Aizaaya 8:8 - EBƆRƐ BE KAWƆL

⁸ Bedoŋ be benapo beeŋ ba sɔ Juda be efuli kikɛ so fanɛ lɔr to be nchu ka bɔlɔ n dii m muni kusɔ kama so na.” Ebɔrɛ wɔ anyi kutɔ! E parga mbe aba to fanɛ kabuibi nna, a kuŋ kasawule na.

Aizaaya 8:8 ပူးပေါင်းရင်းမြစ်များ

2 Bewura 17:3

Saŋɛ so nɛ Hoshiya bee ji kuwura na, Asiriya be ewurgboŋ Shalmaneesa daŋ kre kena nna n ya kɔ m pɔɔ Israɛl so nɛ ewura Hoshiya bee ka lampo a sa mo kafɛ kikɛ.

2 Kronikɛls 12:4

E daŋ kɔ n sɔ Juda be nde nɛ b pɔr egbal ŋ kulti na kikɛ nna hale n ya fo Jerusalɛm.

Aizaaya 10:6

N shuŋi Asiriyaebi nna fanɛ b ya kɔ efuli nɛ b kini ma n shin nɛ n nya agbo na kena. Ma e shuŋi bumo fanɛ b ya suge, nseŋ fuu bumo be asɔ eleŋso nsaa chichi bumo be basa so fanɛ agbembi so be depɔ na.”

Aizaaya 30:28

E shin nɛ afu juŋkpar mo fanɛ nchugboŋ ka bu n sulɔ kusɔ kama a yɔ nna. Nchugboŋ na sulɔ efuliana na n yɔ kemur to nseŋ shin nɛ bumo be ŋkre lubiana kikɛ ba ekar.

Aizaaya 43:2

Nɛ men bɔla lɔr chiŋgeliŋ to gba, ma nɛ menyi e naaŋ baa la. Etɔrɔ nɛ e beeŋ ba menyi so maaŋ pɔɔ menyi so. Nɛ men bɔla edɛ to gba, a maaŋ chɔɔ menyi. Kechɔŋkeni kpakpaso kama nɛ k beeŋ ba menyi so maaŋ pɔɔ menyi so.

Aizaaya 7:14

To, kumo ere Enyɛnpe Ebɔrɛ na gbagba e naaŋ sa anyi tɔɔnɛ. Kasuŋgurbia nɛ e maŋ nyi enyɛn ŋ ku so beeŋ di kedampo ŋ kurge ebinyɛn nseŋ nase mo ketre Immanuɛl. Kumo be kifito e la fanɛ Ebɔrɛ wɔ anyi kutɔ.

Aizaaya 7:17

Ama Enyɛnpe Ebɔrɛ na beeŋ shin nɛ etɔrɔ damta nɛ a chɔ etɔrɔ kama nɛ a daŋ ba menyi so, yili jemanɛ nɛ Israɛl nɛ Juda be kuwurji barga to m ba fo kabre na, e ba fo nɛ fo basa nɛ fo tuto be laŋ to ebi kikɛ so. E beeŋ shin nɛ efuli nɛ baa tre Asiriya na be ewura gba e ba kɔ menyi kena.

Aizaaya 8:10

Men wora menyi be ŋkre! Ama amo alɛ maaŋ tiŋ n wora m bɔlɔ so. Menyeeŋ tiŋ m malga kusɔ nɛ menyee sha! Ama amo kikɛ la fuloŋ nna, ŋkpal manɛ so Ebɔrɛ wɔ anyi kutɔ.

Jɛremaya 47:2

E yɛ: “Keni! Nchu bee bɔlɔ a dii kelargato be esoso; amo alɛ beeŋ ba fanɛ lɔr ka bɔlɔ n dii apla na. Nchu na beeŋ ba buu kasawule nɛ kusɔ kama so, a beeŋ buu ndegboŋana nɛ basa nɛ b wɔ amo to kikɛ so. Edimɛdi beeŋ boŋ to a shu a fin kechɛto nɛ durnya to be basa kikɛ e shu kenishipereso ga.

Jɛremaya 48:40

Enyɛnpe Ebɔrɛ na daŋ nase kɔnɔ nna fanɛ efuli ko beeŋ ba parga kumo be atɛ to m buu Mowab so n fuu kumo fanɛ kusore na.

Jɛremaya 51:42

Babilɔn mo doŋana beeŋ koso fanɛ ketili ka koso teku so na, m ba buu kadegboŋ na so.

Ezikɛl 17:3

n shin nɛ b pin fanɛ kusɔ nɛ ma, Enyɛnpetale Ebɔrɛ, bee kaŋɛ bumo e la fanɛ kajɔnɔkoso gboŋ ko nɛ e daa kɔ aba lempo nɛ atɛ lela ga e daŋ firgi n yɔ Lebanɔn be abee so n ya bu kedibi nɛ baa tre sida na be awɔlto be keyabi.

Ezikɛl 26:19

Ndoŋ nna nɛ Enyɛnpetale Ebɔrɛ na naŋ kaŋɛ le: “Meeŋ shin nɛ menyi be ndegboŋ e bure a dese nɛ esa kikɛ maŋ naa wɔ amo to. Meeŋ shin nɛ teku be nchugboŋ e buu menyi so.

Danɛl 11:10

Siriya be efuli so be ewura na be mbinyɛnsobi beeŋ chala benapo damta n wora kena to be shiriya n lar fanɛ nchu ka bɔlɔ n sɔ kakpa a ba na, ŋ kɔ m ba fo bumo doŋana be egbal nɛ b pɔr ŋ kulti bumo be kade na.

Maika 1:9

Ŋkpal manɛ so, Samɛria jija e shin nɛ k mur cheche nɛ Juda malɛ gba luri loŋ be tɔrɔ na to. Loŋ be tɔrɔ na tiŋ n fo ma basa be mbuna to ashi Jerusalɛm to.”

Maika 5:5

nɛ e bar kayurwushi m ba sa bumo. Asiriya be efuli so be basa kaŋ ba kɔ m bure n luri anyi be mboŋ lempoana to, anyeeŋ shuŋi anyi be bejuŋkparpo lempoana nɛ b ya kɔ bumo.

Matiu 1:23

E yɛ: “Kasuŋgurbia nɛ e maŋ nyi enyɛn beeŋ di kedampo ŋ kurge ebinyɛn nɛ b nase mo ketre Emanuɛl. Kumo be kifito e la fanɛ Ebɔrɛ wɔ anyi kutɔ.”