɔɔ kusɔ kama durnya to, n ta menyi be adɔ n ti so. Edɛ na beeŋ chɔɔ hale bubuni to ashi kasawule to nseŋ naŋ chɔɔ abeeana gba m mur.

Hibruwebi 6:8

Ama kasawule kama nɛ k bee kɔr ewidibiana nɛ ajinjɛ nawule la kasawule jiga nna, nɛ kumo alɛ maŋ de so, k beeŋ nya kɔnɔso nɛ kumo be kaman b chɔɔ kumo edɛ.

Kelaraŋŋini 14:11

Edɛ mo nɛ a bee sa bumo ebesa na be edishi baa wɔtɔ nna mbaanaayɔ. Kapa nɛ kanyɛ bumo nɛ baa maŋ kusɔbɔya na nɛ mbe kaduli na so ŋko ekama nɛ e nya mbe ketre be lamba na daa maa kɔ ewushi kikɛ.”