Aizaaya 7:8 - EBƆRƐ BE KAWƆL

⁸ Ŋkpal manɛ so, Siriya be efuli na maŋ kɔ eleŋ a chɔ kumo be kadegboŋ nɛ baa tre Damaskɔs na, nɛ Damaskɔs malɛ maŋ kɔ eleŋ a chɔ ewura Rezin. Ta a ba nfɛ adeshe nɛ anu be jemanɛ so Israɛl be efuli na bre beeŋ mur a maaŋ naa wɔtɔ gba.

Aizaaya 7:8 ပူးပေါင်းရင်းမြစ်များ

Jɛnesis 14:15

Ndoŋ nɛ e ya barga mbe benapo to ntuŋ ntuŋ so nɛ b kɔ bumo doŋana na kena kanyɛso m pɔɔ bumo so cheche nseŋ ju m bɛ bumo so loŋ n ya fo Hobab nɛ k daa wɔ Damaskɔs be kelargato be esoso be kaba so na.

2 Samuɛl 8:6

Deevid daŋ yige mbe benapo na be beko nna ashi Damaskɔs, nɛ Siriyaebi na sɔ Deevid fanɛ bumo be ewura nsaa ka lampo a sa mo. Kaplɛkama nɛ ewura Deevid daŋ baŋ yɔ Enyɛnpe Ebɔrɛ daa shin nna nɛ e bee kɔ a pɔɔ so.

Ɛzra 4:2

nɛ b yɔ Zerubabel nɛ mbuna mbuna be benimuana na kutɔ n ya kaŋɛ le: “Men shin nɛ an chɛ menyi to n pɔr. Ŋkpal manɛ so, anyi nɛ menyi kikɛ bee shuŋ Ebɔrɛ koŋwule nna. Yili jemanɛ nɛ Asiriya be ewura, Esahadɔn, bar anyi kasawule ere so hale m ba fo kabre; menyi be Ebɔrɛ ere nɛ anyi alɛ gba bee shuŋ nsaa lara sarga a sa.”

Aizaaya 8:4

pɔɛŋ nɛ kebia na e daŋ m pin ketre, m ma ŋko n tuto na, Asiriya be efuli so be ewura beeŋ ba kɔ n suge kusɔ lela nɛ k kɔ tɔnɔ kikɛ ashi Damaskɔs nɛ Samɛria n yɔ Siriya be efuli so.”

Aizaaya 9:11

Ndoŋ nna nɛ Enyɛnpe Ebɔrɛ na shin nɛ bumo doŋana kre m ba nɛ b ba kɔ bumo kena.

Aizaaya 9:9

Bumo kikɛ, nɛ ekama nɛ e wɔ bumo be kadegboŋ nɛ baa tre Samɛria na nyi kumo be asheŋ. Ama b daŋ kpeŋ nna nsaa wu bumo be amu nseŋ daŋ kaŋɛ le:

Jɛremaya 49:23

Kusɔ nɛ Enyɛnpe Ebɔrɛ na kaŋɛ a laŋɛ Damaskɔs be kaplɛa so nde: “Kagbenejija nɛ kabɔlar daŋ tɔr basa nɛ b daa wɔ ndegboŋ nɛ baa tre Hamaf nɛ Apad na so nna ŋkpal b ka daŋ nu baru lubi so. Kafɔŋ damta daŋ luri bumo to nna fanɛ kananɛ teku be nchu bee ku a ba kaa buu kumo be ekarso so na nna.

Ezikɛl 27:18

Damaskɔs be basa daŋ wu asɔ damta be yiri yiri nɛ fee fa na, nɛ b shi Hɛlbɔn m bar yabra belbelso nseŋ naŋ shi Zaha m bar mbolpɔ be afuibi m ba tɔ amo.

Hoziya 13:1

Jemanɛ ko Efreim be yiri to ebi na daŋ baŋ malga, Israɛl be eyiri nɛ e ka na daa chicha nna, ŋkpal manɛ so b daa sa bumo bunyaŋ nna. Ama Efreim be yiri to ebi na wora alubi ŋkpal b ka shuŋ Baal be kegbir so nɛ luwu ba bumo so.