Aizaaya 9:10 - EBƆRƐ BE KAWƆL

¹⁰ “Nwu nɛ an ta ebirkesi m pɔr na tɔr, ama anyeeŋ ta ajembu m pɔr n tal amo to. Elarbeŋ nɛ an ku ndibi nɛ baa tre sikamɔɔ n wora na buri to, ama anyeeŋ ku ndibi nɛ baa tre sida na be alela n wora elarbeŋ n tal amo to.”

Aizaaya 9:10 ပူးပေါင်းရင်းမြစ်များ

1 Bewura 10:27

Saŋɛ so nɛ e daa ji kuwura na, gbiti bre daŋ gbigi nna fanɛ ajembu ashi Jerusalɛm be kade to nɛ ndibi nɛ baa tre sida na gba daŋ baŋ gbigi fanɛ ndibi nɛ baa tre sikamɔɔ nɛ a wɔ Juda be abee be efuli so na.

2 Bewura 16:9

Tiglaf Pilesa ka nu Ahaz be baru na, nɛ e shin nɛ mbe benapo ya kɔ Damaskɔs kena n sɔ kumo nseŋ mɔ ewura Reezin gba, nseŋ pɛ ndoŋebi n ya ti ebu ashi Kiir.

Hoziya 8:14

Israɛlebi pɔr bewura be elaŋ damta nna nseŋ kplaŋ bumo be etopo na so. Nɛ Judaebi malɛ pɔr nde nseŋ pɔr egbal ŋ kulti amo. Meeŋ shin nɛ edɛ e ba chɔɔ bewura be elaŋ na nɛ nde nɛ b pɔr egbal ŋ kulti na kikɛ nyam.”

Malakai 1:4

Hale nɛ Isɔɔ be kaman to ebi nɛ b la Edɔm be efuli so ebi na kaŋɛ le gba: “Anyi be nde kikɛ mur, ama anyi alɛ beeŋ naŋ lɔŋɛ m pɔr amo.” Ma Enyɛnpe Ebɔrɛ na malɛ beeŋ kaŋɛ bumo le: “Nɛ men lɔŋɛ m pɔr amo gba meeŋ naŋ bure amo nɛ basa e baa tre ndoŋ ‘Belubiworapoana be efuli nɛ Enyɛnpe Ebɔrɛ be agbo wɔ kumo so mbaanaayɔ.’ ”

Luuk 19:4

Ndoŋ nna nɛ e kpal loŋ so n ta ekpa nɛ Yesu beeŋ bɔla so na so n shile n juŋkpar n ya dii sikamɔɔ be kedibi a tase so nɛ Yesu e ba kaa bɔla ndoŋ a choŋ nɛ e wu mo.