Aizaaya 8:7 - EBƆRƐ BE KAWƆL

⁷ Ma, Enyɛnpe Ebɔrɛ na, beeŋ shin nɛ Asiriya be ewurgboŋ nɛ mbe benapo kikɛ e ba kɔ Juda be basa. Asiriyaebi na beeŋ ba buu bumo so fanɛ Lɔrgboŋ nɛ baa tre Yufreetes na ka bɔlɔ n dii kumo be kepla kikɛ so na.

Aizaaya 8:7 ပူးပေါင်းရင်းမြစ်များ

Jɛnesis 6:17

Lɔŋɛ kuloŋ na, ŋkpal manɛ so, meeŋ shin nɛ bɔrɛ e ba durnya to nɛ nchu e sɔ kaplɛkama n ji kusɔ futeso kikɛ nyam. Kashenteŋto, durnya to be kusɔ kama nyam beeŋ mur.

2 Bewura 19:32

Kusɔ nɛ Enyɛnpe Ebɔrɛ na kaŋɛ a laŋɛ Asiriya be ewurgboŋ na be kaplɛa so nde: ‘E maaŋ nya n luri kadegboŋ ere to ŋko n to kumo ketanyembi koŋwule gba. Benapo nɛ b keta abɛlso be asɔ kuŋamuso maaŋ taga to kadegboŋ na, bumo alɛ maaŋ nya n dɔ ashigboŋ nɛ baaŋ dii so n luri kumo to ŋko ŋ kulti kumo n wɔtɔ kikɛ.

Ɛzra 4:10

basa nɛ bunyaŋwura Ashubanipal daŋ shin nɛ b ba chena Samɛria be kadegboŋ to na nɛ nde nɛ a wɔ Yufreetes be epeŋitɔrkpa be kasawule so na kikɛ e naa sibɛ kawɔl ere na.

Nshɛ 46:4

eboŋ ko wɔtɔ nna a shile boeŋ boeŋ, a bar kagbenefuli ashi Ebɔrɛ be kadegboŋ cheembi nɛ Enyɛnpetale Ebɔrɛ na wɔ kumo be basa to na so.

Nshɛ 72:8

Shin nɛ mbe kuwurji e yili teku ko ase n salga to n ya fo teku nyɔsopo ase. Ŋko n yili Yufreetes be Lɔr na ase n salga to n ya fo durnya be ekar.

Aizaaya 10:16

Enyɛnpetale Ebɔrɛ na beeŋ shin nɛ kulɔ lubi e tɔr fo nɛ fo benapo so nseŋ shin nɛ fo eyur e bel edɛ fanɛ k ka bee suse ashi fo kuwurpiŋi to na.

Aizaaya 10:5

Ndoŋ nna nɛ Enyɛnpe Ebɔrɛ na kaŋɛ: “N ta Asiriya fanɛ kaprɛ nna nɛ ŋ gberge basa nɛ n nya agbo n wɔtɔ na kusoe.

Aizaaya 11:15

Kumo be kaman nɛ Enyɛnpe Ebɔrɛ na e shin nɛ Teku Peper na be keyabi nɛ k mata Ijipt na e wɔlto nseŋ shin nɛ afu tushiso e ba shin nɛ lɔrgboŋ nɛ baa tre Yufreetes na gba e wɔlto ŋ ka mbombi wurbi ashunu nawule. Saŋɛ na so ekama beeŋ tiŋ n nite m bɔla kumo to n choŋ.

Aizaaya 28:15

Menyee ka kaŋɛ fanɛ menyi ere nɛ luwu wora kɔnɔ nna, nɛ menyi nɛ basa nɛ b wu n yɔ bubuni to be nnɔ wora kukoŋwule. Men yirda fanɛ jɛrbi kama nɛ k beeŋ ba maaŋ wora menyi shɛŋ ŋkpal efɛ nɛ kafule be kebaawɔtɔ nɛ men wɔtɔ na so.

