Aizaaya 7:6 - EBƆRƐ BE KAWƆL

⁶ ‘Men shin nɛ an ya kɔ Juda be efuli so ebi kena m pɔɔ bumo so nseŋ barga kasawule na to n sa abar, nseŋ ta kanyɛn nɛ baa tre Tabil na pibinyɛn ŋ ki ewura n chena ndoŋ.’

Aizaaya 7:6 ပူးပေါင်းရင်းမြစ်များ

1 Bewura 12:16

Basa na ka wu fanɛ Rehoboam maŋ nu n sa bumo na, nɛ b ponte ŋ kaŋɛ le: “Anyi nɛ ewura Deevid nɛ mbe kanaŋ maŋ kɔ shɛŋ! Manɛ nɛ b daŋ wora n sa anyi? Israɛlebi, men shin nɛ an yɔ epe! Men yige Rehoboam nɛ e baa ji mbe laŋ to ebi nawuleso kuwura. Ndoŋ nna nɛ Israɛlebi na kini kenu n sa mo

2 Bewura 11:2

Ahaziya pibinyɛn Jɔash nawule e daŋ nya ekpa n shile ŋ ŋana. Mo nɛ basa na kikɛ nɛ b daa sha kemɔ nɛ mo tana Jehosheba nɛ e daa la ewura Jehoram pibiche nsaa la Ahaziya malɛ mo tuto pibi na mɔlga mo. E daŋ ta mo nɛ eche nɛ e bee keta mo kakurge na nna ŋ ŋana Enyɛnpe be bɔrɛlambu na be ebu deseto to. Ŋkpal loŋ so, Atalia daa maŋ nya mo m mɔ.

2 Kronikɛls 13:8

Naniere, fee fɛ fanɛ feeŋ tiŋ ŋ kɔ m pɔɔ kuwurji nɛ Enyɛnpe ta n sa ewura Deevid be kaman to ebi ere so nna? Menyi alɛ kɔ benapo damta nɛ agbir nɛ Jeroboam ta shuwa n lɔŋɛ fanɛ egbolu fɔlbi na nna nɛ e baa la menyi be agbirana.

2 Kronikɛls 21:7

ama Enyɛnpe Ebɔrɛ na daa maa sha fanɛ e mur ewura Deevid be kaman to ebi na, ŋkpal mo nɛ ewura Deevid ka wora ŋkre nɛ e nase kɔnɔ fanɛ ewura Deevid be kaman to ebi e naaŋ baa ji kuwura mbaanaayɔ so.

2 Kronikɛls 28:5

Ŋkpal ewura Ahaz ka wora kulubi nɛ Juda be basa malɛ kini Enyɛnpe bumo nananyɛnana be Ebɔrɛ na so, Ebɔrɛ shin nna nɛ Siriya be ewura kɔ m pɔɔ mo so nseŋ pɛ Judaebi be basa damta n yɔ kabuti to ashi Damaskɔs. Enyɛnpe Ebɔrɛ na daŋ naŋ shin nna nɛ Israɛl be ewura Pɛka nɛ e la Remaliya pibinyɛn na kɔ m pɔɔ ewura Ahaz so nseŋ mɔ Juda be benapo nɛ b kɔ kenyɛn ga na be ŋgboŋ kalfa nɛ adunyɔ kachɛ koŋwule be epeŋi to.

Nshɛ 21:11

Kanaŋkama so nɛ b kre fo ŋkre lubi gba; b maaŋ tiŋ m pɔɔ fo so kikɛ.

Nshɛ 83:3

Baa kre fo basa ŋkre lubi ashiri to nna; Basa nɛ fee sha ga na be ŋkre lubi nɛ baa kre.

Aŋasa 19:21

Dimɛdi beeŋ tiŋ ŋ kre ŋkre; ama Enyɛnpe Ebɔrɛ be aparsheŋ e naŋ wora.

Aizaaya 7:1

Ewura Ahaz, mo tuto e daa la Jotam nɛ mo nananyɛn malɛ daa la Uzaya. Jemanɛ nɛ ewura Ahaz daa ji kuwura Juda be efuli so na nɛ Siriya be efuli so be ewura, Rezin nɛ Israɛl be efuli so be ewura nɛ baa tre Pɛka, nɛ e la Remaliya pibinyɛn na, daŋ cha abar m ba kɔ Jerusalɛmebi kena nna, ama b daŋ maŋ tiŋ ŋ kɔ n sɔ kadegboŋ na.

Aizaaya 7:5

Siriya be efuli so be basa nɛ Israɛl nɛ ewura Pɛka e kre kebaamur menyi a kaŋɛ le:

Aizaaya 7:7

Ama ma, Enyɛnpetale Ebɔrɛ na e kaŋɛ fanɛ loŋ maaŋ wora kikɛ.

Aizaaya 8:6

“Basa ere kini kechubɔr nɛ baa tre Shilowa na be nchu nɛ a bee shile yɛlyɛlbi na, nseŋ yɔ ewura Rezin nɛ ewura Pɛka be kaba so nɛ kagbenefuli.