Aizaaya 8:18 - EBƆRƐ BE KAWƆL

¹⁸ Ma nɛ mbia nɛ Enyɛnpe Ebɔrɛ na sa ma na nde. Enyɛnpetale Ebɔrɛ nɛ mbe kuwurputi wɔ kebee nɛ baa tre Zayɔn na so na e shuŋi anyi fanɛ kasokpele be tɔɔnɛ n sa Israɛl be basa.

Aizaaya 8:18 ပူးပေါင်းရင်းမြစ်များ

Jɛnesis 33:5

Kumo be kaman nɛ Isɔɔ ki ŋ keni n wu beche na nɛ bumo be mbia na nseŋ bishi Jeekɔb le: “Fo nɛ basa mo malɛ nna?” Nɛ Jeekɔb kaŋɛ: “Mbia nɛ Ebɔrɛ wu ma kuwɔr n sa ma, fo kenya nna.”

1 Kronikɛls 23:25

Ŋkpal manɛ so Deevid yɛ, Enyɛnpe Israɛl be Ebɔrɛ na sa mbe basa kagbenewushi, mo alɛ Ebɔrɛ na beeŋ baa wɔ Jerusalɛm mbaanaayɔ.

Nshɛ 22:30

Echefosoebi kikɛ beeŋ bunyaŋ mo, nseŋ ji mbe asheŋ be shɛda n sa bumo be kaman to ebi.

Nshɛ 71:7

Ma kebaawɔtɔ ki tɔɔnɛ nna n sa basa damta ŋkpal fo ka la ma ekumpo lempo so.

Nshɛ 9:11

Men boŋ nshɛ n fur Enyɛnpe Ebɔrɛ nɛ e wɔ Zayɔn be kebee so a ji basa so kuwura na, n shin nɛ efuliana e nu kusɔ nɛ e wora.

Nshɛ 9:12

Mo e maŋ teŋ kegberge alubiworapo kusoe so, mo alɛ maa kplaŋ kenu bumo nɛ b wɔ awurfoŋ to be kushu so.

Aizaaya 12:6

Esa kama nɛ e wɔ Zayɔn to e boŋ kashɛ awɔrso; ŋkpal manɛ so, Israɛl be Ebɔrɛ cheembi na shi ga, nsaa wɔ mbe basa to a chɛ bumo to.”

Aizaaya 14:32

Nɛ fanɛ kabɔ ko shi Filisti be efuli so m ba menyi kutɔ, a daga fanɛ men kaŋɛ mo le: “Enyɛnpe Ebɔrɛ na e pɔr Zayɔn, nɛ mbe basa to be etirpo gba e nya a wɔ ndoŋ nɛ shɛŋ maaŋ tɔrɔ mo.”

Aizaaya 20:3

B ka kɔ n sɔ Ashdɔd be kadegboŋ n loge na nɛ Enyɛnpe Ebɔrɛ na kaŋɛ le: “Nfɛ nsa nna na nɛ ma keyɛrbi Aizaaya delge so a nite aya fuloŋ. Kusɔ nɛ k beeŋ wora Ijipt nɛ Itiopia nna na.

Aizaaya 24:23

Kufɔl beeŋ biri to nɛ epeŋi e nyaŋɛ ŋ gben, ŋkpal manɛ so, Enyɛnpetale Ebɔrɛ na e la ewura. Zayɔn be kebee na so nɛ e beeŋ baa wɔ nsaa ji Jerusalɛm so kuwura nɛ basa na be benimuana e wu mbe kemaŋkura.

Aizaaya 53:10

Kumo be kaman nɛ Enyɛnpe Ebɔrɛ na kaŋɛ le: “Ma keparso nɛ ma kenya bee ji awurfoŋ. Mbe luwu na la sarga nɛ k beeŋ bar alubi be ketampaŋ m ba sa basa pɔtɛ nna. Amoso e beeŋ naŋ wu mbe kaman to ebi kenishiso nsaa wɔ ŋkpa to n chɛr. Mo so nɛ kusɔ nɛ ŋ kre kikɛ beeŋ wora m bɔlɔ so nɛnɛ.

Aizaaya 7:16

Ama pɔɛŋ nɛ loŋ be jemanɛ malɛ e fo, bewura anyɔ nɛ fee ŋana na be nsawule beeŋ mur a dese fuloŋ.

Aizaaya 7:3

Ndoŋ nna nɛ Enyɛnpe Ebɔrɛ na kaŋɛ anebi Aizaaya le: “Keta fo pibinyɛn nɛ baa tre Shiya Jashub nɛ kumo be kifito la Basa gbrɛbi e naaŋ bɛta m ba na, nɛ men yɔ ewura Ahaz kutɔ. Menyeeŋ ya wu mo ashi ekpa nɛ k dese m mata kɔrɛwuraana na be eshuŋkpa nɛ k wɔ nchu be kubɔr nɛ k shi esoso a ba kadegboŋ na be lalaloge to na ase.