Aizaaya 28:17

Kewora asheŋ nɛ amo be ekpa so nɛ asheŋ niŋiso e naaŋ baa la efɔl nɛ meeŋ baa ta a kargaso a pɔr nɛ k baa niŋi. Bɔrɛjembubi nɛ bɔrɛchu beeŋ bɔlɔ m mur efɛsheŋ nɛ men ta a kuŋ menyi be amu na nseŋ sulɔ amo kikɛ n ya lɛ.”

Aizaaya 28:2

Enyɛnpe Ebɔrɛ na teŋ nya esa ko nɛ e kɔ eleŋ nɛ yuku nseŋ wora shiriya nɛ e kɔ bumo. E la esa nɛ e beeŋ ba fanɛ bɔrɛfugboŋ nɛ kumo nɛ bɔrɛchu wea abar to a ba nɛ k ba buu kasawule so na nna.

Aizaaya 43:2

Nɛ men bɔla lɔr chiŋgeliŋ to gba, ma nɛ menyi e naaŋ baa la. Etɔrɔ nɛ e beeŋ ba menyi so maaŋ pɔɔ menyi so. Nɛ men bɔla edɛ to gba, a maaŋ chɔɔ menyi. Kechɔŋkeni kpakpaso kama nɛ k beeŋ ba menyi so maaŋ pɔɔ menyi so.

Aizaaya 59:19

Yili epeŋilarkpa m ba choŋ epeŋitɔrkpa, ekama beeŋ baa ŋana Enyɛnpe Ebɔrɛ na nɛ mbe eleŋgboŋ nseŋ bunyaŋ mo. E beeŋ ba fanɛ lɔr to be nchu nɛ a bee shile eleŋso ŋko afugboŋ nɛ a bee ber eleŋso na.

Aizaaya 7:17

Ama Enyɛnpe Ebɔrɛ na beeŋ shin nɛ etɔrɔ damta nɛ a chɔ etɔrɔ kama nɛ a daŋ ba menyi so, yili jemanɛ nɛ Israɛl nɛ Juda be kuwurji barga to m ba fo kabre na, e ba fo nɛ fo basa nɛ fo tuto be laŋ to ebi kikɛ so. E beeŋ shin nɛ efuli nɛ baa tre Asiriya na be ewura gba e ba kɔ menyi kena.

Aizaaya 7:20

Jemanɛ na kaŋ fo, Enyɛnpe Ebɔrɛ na beeŋ ber wonjomu paa ashi lɔrgboŋ nɛ baa tre Yufreetes na be kaba ndoŋ m ba she menyi be ntɔl nɛ menyi be amu nɛ eyur so be afuibi. Mo e naaŋ baa la Asiriya be efuli so be ewurgboŋ na.

Jɛremaya 47:2

E yɛ: “Keni! Nchu bee bɔlɔ a dii kelargato be esoso; amo alɛ beeŋ ba fanɛ lɔr ka bɔlɔ n dii apla na. Nchu na beeŋ ba buu kasawule nɛ kusɔ kama so, a beeŋ buu ndegboŋana nɛ basa nɛ b wɔ amo to kikɛ so. Edimɛdi beeŋ boŋ to a shu a fin kechɛto nɛ durnya to be basa kikɛ e shu kenishipereso ga.

Jɛremaya 51:42

Babilɔn mo doŋana beeŋ koso fanɛ ketili ka koso teku so na, m ba buu kadegboŋ na so.

Ezikɛl 26:19

Ndoŋ nna nɛ Enyɛnpetale Ebɔrɛ na naŋ kaŋɛ le: “Meeŋ shin nɛ menyi be ndegboŋ e bure a dese nɛ esa kikɛ maŋ naa wɔ amo to. Meeŋ shin nɛ teku be nchugboŋ e buu menyi so.

