Aizaaya 7:3 - EBƆRƐ BE KAWƆL

³ Ndoŋ nna nɛ Enyɛnpe Ebɔrɛ na kaŋɛ anebi Aizaaya le: “Keta fo pibinyɛn nɛ baa tre Shiya Jashub nɛ kumo be kifito la Basa gbrɛbi e naaŋ bɛta m ba na, nɛ men yɔ ewura Ahaz kutɔ. Menyeeŋ ya wu mo ashi ekpa nɛ k dese m mata kɔrɛwuraana na be eshuŋkpa nɛ k wɔ nchu be kubɔr nɛ k shi esoso a ba kadegboŋ na be lalaloge to na ase.

Aizaaya 7:3 ပူးပေါင်းရင်းမြစ်များ

2 Bewura 16:1

Remaliya pibinyɛn Pɛka ka ji Israɛl be kuwura be kafɛ kuduashunusopo to, nɛ Jotam pibinyɛn Ahaz malɛ ki Juda be ewura.

2 Bewura 18:17

Ndoŋ nna nɛ Asiriya be ewura na kaŋɛ mbe benapo be ejuŋkparpo fanɛ e lar kade nɛ baa tre Lackish na nseŋ keta benapo damta n yɔ Jerusalɛm n ya kɔ ewura Hɛzekaya kena. Benapo be bejuŋkparpogboŋ asa na e daŋ yɔ n ya yili ekpa nɛ k mata ewajɛluepoana be eshuŋkpa nɛ k dese ŋ kra kuchubɔr nɛ b kur nɛ nchu bee shi esoso be Kepa na to a bɔla a yɔ kade na to na.

2 Bewura 20:20

B daŋ sibɛ Hɛzekaya be kenyɛn nɛ e daŋ ji nɛ kananɛ e shin nɛ b gberge nchu m ba kadegboŋ na to be asheŋ kikɛ nna n wɔtɔ Juda be bewura be adrasheŋ be nwɔl to.

Nehemaya 3:16

Azbuk pibinyɛn Nehemaya nɛ e daa keni Bet Zur be kebonfu na be bargato so na malɛ e lɔŋɛ m pɔr egbal nɛ k bɛ so na, hale n ya fo kakpa nɛ baa puli bewura nɛ baa tre ndoŋ ewura Deevid be nchaŋ ase nɛ kepa nɛ b kur na nɛ benapo be echenakpa na ase.

Ɛksodɔs 7:15

Amoso wule n yɔ Fɛɛro kutɔ kachipurso, saŋɛ nɛ e lar a yɔ Nail be lɔr to na. Ta kekpabi nɛ k daŋ kilgi kuwɔ na ŋ keta n ya kaa jo mo lɔrkar.

Aizaaya 10:21

Israɛlebi na daa shi nna ga fanɛ teku ase be eshishɛr, ama bumo to be gbrɛbi e naaŋ ji efute nseŋ bɛta m ba Israɛl be Ebɔrɛ lempo na kutɔ. Ŋkpal manɛ so, e daŋ yili kumo nna fanɛ e beeŋ mur bumo be efuli na, kumo be loŋ malɛ daga bumo nna.

Aizaaya 22:11

men daŋ pɔr nchu be eyilikpa nna ashi kadegboŋ na to n sɔ nchu nɛ a shi kepa dra na to a ba na n yili. Ama men daŋ maŋ laŋɛ menyi be lakal Ebɔrɛ nɛ e kre ade kikɛ dra dra na kikɛ pɔɛŋ nɛ a bee wora ere bre so.

Aizaaya 36:2

Ndoŋ nna nɛ Asiriya be ewura na kaŋɛ mbe benapo be ejuŋkparpo fanɛ e lar kadegboŋ nɛ baa tre Lackish na nseŋ keta benapo damta n yɔ Jerusalɛm to. Benapo be ejuŋkparpo na daŋ ya yili ekpa nɛ k mata ewajɛluepoana be eshuŋkpa nɛ k dese ŋ kra nchu be kubɔr nɛ b kur nɛ nchu bee shi Esoso be Kepa na to a bɔla kumo to na nna.

Aizaaya 55:7

Kumu kpakpasowuraana, men lar menyi be asheŋ lubi to nseŋ chɛrga menyi be nfɛra lubi nɛ menyee fɛ na. Men bɛta m ba Enyɛnpe anyi be Ebɔrɛ na kutɔ, mo e la ewɔrwupo nsaa nya manaŋ a ta alubi a paŋ na.

Aizaaya 6:13

Basa kudu to be esa koŋwule gba ka kasawule na so, mo alɛ gba beeŋ mur. E beeŋ ki fanɛ kedibi gboŋgboŋi nɛ b ku n lɛ be keyimu.” (Keyimu na yili n sa Ebɔrɛ be basa ka beeŋ naŋ fara kepopɔr to nna.)

Jɛremaya 22:1

Enyɛnpe Ebɔrɛ na daŋ kaŋɛ ma nna fanɛ n yɔ Juda be ewura be laŋ to n ya bɔ kubɔya ere n sa mo nɛ mbe benimuana na nɛ basa nɛ b daa wɔ ndoŋ na kikɛ.

Romebi 9:27

Le nɛ anebi Aizaaya bee kaŋɛ Israɛlebi be asheŋ awɔrso: “Nɛ Israɛlebi baa shi fanɛ teku ase be ajembubi gba, bumo to be gbrɛbi e naaŋ nya kumɔlga.