Aizaaya 8:13 - EBƆRƐ BE KAWƆL

¹³ Baa nyiŋi fanɛ ma, Enyɛnpetale Ebɔrɛ na du cheembi nna. N nawule e daga fanɛ fo baa ŋana ga nsaa sa ma bunyaŋ.

Aizaaya 8:13 ပူးပေါင်းရင်းမြစ်များ

Jɛnesis 31:53

Eebraham nɛ Nahɔɔ nɛ bumo tuto be Ebɔrɛ na e gberge ekama nɛ e maŋ bɛ kɔnɔ naseso ere so kusoe.” Ndoŋ nɛ Jeekɔb yili Ebɔrɛ nɛ mo tuto Aizek daa bunyaŋ na be ketre so m bɔ ntaŋ fanɛ e beeŋ bɛ bumo be kɔnɔ naseso na so.

Nshɛ 76:7

Fo Enyɛnpe Ebɔrɛ na e daga fanɛ ekama e baa ŋana fo. Fo baŋ nya agbo, esa kikɛ maaŋ tiŋ n yili fo anishito.

Ɛksodɔs 20:20

Ndoŋ nna nɛ Mosis kaŋɛ basa na: “Men sa maa lɔ kufu. Ebɔrɛ ba nna nɛ e ba wora menyi ŋ keni nseŋ shin nɛ men baa wora mo kasonu nsaa maa wora alubi.”

Aizaaya 29:23

Men kaŋ wu mbia nɛ meeŋ sa menyi na pɔɛŋ nɛ menyeeŋ pin fanɛ ma e la Israɛl be Ebɔrɛ cheembi na. Saŋɛ na so menyeeŋ maŋkura ma nseŋ bunyaŋ ma.

Aizaaya 5:16

Enyɛnpetale Ebɔrɛ na bre bee wora kusɔ nɛ k daga nna a ŋini mbe keshi, nsaa ji mbe basa demu a lara mbe kecheembiya efuli.

Ezikɛl 38:16

ŋ kre m ba buu bumo so fanɛ bɔrɛfugboŋ ka ba kasawule na so na. Jemanɛ na kaŋ fo, meeŋ shin nɛ men kɔ m pɔɔ ma kasawule so nɛ efuliana na e pin esa nɛ e la ma ashi kusɔ nɛ meeŋ bɔla menyi so n wora a ŋini ma kecheembiya na.”

Levitikɔs 10:3

Ndoŋ nna nɛ Mosis kaŋɛ Ɛɛrɔn: “Kusɔ nɛ Enyɛnpe Ebɔrɛ na daa de saŋɛ nɛ e daa malga fanɛ, bekama nɛ baa shuŋ mo daga b bɔla mbe kecheembiya so n sa mo bunyaŋ. Mo alɛ beeŋ shin nɛ mbe kemaŋkura a dii efuli ashi mbe basa to nɛ b bunyaŋ mo.” Ama Ɛɛrɔn daa maŋ kaŋɛ shɛŋ.

Levitikɔs 22:32

Men sa maŋ kaŋ ŋaba ma ketre cheembi na. Israɛl be basa kikɛ daga b baa nyi ŋ kaa du cheembi. Ma e la Enyɛnpe Ebɔrɛ na. Ma alɛ bee sha fanɛ ma basa e baa du cheembi nna.

Malakai 2:5

N daŋ nase kɔnɔ nna fanɛ meeŋ sa bumo ŋkpa nɛ kebaawɔtɔ lela. Ma alɛ daŋ wora loŋ nna, saŋɛ na so baaŋ ta bunyaŋ n sa ma. Kumo be saŋɛ na malɛ b daa sa ma bunyaŋ nna nsaa ŋana ma.

Nɔmbɛs 27:14

Ŋkpal manɛ so, Israɛlebi na ka fubel m bile asheŋ m malga ŋ gbiti ma ashi Mɛriba nɛ k mata Kadɛsh ashi Zin be keshishɛrsawule so na, kakpa nɛ n shin nɛ nchu lar kefalta to na, menyi basa anyɔ na daŋ maŋ yirda ma nseŋ kini keshin nɛ Israɛlebi na pin ma eleŋ.”

Matiu 10:28

Men sa maa ŋana basa nɛ baa kaa tiŋ a mɔ men be eyur ere ŋkaa maaŋ naŋ tiŋ m mɔ men be ayoyu na. Esa nɛ e daga kaŋana e la emo nɛ e beeŋ tiŋ n jija esa be eyur nɛ mbe kiyoyu kikɛ ashi Setani be edɛ to.

Luuk 12:5

Meeŋ ŋini menyi esa nɛ e daga kaŋana: Men baa ŋana emo nɛ e beeŋ tiŋ m mɔ nseŋ naa kɔ eleŋ nɛ e tiŋ n ta amodoŋwura n wɔtɔ edɛ to. Kashenteŋto mee kaŋɛ menyi nna, men baa ŋana mo.

Romebi 4:20

Mbe yirda daa maŋ gbuŋgbuŋ to n shin nɛ e fara a lar Ebɔrɛ be kɔnɔ naseso be kaman. E daŋ nya yirda be eleŋ nna n ti so nseŋ ta kemaŋkura n sa Ebɔrɛ.

Ditɛronɔmi 14:23

Kumo be kaman nɛ men yɔ kakpa nɛ Enyɛnpe menyi be Ebɔrɛ na lara n yili fanɛ kakpa nɛ menyeeŋ baa shuŋ mo na nseŋ ya ji menyi be ayu nɛ yabra belbelso nɛ ɔlif be ŋku be kudu kudusopoana nɛ ana nɛ mbolpɔ be ewurkoŋ na ndoŋ. Men baa wora le nseŋ koya kebaabunyaŋ Enyɛnpe menyi be Ebɔrɛ na saŋkikɛ.

Kelaraŋŋini 15:4

O, Enyɛnpe, wanɛ e wɔtɔ ŋkaa maaŋ ŋana fo nsaa maaŋ sa fo ketre na kemaŋkura? Ŋkpal manɛ so, fo nawule e du cheembi. Efuli kama so ebi malɛ kikɛ beeŋ ba kachako m ba maŋ fo so, ŋkpal manɛ so, fo demuji niŋisoana na lar efuli.”

1 Samuɛl 11:7

Ndoŋ nna nɛ Sɔɔl mɔ ana dɔso na be anyɔ nseŋ kuya bumo to n ta eblaŋ na be eko n shuŋi mbɔ ŋ kaŋɛ bumo fanɛ b ta eblaŋ kuyatoso na n yɔ Israɛl be efuli so kikɛ n ya kpele bumo kusoe ŋ kaŋɛ le: “Esa kama nɛ e baa maŋ bɛ Sɔɔl nɛ Samuɛl so n yɔ kena to, le nɛ amodoŋwura gba be ana beeŋ ki na!” Ndoŋ nna nɛ Enyɛnpe Ebɔrɛ shin nɛ kufu tɔr Israɛl be basa na so ga nɛ bumo kikɛ gbargbar abar so.