Danɛl 11:10

Siriya be efuli so be ewura na be mbinyɛnsobi beeŋ chala benapo damta n wora kena to be shiriya n lar fanɛ nchu ka bɔlɔ n sɔ kakpa a ba na, ŋ kɔ m ba fo bumo doŋana be egbal nɛ b pɔr ŋ kulti bumo be kade na.

Danɛl 11:22

E beeŋ mur benapo damta, n ta Ebɔrɛ be bɔrɛmatapo nimuso gba n ti so.

Danɛl 9:26

Loŋ be saŋɛ na kaŋ ya ka fo ekar, baaŋ mɔ Ebɔrɛ be ejuŋkparpo laraso na. Ejuŋkparpo lempo ko be benapo nɛ baa kɔ a sɔ nde na beeŋ ba mur kadegboŋ na nɛ bɔrɛlambu na kikɛ fanɛ kananɛ nchu bee bɔlɔ a mur kusɔ kama na. Kena malɛ nɛ asɔ be kejija beeŋ baa wɔtɔ nna hale n ya fo Ebɔrɛ be kepar be saŋɛ.

Eemɔs 8:8

Amoso kasawule beeŋ gbuŋgbuŋ to nɛ kagbenejija e tɔr efuli ere be basa kikɛ so nɛ b baa wora kuwɔr be asheŋ. Efuli na kikɛ beeŋ baga to fanɛ kananɛ lɔrgboŋ nɛ baa tre Nail ashi Ijipt be efuli so na bee kaa ketili a yɔ a ba na.

Eemɔs 9:5

Enyɛnpetale Ewurgboŋ baaŋ beta kasawule ere, k bee ŋalga nna, nɛ bekama nɛ b wɔ kumo so kikɛ, e baa shu nli. E bee shin nna nɛ kasawule bee dii a gbelge fanɛ kananɛ lɔrgboŋ nɛ baa tre Nail na bee dii a gbelge na ashi Ijipt be efuli so na.

Maika 1:9

Ŋkpal manɛ so, Samɛria jija e shin nɛ k mur cheche nɛ Juda malɛ gba luri loŋ be tɔrɔ na to. Loŋ be tɔrɔ na tiŋ n fo ma basa be mbuna to ashi Jerusalɛm to.”

Maika 5:4

Ewura na kaŋ ba e beeŋ ta Enyɛnpe Ebɔrɛ na be eleŋ nɛ Ebɔrɛ na be ketre be kemaŋkura n ji kuwura mbe basa so. Mbe basa beeŋ nya kekuŋ gboŋgboŋi, ŋkpal manɛ so, mbe ketre beeŋ dii n yɔ durnya be efuli kama so

Maika 5:5

nɛ e bar kayurwushi m ba sa bumo. Asiriya be efuli so be basa kaŋ ba kɔ m bure n luri anyi be mboŋ lempoana to, anyeeŋ shuŋi anyi be bejuŋkparpo lempoana nɛ b ya kɔ bumo.

Nahum 1:8

Ama e bee mur mo doŋana bre nna fanɛ nchugboŋ ka jija asɔ na. Mo alɛ naa yɛr bumo nɛ baa ji mo emɔrɔ na luwu to nna.

Luuk 6:48

E du fanɛ esa ko ka ya pɔr mbe kowu nna. E ka bee shin nɛ e fara kapɔr na nɛ e kur kasawule n tɔl ebu na be kifi n yili kefalta so. Bɔrɛ ka baŋ to chuful kaplɛkama n ya ber ebu na, k maŋ gbuŋgbuŋ to ŋkpal e ka pɔr ebu na nɛnɛ so.

Kelaraŋŋini 17:15

Ndoŋ nna nɛ malaika na naŋ kaŋɛ ma: “Nchuana nɛ fo daŋ wu na, kakpa nɛ sakaleche na tase na be kifi to e la basa be nnaŋ to nɛ ejimaŋ nɛ efuliana so ebi nɛ ŋgbarana to ebi.