Aizaaya 9:14 - EBƆRƐ BE KAWƆL

¹⁴ Amoso kachɛ koŋwule nɛ Enyɛnpe Ebɔrɛ na beeŋ ta ŋ gberge Israɛlebi na nɛ bumo be bejuŋkparpoana kusoe nseŋ mur bumo kikɛ kuraa.

Aizaaya 9:14 ပူးပေါင်းရင်းမြစ်များ

Aizaaya 10:17

Ebɔrɛ cheembi nɛ e la Israɛl be kefulto na beeŋ kilgi fanɛ edɛ n shin nɛ fo suse so kachɛ koŋwule fanɛ kupuŋ wɔlso na.

Aizaaya 19:15

Esa kikɛ ashi Ijipt be efuli so maaŋ tiŋ n wora shɛŋ n chɛ to, k maŋ tir ŋko esa na la damawura nna ŋko etirpo.

Aizaaya 30:13

Men wora n jija. Men ki fanɛ egbal jeŋgreŋ nɛ k yili esoso m baŋɛ m ba fo kaseto nna. Menyi alɛ beeŋ tiŋ n tɔr epul to.

Jɛremaya 6:21

Ŋkpal loŋ so, ma Enyɛnpe Ebɔrɛ na beeŋ shin nɛ basa ere e fiti n tɔr. Betuto nɛ benio nɛ bumo be bibi nɛ beteriana nɛ bechenashapoana kikɛ beeŋ wu ashi asheŋ nɛ e beeŋ ba bumo so na to.”

Jɛremaya 8:12

Ma basa, anishinyɔr daŋ pɛ menyi nna ŋkpal men ka wora ekishisheŋ ere so a? Anishinyɔr daŋ maŋ pɛ menyi. Menyi maŋ kɔ nyɔmɔ gba kuraa. Ŋkpal loŋ so, menyi alɛ gba beeŋ tɔr fanɛ kananɛ beko daŋ tɔr na. Jemanɛ nɛ meeŋ gberge menyi kusoe na nɛ menyi be kusɔ kama beeŋ fo ekar. Ma, Enyɛnpe Ebɔrɛ e kaŋɛ na.

Nfabel 4:16

Bumo be asheŋ daa maŋ naŋ tir Enyɛnpe Ebɔrɛ na, amoso mo gbagba e daŋ shin nɛ b pesaŋ to n sɔ kaplɛkama. E daa maŋ naa sa anyi be anebiana nɛ bɔrɛmatapoana na bunyaŋ ŋko a wu bumo kuwɔr gba.

Hoziya 1:4

Ndoŋ nna nɛ Enyɛnpe Ebɔrɛ kaŋɛ Hoziya le: “Nase fo kebia na be ketre Jizreel, ŋkpal manɛ so k maaŋ chɛr ko nɛ m ba gberge Jehu nɛ e la Israɛl be ewura na be kanaŋ to ebi kusoe, ŋkpal basa nɛ b mɔ ashi Jizreel be ketaŋɛ to na so. Meeŋ mur mbe kuwurji be kanaŋ,

Hoziya 1:6

Gooma ka naŋ di kedampo nɛ e kurge ebiche. Nɛ Enyɛnpe Ebɔrɛ kaŋɛ Hoziya le: “Nase kebia na be ketre Lo-Ruhaama, kumo be kifito e la m maaŋ naŋ ŋini kasha; ŋkpal manɛ so maaŋ naŋ ŋini Israɛlebi ma kasha ŋko n ta bumo be alubi gba m paŋ bumo.

Hoziya 1:9

Ndoŋ nna nɛ Enyɛnpe Ebɔrɛ kaŋɛ Hoziya le: “Nase kebia na be ketre Lo-Ammi. Kumo be kifito e la fanɛ b maŋ naa la ma basa. Ŋkpal manɛ so, Israɛl be basa na maŋ naa la ma basa, nɛ ma alɛ gba maŋ naa la bumo be Ebɔrɛ.”

Hoziya 10:15

Loŋ gbagba chap e naaŋ wora menyi, Bɛtɛl be basa, ŋkpal alubi damta nɛ men wora na so. Saŋɛ nɛ kena na beeŋ fara na nɛ Israɛl be ewura malɛ beeŋ wu.”

Hoziya 13:3

Amoso bumo kikɛ beeŋ foe fanɛ kachipurso be kenyɔlɔ na ŋko kananɛ bunyaŋ bee tɔr nsaa kpata to kachipurdidi na. Baaŋ baa du fanɛ b ka bee chela asɔ kugooro so nɛ afu ta amo be amimi a yɔ ŋko kananɛ edishi bee bɔla tokuro to a lar kowu na nna.

Hoziya 4:5

Kapa nɛ kanyɛ, menyi nɛ menyi be anebiana na kikɛ bee fiti nna a tɔr. Ma alɛ beeŋ mur Israɛl nɛ e la men nio na.

Hoziya 8:8

Israɛlebi gba ki fanɛ efuli pɔtɛana so ebi nna a shuŋ agbir. Amoso b maŋ kɔ tɔnɔ n sa ma fanɛ kapuliya bureso na.

Eemɔs 3:12

Enyɛnpe Ebɔrɛ yɛ: “Kananɛ buluŋ bee ji kubolpɔ nɛ mbolpɔkpapo e ya sɔ kumo be aya anyɔ nɛ kusoe n ya ŋini kubolpɔwura na, aloŋ nɛ baaŋ mɔlga Samɛriaebi nɛ b dese kedamaya be asɔ deseso so ere be basa gbrɛbi nɛ b nya kumɔlga na.”

Eemɔs 6:11

Enyɛnpe Ebɔrɛ na baŋ malga, elaŋgboŋana nɛ afimbiana kikɛ bee bure to nna kpachɛrkpachɛrbi.

Eemɔs 7:17

Kusɔ nɛ Enyɛnpe Ebɔrɛ bee kaŋɛ fo Amaziya nde: “Fo eche beeŋ ki sakaleche ashi kade ere to nɛ b mɔ fo mbia kikɛ kena to. Baaŋ karga fo kasawule m barga kumo to n sa abar, nɛ fo gbagba malɛ e wu efuli pɔtɛ so. Nɛ b tintiŋ Israɛl be basa malɛ n yɔ efuli pɔtɛana so kufɔ kufɔ.” Kumo be kaman nɛ Eemɔs yige mo nseŋ yɔ.

Kelaraŋŋini 18:10

Ebesa mo nɛ e beeŋ ji na be asheŋ beeŋ pɛ bumo kufu nɛ b yili kufɔ nseŋ kaŋɛ: “O fo, kadegboŋ ere, asheŋ nya fo, asheŋ nya fo. O Babilɔn, eleŋ be kadegboŋ, awa koŋwule nawule to nɛ fo ta n nya fo kasogberge na.”

Kelaraŋŋini 18:17

Ekuloŋgboŋ be katɛrɛ nimuso kikɛ nɛ bekama nɛ b wɔ ekuloŋgboŋ to a nite teku so, befarpoana na kikɛ nɛ bekama nyam nɛ baa bɔla nchu so a ji na kikɛ beeŋ yili kufɔ

Kelaraŋŋini 18:8

Ŋkpal loŋ so, mbe etɔrɔ kikɛ beeŋ tu mo kachɛ koŋwule. A beeŋ baa la luwu nɛ kushu nɛ akoŋ. Edɛ beeŋ ji mo, ŋkpal manɛ so, Enyɛnpe Ebɔrɛ nɛ e bee ji mo demu na la elempo nna.”