Aizaaya 8:3

Kedaŋ maŋ chɛr ko nɛ ma eche di kedampo. E ka kurge an pibinyɛn nɛ Enyɛnpe Ebɔrɛ na kaŋɛ le: “Nase mbe ketre ‘NYA MANAŊ N FUU ASƆ, NYA MANAŊ Ŋ KƆ N SUGE ASƆ.’ Ŋkpal manɛ so,

Jɛremaya 44:29

Ma, Enyɛnpe Ebɔrɛ na beeŋ ŋini menyi kusɔ ko nɛ k shin nɛ men pin fanɛ meeŋ gberge menyi kusoe nfe nseŋ naŋ pin fanɛ ŋ ka nase kɔnɔ fanɛ meeŋ mur menyi na la kashenteŋ nna.

Ezikɛl 12:6

Shin nɛ b baa keni fo nɛ fo ta fo adiiku na n di keba nseŋ ta kusɔ m buu fo anishi so n lar n luri tentembiri to a yɔ, saŋɛ na so fo maaŋ wu m pin kakpa nɛ fee yɔ na. Kusɔ nɛ feeŋ wora na beeŋ baa la kusoe kpele n sa Israɛl be basa na.”

Ezikɛl 14:8

M maaŋ sa mo kashuli. Ma alɛ beeŋ gberge mo kusoe nɛ k baa la kefiɛso n sa ekama nɛ e daa fɛ kewora kusɔ nɛ e wora na. Kumo be kaman nɛ n lara mo ashi ma basa to saŋɛ na so nɛ men pin fanɛ ma e la Enyɛnpe Ebɔrɛ na.”

Ezikɛl 4:3

Ade kikɛ be kaman nɛ fo ta kebɛlso paŋgelambi ŋ kuŋ fo nɛ foto nɛ fo wora n deŋi kuboo na so na be nferinto fanɛ kebɛlso be egbal na, nseŋ kilgi fo anishito n shoŋi kebɛlso paŋgelambi na, nɛ k duli fanɛ fo kre kena nna ŋ kulti kade na n wɔtɔ. Kede beeŋ ba la tɔɔnɛ n sa Israɛl be basa na.

Zakareya 3:8

Amoso fo, Joshuwa nɛ fo la bɔrɛmatapo nimuso nɛ fo braana bɔrɛmatapoana nɛ b wɔ nfe, e nu nɛnɛ. Menyi so nɛ echefoso be asheŋ lela kikɛ beeŋ bɔla so m ba, ŋkpal loŋ so mee sha kelara ma kayɛrbi nɛ e la ma ewura laraso na efuli nna.

Zakareya 8:3

Meeŋ naŋ bɛta m ba chena Zayɔn be kebee na so ashi Jerusalɛm to. Aloŋ nɛ ekama beeŋ pin fanɛ Jerusalɛm la ma beyirdapo be kadegboŋ nna nɛ Zayɔn malɛ la ma kebee cheembi.

Luuk 2:18

K daŋ chinchiŋ bekama nɛ b nu mbolpɔkpapoana na be mmalga na ga.

Luuk 2:34

Amo be kaman nɛ Simiɔn nɛfa bumo nseŋ kaŋɛ kebia na mo nio Mɛɛri: “Ebɔrɛ e lara kebia ere nɛ e shin nɛ Israɛlebi be bedamta e foe Ebɔrɛ be ekpa so nɛ bedamta malɛ e pin Ebɔrɛ be ekpa na. E beeŋ ba kaa la Ebɔrɛ be tɔɔnɛ nɛ basa damta e malga ŋ gbiti mo,

Ditɛronɔmi 28:46

Saŋɛ na so, nɛ ekama e wu menyi nɛ men be kaman to ebi nseŋ pin fanɛ Enyɛnpe Ebɔrɛ na be kɔnɔsho e pɛ menyi.

Hibruwebi 10:33

Men nyiŋi saŋko b ka daa bugi to a tege menyi nseŋ daa tɔrɔ menyi nɛ saŋko malɛ b daa wora basa nɛ men daa maŋ lar bumo kaman na loŋ ŋko?

Hibruwebi 12:22

Ama menyi ere ba Zayɔn be kebee na so, ebɔrɛso be Jerusalɛm nɛ k la Ebɔrɛ nɛ e wɔ ŋkpa to be kade to na. Ndoŋ nɛ emalaika ŋgboŋto ŋgboŋto wɔ na.