Aizaaya 7:9 - EBƆRƐ BE KAWƆL

⁹ Israɛl be efuli na maŋ kɔ eleŋ a chɔ kumo be kadegboŋ nɛ baa tre Samɛria na, nɛ Samɛria malɛ maŋ kɔ eleŋ a chɔ ewura Pɛka. Nɛ Juda be ewura, Ahaz, nɛ mbe benimuana maŋ yirda ma bre, baaŋ kɔ n tɔr.”

Aizaaya 7:9 ပူးပေါင်းရင်းမြစ်များ

2 Bewura 15:27

Ewura Uziya ka ji Juda be kuwura be kafɛ adunu nɛ anyɔsopo to, nɛ Remaliya pibinyɛn Peka malɛ ki Israɛl be ewura nseŋ ji kuwura Samɛria to nfɛ adunyɔ.

2 Kronikɛls 20:20

Ŋklade kachipurdidi saŋɛ so nɛ ekama lar a yɔ keshishɛrsawule nɛ k mata Tekua na, nɛ ewura Jehoshafat niŋi to ŋ kaŋɛ jimaŋ na le: “Menyi Juda nɛ Jerusalɛm ebi! Men ta men be yirda n deŋi Enyɛnpe nɛ e la menyi be Ebɔrɛ na so nsaa yili to kpakpa. Men yirda kusɔ nɛ mbe anebiana na kaŋɛ menyi na saŋɛ na so asheŋ beeŋ nyalɛ n sa menyi.”

Aizaaya 28:1

Asheŋ maaŋ nyalɛ n sa Israɛl be kuwurji na. Kadegboŋ nɛ baa tre Samɛria nɛ k dese ketaŋɛ nɛ k bee wora adɔjibi ga na be ekarso na wɔ asheŋ to pasaa. Kumo be bejuŋkparpoana la basa booso nsaa maŋ bumo be amu so, a sha kebaaji nsaa nuu nsa a boo ga. Baaŋ ki fanɛ atoto a wɔl m bolo nna.

Aizaaya 5:24

Kananɛ atuweklaŋ nɛ afitiri bee wɔl nsaa ji edɛ na nɛ menyi alɛ gba beeŋ ji edɛ nɛ menyi be nliŋi e bɛ nɛ menyi be atoto malɛ e wɔl nɛ afu e gbaŋgbaŋ amo n lɛ! Ŋkpal manɛ so, men kini kesɔ Enyɛnpetale Israɛl be Ebɔrɛ cheembi na be keŋini na.

Aizaaya 7:10

Kede be kaman nɛ Enyɛnpe Ebɔrɛ na naŋ ta kubɔya ere n ya sa ewura Ahaz.

Aizaaya 7:4

Men kaŋ wu mo nɛ fo kaŋɛ mo fanɛ e shin nɛ mbe kagbene e dese mo. E saa maa ŋana ewura Rezin nɛ ewura Pɛka. B nya agbo ga bre, ama bumo alɛ baa du fanɛ ndibi anyɔ ka kɔ edɛ nsaa dese a duŋ gbrɛgbrɛbi nna.

Aizaaya 8:4

pɔɛŋ nɛ kebia na e daŋ m pin ketre, m ma ŋko n tuto na, Asiriya be efuli so be ewura beeŋ ba kɔ n suge kusɔ lela nɛ k kɔ tɔnɔ kikɛ ashi Damaskɔs nɛ Samɛria n yɔ Siriya be efuli so.”

Aizaaya 9:9

Bumo kikɛ, nɛ ekama nɛ e wɔ bumo be kadegboŋ nɛ baa tre Samɛria na nyi kumo be asheŋ. Ama b daŋ kpeŋ nna nsaa wu bumo be amu nseŋ daŋ kaŋɛ le:

Jɛremaya 43:2

nɛ Hoshaya pibinyɛn, Azariya nɛ Kerii pibinyɛn, Johanan nɛ basa kpeŋso na be beko kaŋɛ ma le: “Efɛ nɛ fee ku! Enyɛnpe, anyi be Ebɔrɛ na maŋ shuŋi fo fanɛ fo ba kaŋɛ anyi fanɛ an sa maŋ ya chena Ijipt be efuli so.

Maika 1:5

Asheŋ ere kikɛ beeŋ wora nna ŋkpal Israɛlebi na ka wora kulubi ŋ gbiti Ebɔrɛ so. To, wanɛ nɛ baaŋ ta Israɛlebi be kekini Ebɔrɛ nseŋ lar mo kaman ere be asheŋ n sulɔ? Samɛria nɛ k la efuli na be kadegboŋ na be basa nɛ baaŋ ta kumo n sulɔ a! Nɛ wanɛ malɛ e tɔr Judaebi be kagbirshuŋ ere be ntaŋ? Mannɛ Jerusalɛm gbagba a?

Ashuŋ Shunso 27:11

Ama benapo be enimubi na daŋ kplaŋ Pɔɔl be kamalga na so nna nseŋ yirda kusɔ nɛ ekuloŋgboŋ na be befarpoana na be enimu nɛ ekuloŋ na wura na kaŋɛ nna.

Ashuŋ Shunso 27:25

Amoso, men baa kɔ kenyɛn, ŋkpal manɛ so, n yirda Ebɔrɛ fanɛ kusɔ nɛ e kaŋɛ ma na maaŋ chɛrga kikɛ.

Romebi 11:20

To, kashenteŋ nna fanɛ b daŋ fɛta bumo nɛ b daa la kedibi na be ayabi gbagba na nna n lɛ ŋkpal b ka maŋ kɔ yirda so, ama yirda so nɛ menyi ere yil kpakpa na. Amoso, men sa maa wu menyi be amu, men baa kɔ kabɔrɛŋana a wɔtɔ.

Hibruwebi 11:6

Nɛ esa malɛ baa maa kɔ yirda, e maaŋ tiŋ n wora Ebɔrɛ be aparsheŋ kikɛ, ŋkpal manɛ so, esa kama nɛ e ba Ebɔrɛ kutɔ, a daga fanɛ e fara n yirda fanɛ Ebɔrɛ wɔ ŋkpa to nsaa nɛfa bekama nɛ baa fin mo kenishipereso.

1 Jɔn 5:10

Esa kama malɛ nɛ e yirda Ebɔrɛ Pibinyɛn na kɔ loŋ be shɛda na mbe kagbene to. Ama ekama nɛ e maŋ yirda Ebɔrɛ ta mo Ebɔrɛ na ŋ ki efɛpo nna na ŋkpal amodoŋwura na ka maŋ yirda shɛda mo nɛ e bee ji mo Pibinyɛn na be asheŋ na so.